تہران : ایران کےدرالحکومت تہران میں چھوٹا مسافر طیارہ گر کر تباہ ہوگیا، طیارے میں چالیس سے زائد مسافر سوار تھے۔
میڈیا رپورٹس کے مطابق حادثہ ایران کے درالحکومت تہران کے مہر آباد ائرپورٹ کے قریب پیش آیا۔ ۔طیارہ طباس سے تہران جارہا تھا۔
ایرانی ائیرلائن کے چھوٹے مسافرطیارے میں چالیس سے زائد افراد سوار تھے جو تمام کے تمام ہلاک ہوگئے۔ میڈیا کے مطابق طیارہ پرانا ہونے اور مناسب دیکھ بھال نہ ہونے کی وجہ سے گرا۔
لیبیا : باغیوں نے بن غازی کے علاقے میں فوجی بیس پر قبضہ کر لیا، اس دوران فوج اور باغیوں کے درمیان جھڑپ میں تیس افراد ہلاک ہوگئے، ادہر لیبیا کی فوج کا ایم آئی جی جنگی طیارہ رہائشی علاقے میں گرکر تباہ ہوگیا۔
لیبیا میں بن غازی کے علاقے اہم فوجی بیس پر قبضے کیلئے باغیوں اور فوج کے درمیان جھڑپوں میں تیس افراد ہلاک ہوگئے، جس کے بعد باغیوں نے فوجی بیس پر قبضے سے دعویٰ کیا ہے۔ بن غازی میں باغیوں سے لڑائی کے دوران فوج کا جنگی طیارہ رہائشی علاقے میں گرکر تباہ ہوگیا جبکہ پائلٹ پیراشوٹ کے ذریعے اپنی جان بچانے میں کامیاب ہوگیا ۔
عینی شاہد کا کہنا ہے کہ فوجی طیارے کو باغیوں نے نشانہ بنایا ہے،تاہم ابھی تک سرکاری سطح پر اس کی تصدیق نہیں کی گئی۔
