پینسلوینیا: امریکی ریاست میں اپنی گرل فرینڈ کو اس کے بچوں کے سامنے چاقو کے 38 وار کر کے قتل کرنے والا مجرم جیل سے فرار ہوگیا۔
غیر ملکی میڈیا رپورٹ کے مطابق امریکی ریاست پینسلوینیا میں قتل کے جرم میں عمر قید کی سزا پانے والا مجرام جیل سے فرار ہوگیا، برازیلی شہری ڈانیلو کیولکانٹے کو گرل فرینڈ کے قتل کے جرم میں گرفتار کیا گیا تھا۔
رپورٹ کے مطابق ڈینیلو کیولکانٹے کو ایک ہفتہ قبل اپنی سابقہ گرل فرینڈ کو اس کے دو چھوٹے بچوں کے سامنے چاقو کے وار کر کے قتل کرنے کے جرم میں عمر قید کی سزا سنائی گئی تھی۔
حکام کے مطابق کیولکانٹے نے اپریل 2021 میں سابقہ گرل فرینڈ ڈیبورا برانڈو کو اس کے بچوں کے سامنے چاقو مار کر ہلاک کیا تھا، اس وقت بچوں کی عمر چار اور سات سال تھی، قتل کے دوران برانڈو پر 38 بار چاقو سے وار کیا گیا تھا۔
رپورٹ کے مطابق 34 سالہ ڈینیلو کیولکانٹے جمعرات کی صبح چیسٹر کاؤنٹی جیل سے فرار ہوا، پولیس نے خطرناک مجرم کو گرفتار کرنے میں میں مدد فراہم کرنے والے کو 10 ہزار ڈالر کا انعام دینے کا اعلان کیا ہے۔
رپورٹ میں بتایا گیا کہ کیولکانٹے برازیل میں بھی قتل کے الزام میں مطلوب ہیں، کیولکانٹے نے 2017 میں برازیل میں ایک شخص کو قتل کیا تھا جس پر اس کی رقم واجب الادا تھی۔
