Tag: گرینڈ الائنس

اسلام آباد : جمعیت علمائے اسلام (ف) نے گرینڈ اپوزیشن الائنس میں شرکت کیلئے پاکستان تحریک انصاف کو اپنی شرائط سے آگاہ کردیا۔

تفصیلات کے مطابق گرینڈ الائنس میں شرکت کے لیے جمعیت علمائے اسلام (جے یوآئی) ف نے پی ٹی آئی کو شرائط سے آگاہ کردیا ہے۔

ذرائع نے کہا جے یو آئی کی متعدد شرائط وزیراعلیٰ کے پی علی امین گنڈاپور سے متعلق ہیں، اسد قیصر اس معاملے پر بانی پی ٹی آئی سے براہ راست بات کرنا چاہتے ہیں۔

ذرائع کا کہنا تھا کہ الائنس میں شرکت سے متعلق جے یو آئی نے باضابطہ فیصلہ نہیں کیا، الائنس سےمتعلق جوبھی فیصلہ ہوگا سب کو پتہ چل جائے گا۔

مزید پڑھیں : اپوزیشن کے گرینڈ الائنس کا معاملہ کھٹائی کا شکار ہونے کا خدشہ

گذشتہ روز ترجمان جے یو آئی حافظ حمداللہ نے کہا تھا کہ علی امین گنڈا پور بار بار ہرزہ سرائی کرکے مثبت ماحول کو خراب کر رہے ہیں، پی ٹی آئی قیادت کو واضح کرنا چاہیے کہ گنڈاپور کس کے ایجنڈے پر عمل پیرا ہیں؟ حافظ حمداللہ

حافظ حمداللہ کا کہنا تھا کہ ایک طرف اسد قیصر اور پی ٹی آئی قیادت اپوزیشن اتحاد تشکیل دینے کیلئےرابطے میں ہیں، دوسری طرف گنڈاپور بلاوجہ مولانا سےمتعلق زبان درازی پر اتر آئے ہیں۔

ترجمان نے مزید کہا کہ پی ٹی آئی قیادت ارکان کی بات چیت پرنظررکھےتاکہ مذاکرات کامثبت ماحول برقراررہے، ہم اینٹ کا جواب پتھر سے دینے پر مجبور ہو سکتے ہیں۔

اسلام آباد : اپوزیشن کے گرینڈ الائنس کا معاملہ کھٹائی کا شکار ہونے کا خدشہ ہے، پی ٹی آئی اب تک مولانا فضل الرحمان تحفظات کا جواب نہیں دے سکے۔

تفصیلات کے مطابق اپوزیشن کے گرینڈ الائنس میں ڈیڈلاک برقرار ہے، پی ٹی آئی مولانا فضل الرحمان کے تحفظات کا جواب نہیں دےسکی۔

ذرائع نے بتایا کہ الائنس پر پی ٹی آئی اور جے یو آئی میں مفاہمت آگے نہیں بڑھ سکی، مولانا فضل الرحمان کل غیرملکی دورے پرروانہ ہو رہےہیں، جس سے معاملہ کھٹائی کا شکار ہونے کا خدشہ ہے۔

ذرائع کا کہنا تھا کہ پبلک اکاؤنٹس کمیٹی کی چیئرمین شپ کا سوال بھی پی ٹی آئی کے سامنے رکھا گیا۔

جماعت اسلامی نے گرینڈ الائنس میں شمولیت سے انکار کیا ہے، جماعت اسلامی سولو فلائیٹ کی پالیسی پر گامزن ہے۔

ذرائع نے کہا ہے کہ گرینڈ الائنس کی قیادت کس کے پاس ہو گی ، اس حوالے سے مولانا فضل الرحمٰن نے بھی قیادت سنبھالنے پر خاموشی اختیار کر رکھی ہے۔

گذشتہ روز پی ٹی آئی کے پی کے صدر جنید اکبر نے کہا تھا کہ اپوزیشن جماعتوں کا بڑا گرینڈ الائنس بننے جارہا ہے، تین میٹنگزہوچکی ہیں، جلد خوشخبری ملے گی۔

انھوں نے واضح کیا کہ جوغلط کام کرتا ہےہم اس کے ساتھ نہیں ہیں، اختلاف رائےرکھنے کا حق ہے لیکن تھپڑمارنےکاحق کسی کونہیں ہے۔

اسلام آباد: سنی اتحاد کونسل کے رہنما اسد قیصر کا کہنا ہے کہ گرینڈ الائنس کی طرف جا رہےہیں، چاروں صوبوں سے وکلا کو بھی اکٹھا ہو کرتحریک چلانے کا کہتے ہیں۔

تفصیلات کے مطابق سنی اتحاد کونسل کے رہنما اسد قیصر نے اسلام آباد ہائیکورٹ میں میڈیا سے گفتگو کرتے ہوئے کہا کہ گرینڈ الائنس کی طرف جا رہےہیں،تمام قوتوں کواکٹھا کرینگے،ہم ملک میں آئین کی بالادستی اورقانون کی حکمرانی چاہتے ہیں۔

اسد قیصر کا کہنا تھا کہ چاروں صوبوں سے وکلاکو بھی اکٹھا ہو کرتحریک چلانے کا کہتےہیں۔

دوسری جانب وزارت عظمیٰ کے امیدوار عمرایوب نے بھی اسلام آباد ہائیکورٹ میں میڈیاسےگفتگو میں کہا کہ صدارتی انتخابات کیلئے محموداچکزئی ہمارے امیدوار ہیں، یہ بلوچستان کے لیے ایک بہت مثبت پیغام ہے، بلوچستان رقبے کے لحاظ سے بڑا صوبہ ہے،وہاں محرومیاں ہیں۔