Tag: گرفتار

واشنگٹن: مریکہ کے دارالحکومت واشنگٹن کے علاقے برلنگٹن کے کیس کیڈ شاپنگ مال میں فائرنگ کرکے پانچ افراد کو موت کے گھاٹ اتارنے والے مشبتہ حملہ آور کو گرفتار کرلیا گیا۔

تفصیلات کےمطابق واشنگٹن پولیس کے ترجمان مارک فرانسس نے سماجی رابطے کی ویب سائٹ پرٹوئٹر پر واشنگٹن میں فائرنگ کرنے والے حملہ آور کی گرفتاری کی تصدیق کی ہے۔

Gunman captured tonight by authorities, Details forthcoming, Press Conference tonight at 1800 Continental Pl. Time TBA

— Sgt. Mark Francis (@wspd7pio) September 25, 2016

ایف آئی کے مطابق ملزم کا بظاہر دہشت گردی سے کوئی تعلق نہیں ہےتاہم ابھی تک حملہ آور کے بارے میں تفصیلات جاری نہیں کی گئی۔

مزید پڑھیں:واشنگٹن کے شاپنگ مال میں فائرنگ،5افراد ہلاک

یاد رہے کہ کہ گزشتہ روز امریکہ کے دارالحکومت واشنگٹن کے علاقے برلنگٹن کے کیس کیڈ شاپنگ مال میں نامعلوم شخص کی فائرنگ سے5 افراد ہلاک ہو گئے جبکہ حملہ آور فرار ہونے میں کامیاب ہو گیا تھا۔

واضح رہےکہ اس سے قبل مشتبہ شخص کی تلاش کے دوران حکام نے اسے ہسپانوی نڑاد قرار دیا تھا۔

ماسکو: روس میں ایک بلاگر کو چرچ میں اپنے سمارٹ فون پر پوکےمون گو گیم کھیلنے کے جرم میں گرفتار کر کے جیل بھیج دیا گیا۔

تفصیلات کے مطابق روس کے شہر یکیٹرنبرگ کی مقامی عدالت نے کہا کہ چرچ میں پوکےمون گو گیم کھیلنے والے شخص نے رہائی کے لیے درخواست دائر کی ہے۔

روسی پولیس نے 21 سالہ روسی بلاگر روسلن سوکولوسکی کو اس وقت گرفتار کیا جب انہوں نے آرتھوڈاکس چرچ میں پوکےمون گیم کھیلتے ہوئے اپنی ویڈیو بنائی۔

روسلن سوکولوسکی پر الزام عائد کیا گیا ہے کہ انہوں نے مذہبی عقائد کا مذاق اڑایا ہے۔

مزید پڑھیں: مقبول ترین موبائل ویڈیو گیم ’پوکی مون گو‘ کھیلنا حرام قرار

مزید پڑھیں: ایران نے پوکے مون گو گیم کھیلنے پر پابندی لگادی

تحقیق کارروں اور چرچ اہلکاروں نے کہا ہےکہ روسلن سوکولوسکی کو چرچ میں ویڈیو بنانے پرگرفتار کیا گیا ہے۔

واضح رہے کہ جولائی میں روسی ٹی وی پر پوکےمون گو گیم کھیلنے والوں کو خبردار کیا گیا تھا کہ چرچ میں گیم کھیلنے کی صورت میں وہ تین سال کے لیے جیل جا سکتے ہیں۔

دہلی : بھارتی دارالحکومت دہلی میں پولیس نےعام آدمی پارٹی کے سابق وزیر برائے خواتین اور بچوں کی بہبود سندیپ کمار کو جنسی زیادتی کا الزام لگنے کے بعدگرفتار کر لیا.

تفصیلات کے مطابق تین روز قبل ایک مبینہ ٹیپ منظر عام پر آنے کے بعد سندیپ کمار کو ان کے عہدے سے برطرف کر دیا گیا ہے.اس ویڈیو میں انہیں ایک خاتون کے ساتھ مبینہ طور پردیکھا جاسکتا تھا.

ویڈیو میں نظر آنے والی خاتون کا کہنا ہے کہ یہ واقعہ تقریباً ایک برس قبل کا ہے اور یہ ویڈیو ان کے علم کے بغیر بنائی گئی ہے.اس خاتون نے اب سابق وزیر پر زیادتی کا الزام لگایا ہے.

دوسری جانب سندیپ کمار کا کہنا ہے کہ وہ کسی قسم کی غلط حرکت نہیں کی ہے اور مبینہ ویڈیو جعلی ہے.

انہوں نے کہا کہ جس سی ڈی کے حوالے سے انہیں برطرف کیا گیا ہے اس میں وہ نہیں ہیں. یہ تفتیش کا معاملہ ہے اور میرا میڈیا ٹرائل کیا جارہا ہے.

دہلی میں اس وقت عام آدمی پارٹی کی حکومت کا کہنا ہے کہ وہ اسکینڈل یا بدعنوانی کو کسی بھی صورت میں برداشت نہیں کرے گی.

اس سے قبل دہلی کے وزیر اعلیٰ اروند کیجریوال کا کہنا تھا کہ ان کو سندیپ کمار کی ایک ’قابل اعتراض‘ سی ڈی موصول ہوئی تھی اور کمار کو عہدے سے ہٹا دیا گیا.

واضح رہے کہ عام آدمی پارٹی کی دہلی میں حکومت ہے اور وہ اس جماعت کے ایسے دوسرے وزیر ہیں جن کو عہدے سے برطرف کیا گیا.گذشتہ سال وزیر خوراک کو رشوت لینے کے الزام میں برطرف کیا گیا تھا.