پیرس : فنانشل ایکشن ٹاسک فورس آج پاکستان کو گرے لسٹ میں رکھنے یا اس کی حیثیت بدلنے سے متعلق فیصلےکا اعلان کرےگا۔
تفصیلات کے مطابق پیرس میں فنانشل ایکشن ٹاسک فورس کا اجلاس جاری ہے ، وفاقی وزیر برائے ریونیوحماد اظہر کی قیادت پانچ رکنی وفد اجلاس میں شریک ہیں، گرے لسٹ کے معاملے پر پاکستان کےبارےمیں اہم فیصلہ آج ہو گا۔
برطانوی نشریاتی ادارے کے مطابق پاکستان کی نمائندگی کرنے والا وفد پر اعتماد ہے کہ پاکستان کے اقدامات کی بدولت اسے گرے لسٹ سے جلد نکال دیا جائے گا۔ چین، ترکی اور ملائشیا سمیت پاکستان کے بعض اتحادیوں کا موقف رہا ہے کہ پاکستان اپنے محدود وسائل میں جتنے اقدامات کر رہا ہے، ان سے یہ واضح ہے کہ ملک شدت پسندی کی مالی اعانت پر کاری ضرب لگا رہا ہے۔
وزیر برائے اقتصادی امور، حماد اظہر کی قیادت میں ایف اے ٹی ایف میں پاکستان کی نمائندگی کرنے والا وفد پر اعتماد ہے کہ پاکستان کے اقدامات کی بدولت اسے گرے لسٹ سے جلد نکال دیا جائے گا۔
خیال رہے بھارت کی پاکستان کوبلیک لسٹ میں ڈالنےکی کوشش دوبارناکام ہوچکا ہے ، بھارتی سازش کی کسی بھی ملک نےحمایت نہ کی تھی، پاکستان کو گرے لسٹ سے نکلنے کے لیے 15 ووٹوں درکار ہے جبکہ رکن ممالک کا کہناہےکہ پاکستان مؤثراقدامات کررہاہے، کئی اقدامات لائق تحسین ہیں۔
مزید پڑھیں : ایف اےٹی ایف کا اجلاس : پاکستان پر بلیک لسٹ کے تمام خدشات دور
ذرائع کے مطابق پلانری سیشن میں پاکستان کی کارکردگی رپورٹ کی تعریف کی گئی اور پاکستان کے ستائیس میں سے چودہ نکات پرمکمل عمل کی ہرسطح پر پذیرائی ہوئی ہے۔
پاکستان کوگرے لسٹ سےنکلنے کے لیے مزید اقدامات کرناہوں گے تاہم پاکستان کوگرےلسٹ سےنکلنےکیلئےاکتوبرتک کاوقت دیئے جانے کا امکان ہے۔
ذرائع کا کہنا ہے کہ پاکستان کو ترکی، چین اورملائیشیاسمیت دوست ممالک کی حمایت حاصل ہیں جبکہ سنگاپور، ہالینڈ، ہانگ کانگ، کینیڈا ،امریکا نے پاکستانی اقدامات کی تعریف کی اور فرانس، جاپان،سعودی عرب، برطانیہ نے بھی پاکستان کی حوصلہ افزائی کی ہے۔
