کوریا کی مقبول اداکارہ پارک سوریون سیڑھیوں سے گر کر ہلاک ہوگئی۔
میڈیا رپورٹس کے مطابق یہ حادثہ مبینہ طور پر جیجو جزیرے پر اس وقت پیش آیا جب 29 سالہ اداکارہ پارک سو ریون اپنے گھر واپس جاتے ہوئے سیڑھیوں سے نیچے گری۔
میڈیا رپورٹس کے مطابق حادثے کے بعد اداکارہ کو فوری اسپتال منتقل کیا گیا تاہم ڈاکٹرز نے کہا کہ اداکارہ کی موت اسپتال لانے سے قبل ہی ہوچکی تھی۔
میڈیا رپورٹس کے مطابق آنجہانی اداکارہ کی والدہ نے اپنی بیٹی کے اعضاء عطیہ کرنے کا اعلان کرتے ہوئے کہا کہ پارک سو ریون کی دماغی موت واقع ہوئی ہے اس کا دل اور دیگر اعضاء ابھی بھی قابل استعمال ہیں اگر کسی ضرورت مند کو اعضاء کی فوری ضرورت ہے تو رابطہ کرسکتا ہے۔