پشاور: باڈر ایریا میں پاک فوج، پولیس اور ایف سی نے مشترکہ گرینڈ آپریشن کیا، آپریشن کے دوران سو سے زائد مشتبہ افغان کو گرفتار کرلیا گیا جبکہ اسحلہ بھی برآمد ہوا۔
پشاور یونی ورسٹی سے ملحقہ مضافاتی علاقوں ریگی، ناصر باغ اور ملا گوری کے باڈر ایریا میں پاک فوج، فرنٹیر کور ،فرنٹیر کانسٹبلری اور پولیس کی جانب سے مشترکہ گرینڈ آپریشن کیا گیا۔
جس میں گھر گھر تلاشی کے دوران غیر قانونی طور پر مقیم افغان باشندوں کو گرفتار کیا گیا۔
ایس ایس پی آپریشنز میاں سید کے مطابق جائنٹ آپریشن پشاور کے باڈر ایریا میں بھی کیا گیا جہاں غیر قانونی طور پر مقیم افغان مہاجرین کو حراست میں لیا گیا، جن کے قبضے سے بھاری اسلحہ بھی برآمد ہوا۔
پولیس کے مطابق گرفتار ملزمان کے خلاف چودہ فارن ایکٹ کے تحت مقدمات درج کئے گئے ہیں۔
یاد رہے کہ 16دسمبر کو پشاور کے آرمی پبلک اسکول میں دہشتگردوں نے حملہ کردیا تھا ، جس کے نتیجے میں 132 بچوں سمیت 148 افراد شہید ہوگئے تھے۔
ساںحہ پشاور کے بعد پاک افواج نے کاروائیوں کا سلسلہ تیز کردیا جس میں اب تک متعدد مشتبہ افراد کو پکڑا جا چکا ہے۔
