امریکی ارب پتی بزنس مین ایلون مسک کی کمپنی ایکس کی جانب سے لانچ کئے جانے والے ” گروک تھری ” میں کون سے ایسے فیچرز ہیں جو اسے دیگر اے ٹولز سے ممتاز کرتے ہیں۔
تفصیلات کے مطابق امریکی ارب پتی بزنس مین ایلون مسک کی کمپنی ایکس نے اپنا جدید ترین اے آئی ماڈل ” گروک تھری ” لانچ کردیا۔
ان کا دعوی ہے کہ "گروک تھری” اب تک کا سب سے ذہین اے آئی ماڈل ہے، جس نے چیٹ جی پی ٹی، ڈیپ سیک سمیت دیگراے آئی ٹولزکو پیچھے چھوڑدیا
اے آئی ماڈل کی بڑی خصوصیت جو اسے دوسرے اے آئی ٹولز سے ممتاز کرتی ہے، وہ یہ ہے کہ گروک تھری صرف سوالات کے جوابات دینے تک محدود نہیں بلکہ یہ انسان کی طرح سوچتا ہے، ناقدانہ رائے دیتا ہے اورمسائل کا بہترین حل پیش کرتا ہے۔
لائیو ڈیمونسٹریشن میں ایلون مسک نے” گروک تھری” کا موازنہ چیٹ جی پی ٹی، ڈیپ سیک سمیت دیگر معروف اے آئی ٹولز سے کیا، جس نےکوڈنگ، ریاضی، اور سائنٹیفک ریزننگ میں ان ماڈلز کو پیچھے چھوڑا۔
اس میں شامل کمپیوٹیشنل پاوراپ گریڈیشن دیگر تمام اے آئی ماڈلز سے دس گنا زیادہ پروسیسنگ صلاحیت فراہم کرتی ہے، گروک تھری کی ایک نمایاں خصوصیت اس کا نیا اے آئی ڈیپ سرچ انجن ٹول ہے، جو صارفین کوروایتی سرچ رزلٹس سے کہیں بہترنتائج دیتا ہے۔
گوروتھری کی کوڈنگ کی صلاحیت بھی حیرت انگیز ہے، کوڈنگ کے لیے اس ماڈل کے استعمال سے انجینئرز کے سیکڑوں گھنٹے بچ گئے۔
مستقبل کے حوالے سے ایلون مسک نے اے آئی ماڈل کے مزید اپ گریڈڈ ورژن کا بھی اشارہ دیا، جس میں وائس بیسڈ ورژن بھی شامل ہوگا۔
فی الحال یہ واضح نہیں ہے کہ کیا ایلون مسک گروک تھری کو دیگر اے آئی ماڈلز کی طرح محدود فیچرز کےساتھ مفت دستیاب کرنےکا ارادہ رکھتے ہیں لیکن اب تک صرف ’ایکس‘ کےپریمیم پلس صارفین ہی گروک تھری تک رسائی حاصل کرسکتے ہیں۔
