Tag: گزٹ نوٹیفکیشن جاری

لاہور : پنجاب حکومت نے ہتک عزت قانون کا گزٹ نوٹیفکیشن جاری کر دیا، جس کے بعد صوبے پھر میں نیا قانون بن گیا۔

تفصیلات کے مطابق صحافیوں کا احتجاج نظر انداز کرتے ہوئے پنجاب حکومت نے ہتک عزت قانون کا گزٹ نوٹیفکیشن جاری کر دیا۔

نوٹیفکیشن میں کہا گیا ہے قانون کا اطلاق فوری طور پر پنجاب بھر میں ہوگا، بل کے تحت ٹرائل سے قبل تیس لاکھ روپے تک ہرجانہ بھجوایاجا سکے گا۔

قائم مقام گورنر نے سات جون کو اسمبلی کی جانب سے بھجوائے گئے مسودے پر دستخط کئے تھے، مسودے میں لفظ پنجاب ہتک عزت ایکٹ 2024 کا استعمال کیا گیا ہے۔

گذشتہ روز ہتک عزت بل کی منظوری کے خلاف جوائنٹ ایکشن کمیٹی کا اجلاس ہوا تھا ، جس میں تمام صحافی تنظیموں نے بل کو انسان دشمن قانون قرار دیا تھا۔

مزید پڑھیں : ہتک عزت بل قانون بنتے ہی لاہور ہائی کورٹ میں چیلنج

کمیٹی اجلاس میں حکومتی تقریبات، وفاقی وصوبائی بجٹ کی کوریج سمیت حکومتی اتحادی جماعتوں کی سرگرمیوں کے بائیکاٹ کا فیصلہ کرتے ہوئے کہا تھا کہ بل کے خلاف موثر قانونی چارہ جوئی بھی کی جائے گی۔

اجلاس میں کہنا تھا کہ اقوام متحدہ، دیگرعالمی انسانی حقوق کی تنظیموں سےبھی رابطہ کیا جائے گا۔

صدر لاہور پریس کلب ارشد انصاری نے قانون کیخلاف انصاف کیلئے ہائیکورٹ جانے کا بھی اعلان کیا تھا۔

اسلام آباد : نیب ترمیمی آرڈیننس کا گزٹ نوٹیفکیشن جاری کردیا گیا، جس میں زیرحراست ملزم کا ریمانڈ 14 دن سے بڑھا کر 40 دن کردیا ہے۔

تفصیلات کے مطابق قائم مقام صدر مملکت اور چیئرمین سینیٹ یوسف رضا گیلانی کی منظوری کے بعد وزارت قانون وانصاف نے نیب ترمیمی آرڈیننس دوہزار چوبیس کا گزٹ نوٹیفکیشن جاری کردیا۔

۔نیب آرڈیننس کے تحت زیر حراست ملزم کا ریمانڈ چودہ دن سے بڑھاکر 40 دن کردیا گیا ہے جبکہ نیب افسر کی جانب سے بدنیتی پر مشتمل نیب ریفرنس بنانے پر سزا پانچ سال سے کم کر کے دو سال کر دی گئی ہے ساتھ ساتھ جرمانہ بھی کیا جائے گا۔

ایم کیو ایم پاکستان اور مسلم لیگ ن کے رہنما خواجہ سعد رفیق پہلے ہی نیب آرڈیننس کی مخالفت کرچکے ہیں۔

پیپلزپارٹی کے دوسینئررہنما بھی نیب ترمیمی آرڈیننس کے مخالف ہیں ، رضا ربانی کا کہنا ہے کہ الیکشن ایکٹ اورنیب ترمیمی آرڈیننس جلد بازی میں جاری کیے گئے، قائم مقام صدرنے کوئی وجہ پیش نہیں کی، آرڈیننس کے اجرا کی مذمت کرتے ہیں۔

فاروق ایچ نائیک کا کہنا ہے کہ آرڈیننس کےذریعےکی گئی نیب ترمیم واپس لی جائےیہ کالاقانون ہے، چودہ دن سےزیادہ ریمانڈ قانون کی نفی کرتا ہے، سوال یہ ہے جو افسرجھوٹا مقدمہ بنائے اسے سزا کیوں نہ ہو۔