کراچی کا موسم آج بھی گرم اور مرطوب رہے گا جبکہ وقفے وقفے سے ہوائیں چلنے کا امکان ہے۔
محکمہ موسمیات کے مطابق کراچی میں سمندری ہوائیں بحال ہوگئی ہے لیکن نمی کا تناسب بڑھنے سےگرمی کی شدت زیادہ محسوس کی جاسکتی ہے۔
محکمہ موسمیات کا کہنا ہے کہ آج درجہ حرارت 37 ڈگری سینٹی گریڈ تک ریکارڈ کیا جا سکتا ہے، کراچی میں اس وقت تیز دھوپ کے ساتھ موسم گرم اور مرطوب ہے۔
شہر میں اس وقت جنوب مغربی سمت سے 12 کلو میٹر فی گھنٹہ کی رفتار سے ہوا چل رہی ہے جبکہ ہوا میں نمی کا تناسب 75 فیصد ہے۔
محکمہ موسمیات کا بتانا ہے کہ اپریل میں گرمی کی شدت میں اضافہ ہوا ہے، اپریل میں درجہ حرارت میں معمول سے 4.66 ڈگری اضافہ ہوا ہے۔
محکمہ موسمیات کا کہنا ہے کہ اپریل میں ملک میں معمول سے اوسطاً 3.37 ڈگری سے زائد گرمی ریکارڈکی گئی ہے، رات کے اوقات میں درجہ حرارت میں معمول سے 2.57 ڈگری اضافہ ریکارڈ کیا گیا۔
