Tag: گرفتار

کراچی:  پولیس اور قانون نافذ کرنیوالے ادارے نے خفیہ اطلاع پر بھارتی جاسوس سمیت پاکستانی سہولت کار کو گرفتار کرلیا۔

اے آر وائی نیوز کے مطابق ڈسٹرکٹ سٹی پولیس نے کلاکوٹ میں حساس ادارے کے ہمراہ مشترکہ کارروائی کرتے ہوئے پاکستان کے مختلف اہم اور حساس مقامات کی جاسوسی کرنے والے بھارتی جاسوس کو پاکستان سہولتکار سمیت گرفتار کرلیا۔

 ایس ایس پی سٹی عارف عزیز کا بتانا ہے کہ گرفتار ملزمان کے قبضے سے 2 انڈین پاسپورٹ, 1 پستول, پانچ لاکھ ایرانی کرنسی, جعلی جیولری بکس, 6 موبائل فونز, 1 ٹیبلٹ اور دیگر کاغذات برآمد ہوئے ہیں۔

ایس ایس پی سٹی عارف عزیز کے مطابق گرفتار ملزمان میں اکھل دیو اور ظہور احمد شامل ہیں، اکھل دیو تربیت یافتہ انڈین جاسوس ہے جو پاکستان سہولتکار کی مدد سے جاسوسی کر رہا تھا۔

عارف عزیز کے مطابق ملزم سے مزید تحقیقات کی جا رہی ہیں دوران تفتیش بڑے انکشافات بھی متوقع ہیں جبکہ ملزمان کے دیگر ساتھیوں کی گرفتاری کیلئے بھی چھاپے مارے جارہے ہیں۔

کراچی: پولیس نے لیاری گینگ وار کے انتہائی مطلوب 4 بھتہ خور مقابلے کے  بعد گرفتار کرلیا۔

تفصیلات کے مطابق کراچی کے علاقے لیاری تھانہ کلر کی حدود میں ملزمان اور پولیس کے درمیان مقابلہ ہوا، مقابلے میں  لیاری گینگ وار کے انتہائی مطلوب 4 بھتہ خور کو گرفتار کرلیا گیا۔

لیاری تھانہ کلر پولیس کا کہنا ہے کہ گرفتار ملزمان کی شناخت بلال، جنید، سلمان اور عمیر کے ناموں سے ہوئی، ملزمان سے 4 پستول بمعہ راؤنڈز اور ایک چوری شدہ موٹر سائیکل برآمد ہوئی۔

پولیس کا بتانا ہے کہ ملزمان کا تعلق لیاری گینگ وار شہزاد عرف سوبر گروپ سے ہے، ملزمان بھتہ خوری کی درجنوں وارداتوں میں پولیس کو مطلوب تھے۔

پولیس نے مزید بتایا کہ ملزمان نے چند ماہ قبل ایک تاجر سے 30 لاکھ روپے بھتہ وصول کیا تھا، ملزمان بھتے کی پرچی میں ایران کا نمبر استعمال کرتے تھے جو شہزاد کے استعمال میں تھا اور گولیمار میں منشیات سپلائی میں بھی ملوث رہے ہیں۔

کراچی: ایف آئی اے انٹرپول پاکستان نے قتل کے سنگین مقدمے میں پنجاب پولیس کو مطلوب ملزم کو مسقط سے گرفتار  کرلیا۔

ایف آئی اے انٹرپول پاکستان کی کارروائی، قتل کے سنگین مقدمے میں مطلوب ملزم کو ایف آئی اے نیشنل سینٹرل بیورو انٹرپول پاکستان نے گرفتار کر لیا۔

  ترجمان ایف آئی اے کے مطابق اشتہاری ملزم عبداللہ پنجاب پولیس کو مطلوب تھا، ملزم کو مسقط سے گرفتار کر کے لاہور ائرپورٹ منتقل کر دیاملزم عبداللہ کے خلاف قتل کی دفعات کے تحت مقدمہ درج تھا۔

 ایف آئی اے این سی بی انٹرپول پاکستان نے ملزم کی گرفتاری کے لئے ریڈ نوٹس جاری کیا تھا، بعد ازاں ایف آئی اے امیگریشن نے ملزم کو متعلقہ پولیس کے حوالے کر دیا۔

ترجمان ایف آئی اے کا کہنا ہے کہ ملزم کی حوالگی انٹرپول اسلام آباد کی انٹرپول مسقط کے ساتھ قریبی رابطہ کاری کی وجہ سے ممکن ہوئی، انتھائی مطلوب ملزمان کی گرفتاری کے لئے این سی بی انٹرپول پاکستان 24/7 خدمات سرانجام دے رہا ہے۔

راولپنڈی: جڑواں شہر کی پولیس نے قوت گویائی سے محروم بھتیجی کو مبینہ طور پر زیادتی کا نشانہ بنانے والے تایا کو حراست میں لے لیا۔

اے آر وائی نیوز کے مطابق پاکستان کے دارالحکومت اسلام آباد کا جڑواں شہر راولپنڈر میں ایک افسوسناک واقعہ پیش آیا ہے، پولیس نے قوت گویائی سے محروم 10 سالہ بچی سے زیادتی کرنے والے ملزم کو گرفتار کرلیا گیا۔

راولپنڈی پولیس کے مطابق سفاک ملزم خالد محمود متاثرہ بچی کا تایا ہے، بچی کے والد کی درخواست پر  فوری مقدمہ درج کر کے ملزم کو چند گھنٹوں میں گرفتار کرلیا گیا۔

لاہور: ریلویز پولیس رائیونڈ نے چلتی ٹرین میں مسافر کو خنجر کے زور پر لوٹنے والے ملزم کو  گرفتار کر لیا۔

اے آر وائی نیوز کے مطابق راولپنڈی کے رہائشی امان اللہ کو ٹرین موسیٰ پاک میں پریم نگر کے قریب خنجر کے زور پر لوٹنے والے ملزم کو ریلویز پولیس رائیونڈ نے گرفتار کرلیا۔

ریلویز پولیس کا کہنا ہے کہ ملزم نے راولپنڈی کے رہائشی امان اللہ سے خنجر کے زور پر لوٹا تھا، ملزم نے مسافر سے 93 ہزار 500 روپے لوٹے تھے۔

ریلویز پولیس کے مطابق مسافر اوکاڑہ سے لاہور جانے والی ٹرین موسیٰ پاک میں سفر کر رہا تھا، ملزم صدیق نے ٹرین رائیونڈ رکنے پر چھلانگ لگا کر ریلوے یارڈ کی طرف دوڑ لگا دی۔

مسافر کے شور مچانے پر ایس ایچ او رائیونڈ رحمت علی نے ٹیم کی مدد سے فوری کارروائی کرتے ہوئے ملزم کو گرفتار کرلیا ساتھ ہی ملزم سے مسافر کی لوٹی ہوئی رقم برآمد کرلی گئی۔

ریلویز پولیس کا بتانا ہے کہ ملزم محمد صدیق کے خلاف تھانہ ریلویز پولیس رائیونڈ میں مقدمہ درج کرکے مزید تفتیش جاری ہے۔

لاہور: آئی جی پنجاب عثمان انور کی ہدایت پر پنجاب پولیس نے  3 خطرناک اشتہاری ملزمان کو  یو اے ای سے گرفتار کرلیا گیا۔

ترجمان پنجاب پولیس کے مطابق آئی جی پنجاب عثمان انور کی ہدایت پر 3 خطرناک اشتہاری ملزمان شعیب غنی، خالد محمود اور عبدالحامد کو یو اے ای سے گرفتار کرلیا گیا ہے۔

ترجمان نے بتایا کہ تینوں ملزمان سنگین جرائم کے بعد بیرون ملک فرار ہوگئے تھے، پنجاب پولیس کی ٹیم تینوں اشتہاری مجرمان کو گرفتار کر کے لاہور ائیر پورٹ پہنچ گئی ہے۔

ترجمان نے بتایا کہ گرفتار اشتہاری خالد محمود قتل کے مقدمے میں خانیوال پولیس کو مطلوب تھا، شعیب غنی اقدام قتل کے مقدمے میں فیصل آباد پولیس کو مطلوب تھا جبکہ عبدالحامد قتل کے مقدمے میں مردان پولیس کو مطلوب تھا۔

ترجمان پنجاب پولیس نے مزید بتایا کہ تینوں ملزمان کو انٹر پول کی مدد سے ریڈ نوٹس جاری کروا کرپاکستان لایا گیا، قتل، اغوا برائے تاوان سمیت دیگر مقدمات میں اشتہاریوں کیخلاف گھیرا مزید تنگ کیا جائے۔

آئی جی پنجاب  عثمان انور نے کہا کہ آر پی اوز، ڈی پی اوز  اشتہاری مجرمان کیخلاف جاری کریک ڈاؤن کی خود نگرانی کریں۔