ARYNews.tv | Urdu – Har Lamha Bakhabar

Tag: گلستان جوہر

  • کراچی : گلستان جوہر میں فائرنگ سے 2 افراد جاں بحق 3 زخمی

    کراچی : گلستان جوہر میں فائرنگ سے 2 افراد جاں بحق 3 زخمی

    کراچی کے علاقے گلستان جوہر میں فائرنگ سے 2 افراد ہلاک اور 3 زخمی ہوگئے، پولیس کے مطابق واقعہ ذاتی دشمنی کا شاخسانہ ہے۔

    اے آر وائی نیوز کی رپورٹ کے مطابق کراچی کے علاقے گلستان جوہر پہلوان گوٹھ کے قریب نامعلوم افراد کی فائرنگ سے 5 افراد زخمی ہوگئے۔

    زخمیوں کو طبی امداد کی فراہمی کیلیے جناح اسپتال منتقل کیا گیا جہاں دوران علاج 2 افراد زخموں کی تاب نہ لاتے ہوئے دم توڑ گئے۔

    اس حوالے سے پولیس حکام کا کہنا ہے فائرنگ کا واقعہ آپس کے جھگڑے کا شاخسانہ ہے۔ فائرنگ پہلوان گوٹھ میں دکان کے باہر کی گئی، عینی شاہدین کے مطابق ملزمان کار اور موٹرسائیکلوں پر سوار تھے۔

    پولیس کے مطابق فائرنگ کے واقعے میں جاں بحق ہونے والوں میں سید مظہر عباس اور علی وارث شامل ہیں، جبکہ زخمیوں کی شناخت علی حسن، محمد علی اور حبیب علی کے ناموں سے ہوئی ہے۔

    واقعے کے فوری بعد پولیس اور رینجرز کی بھاری نفری موقع پر پہنچی اور تحقیقات شروع کردی گئی، فائرنگ کے واقعے کے خلاف علاقہ مکینوں کی جانب سے احتجاج بھی کیا گیا۔

    واقعے کے بعد مشتعل افراد نے احتجاجی مظاہرہ کرتے ہوئے ملزمان کی گرفتاری کا مطالبہ کیا اور آگ جلا کر سڑک کو بلاک جبکہ اطراف کی دکانوں کو بند کروادیا تاہم پولیس نے مظاہرین سے مذاکرات کرکے انہیں منتشر کردیا۔

    مزید پڑھیں : کراچی میں تھانے کے اندر فائرنگ سے ایک شخص جاں بحق

    وزیر داخلہ سندھ ضیا لنجار نے ایس ایس پی ایسٹ سے واقعہ کی تفصیلات طلب کرتے ہوئے ہدایت کی ہے کہ ملزمان کی فوری گرفتاری یقینی بنائی جائے۔

  • گلستان جوہر میں فائرنگ سے کار سوار جاں بحق

    گلستان جوہر میں فائرنگ سے کار سوار جاں بحق

    کراچی: گلستان جوہر بلاک 15 میں کار پر فائرنگ سے کار سوار شخص جاں بحق ہوگیا، متوفی کا تعلق ضلع اوکاڑہ پنجاب سے ہے۔

    تفصیلات کے مطابق ایس ایس پی ایسٹ نے بتایا کہ تھانہ گلستان جوہرکی حدود میں کار پر فائرنگ کی گئی، جس سے کار میں موجود شخص جاں بحق ہوگیا، جاں بحق شخص کی شناخت محمد ارشد کے نام سے ہوئی ہے۔

    پولیس نے بتایا کہ محمد ارشد گلشن اقبال میں رہائش پذیر اور تعلق ضلع اوکاڑہ پنجاب سے ہے، کار سوار شخص کو ملزمان کی فائرنگ سے گردن پر ایک گولی لگی۔

    جامعہ کراچی کے طلبا کی بس پر فائرنگ کا واقعہ کیسے پیش آیا؟ فوٹیج سامنے آگئی

    ایس ایس پی ایسٹ موٹرسائیکل سوار حملہ آور نے تعاقب کرکے گولی ماری، فائرنگ کے واقعے سے متعلق مزید تحقیقات کررہے ہیں۔

    دریں اثنا اورنگی فرنٹیئر موڑ کے قریب فائرنگ کا ایک زخمی دم توڑگیا، فائرنگ کے واقعے میں 2 افراد زخمی ہوئے تھے، شاہین فورس نے فائرنگ کرنے والے ملزم کو گرفتار کیا تھا۔

    ایس ایس پی ویسٹ نے بتایا کہ گرفتار ملزم طاہر سے 30 بور کا پستول برآمد ہوا، ملزم نے ذاتی رنجش کی بنا پر فائرنگ کرنے کا اعتراف کیا۔

    https://urdu.arynews.tv/karachi-firing-lawyer-khawaja-shamsul-islam-01-aug-2025/

  • گلستان جوہر میں کم عمر بچے نے موٹر سائیکل چوری کرلی

    گلستان جوہر میں کم عمر بچے نے موٹر سائیکل چوری کرلی

    کراچی میں کم عمر بچے بھی چوری کی وارداتوں میں ملوث ہونے لگے، گلستان جوہر کے علاقے میں کم عمر بچے نے موٹر سائکل چوری کی واردات کر ڈالی جسکی فوٹیج منظر عام پر آ گئی۔

    تفصیلات کے مطابق کراچی میں موٹر سائیکل چوری میں بچہ گینگ بھی سرگرم ہوگئے، گلستان جوہر میں کم عمر بچے کی واردات کی سی سی ٹی وی سامنے آگئی۔

      گلستان جوہر برج المنال بلاک 11 کے باہر سے کم عمر بچہ موٹر سائیکل لے اڑا، ویڈیو میں دیکھا جاسکتا ہے بچے نے موٹر سائیکل اسٹارٹ کرنے کی کوشش کی۔

    موٹر سائیکل اسٹارٹ نہ ہوئی تو بچہ پیدل ہی لیکر چل دیا،کم عمر لڑکا بلا خوف و خطر موثر سائیکل چوری کرکے فرار ہوگیا۔

    واضح رہے کہ شہرِ قائد میں موٹرسائیکلوں کی چوری اور چھیننے کی وارداتوں میں روز بروز اضافہ ہونے لگا ہے، گزشتہ روز ضلع کورنگی کے الفلاح تھانے میں ملاقات کے لیے آنے والا شہری اپنی قیمتی موٹر سائیکل سے محروم ہوگیا۔

    https://urdu.arynews.tv/karachi-police-timely-action-suspects-flee/

  • اتوار بازار سے لاپتا ہونے والی ننھی بچی 4 ماہ بعد مل گئی، والدین خوشی سے نہال

    اتوار بازار سے لاپتا ہونے والی ننھی بچی 4 ماہ بعد مل گئی، والدین خوشی سے نہال

    کراچی: شہر قائد کے علاقے گلستان جوہر میں اتوار بازار سے لاپتا ہونے والی ننھی بچی 4 ماہ بعد مل گئی، جس پر والدین خوشی سے نہال ہو گئے۔

    تفصیلات کے مطابق گزشتہ سال دسمبر میں ننھی بچی گلستان جوہر کے اتوار بازار میں والدین سے بچھڑ کر لاپتا ہو گئی تھی، والدین کے بہت تلاش کرنے پر بھی بچی نہیں مل سکی تھی۔

    پولیس حکام کا کہنا ہے کہ بچی کی گمشدگی کا مقدمہ گلستان جوہر تھانے میں درج ہے، بچی کو اس کے والدین اتوار بازار لائے تھے تاہم وہاں سے بچھڑنے پر بچی کو ایک فیملی اپنے ساتھ لے گئی تھی۔

    گھر والوں کو نہیں معلوم کہ میں جیل میں ہوں ، قیدی خواتین کی رہائی کے وقت رقت آمیز مناظر

    فیملی کی جانب سے کئی ماہ کی تلاش کے باوجود والدین کا پتا نہ چلنے پر گزشتہ مہینے مارچ میں انھوں نے بچی کو ایدھی سینٹر کے حوالے کر دیا تھا، جس پر ایدھی سینٹر کے عملے نے بچی کے والدین سے رابطہ کر کے بچی ان کے حوالے کر دی۔

    پولیس حکام کا کہنا ہے کہ انھیں ایدھی سینٹر سے بچی کی موجودگی کی اطلاع ملی تھی، جہاں بچی کو والدین کے حوالے کیا گیا۔ واضح رہے کہ انتظامیہ کی جانب سے بازاروں میں آنے والے والدین کو خصوصی ہدایت کی جاتی ہے کہ وہ اپنے بچوں کا خیال رکھیں، کیوں کہ ان کے کھونے کا خطرہ موجود ہوتا ہے۔

    جرائم سے متعلق خبریں 

  • کراچی میں ایک اور واقعہ : گلستان جوہر سے 11 سالہ بچہ اغوا

    کراچی میں ایک اور واقعہ : گلستان جوہر سے 11 سالہ بچہ اغوا

    کراچی : گلستان جوہر سے 11 سالہ بچہ اغوا کرلیا گیا ، بچہ 18 مارچ کو گھر سے نکلا تاحال واپس نہیں آیا۔

    تفصیلات کے مطابق کراچی میں کمسن بچوں کے لاپتہ ہونے کے واقعات میں اضافہ ہوگیا، گلستان جوہربلاک 9 سے 11 سالہ بچہ اغوا ہوگیا۔

    بچے کے اغوا کا مقدمہ درج کرلیا گیا ہے ، ملیر کینٹ تھانے میں 11 سالہ محمد زین کے اغوا کا مقدمہ درج کیا گیا۔

    مقدمے میں کہا گیا کہ بچہ 18 مارچ کو گھر سے نکلا تاحال واپس نہیں آیا تاہم آپریشن اور انویسٹی گیشن پولیس بچے کو تلاش کررہے ہیں۔

    مزید پڑھیں : کراچی : گارڈن سے لاپتہ بچوں کا سراغ نہ مل سکا

    خیال رہے کراچی کے علاقے گارڈن سے علیان اورعلی رضا کی گمشدگی کو 50 دن سے زیادہ ہوگئے، گھر سے باہر کھیلتے بچے کہاں گئے کون لے گیا؟ پولیس اب تک سراغ نہ لگاسکی۔

    والدین کی نظریں دن رات دروازے پرلگی رہتی ہیں کہ شاید کوئی معجزہ ہوجائے اور ان کے دل کے ٹکڑے واپس آجائیں۔

    علی رضا کے والد اکثر گھر میں اس کی کتابیں کھول کر بیٹھ جاتے ہیں اور گھنٹوں اس کی یاد میں گزار دیتے ہیں جبکہ علی رضا کے ساتھ اغوا ہونے والے علیان کے والد روز شام کو گلی میں بیٹھ کر اس کے آنے کا انتظار کرکے گزار دیتے ہیں۔

  • گلستان جوہر میں دکان کے باہر بیٹھے نوجوانوں سے ڈکیتی کی ویڈیو سامنے آگئی

    گلستان جوہر میں دکان کے باہر بیٹھے نوجوانوں سے ڈکیتی کی ویڈیو سامنے آگئی

    کراچی کے علاقے گلستان جوہر میں دکان کے باہر بیٹھے نوجوانوں سے ڈکیتی کی فوٹیج سامنے آگئی۔

    تفصیلات کے مطابق رمضان المبارک میں کراچی میں ڈکیتی اور لوٹ مار کی وارداتوں میں اضافہ ہوگیا ہے دندناتے ڈاکوؤں دن دہاڑے شہری کو لوٹ رہے ہیں۔

    ایسا ہی ایک ڈکیتی کا واقعہ کراچی کے علاقے گلستان جوہر میں پیش آیا جہاں گزشتہ شام افطاری سے چند منٹ قبل ہوا 2 ڈاکو دکان کے باہر بیٹھے نوجوانوں سے موبائل فون چھین کر فرار ہوگئے۔

    ویڈیو میں دیکھا جاسکتا ہے کہ موٹرسائیکل سوار 2 ملزمان نے نوجوانوں سے موبائل فون چھینے اور چند ہی سیکنڈ میں موبائل فون چھین کر فرار ہوگئے۔

    دوسری جانب پولیس کا اس حوالے سے کہنا ہے کہ ملزمان کی گرفتاری کے لئےکوششیں کررہے ہیں، جلد فوٹیج کی مدد سے ملزم کو تلاش کرلیں گے۔

  • کراچی : شہریوں کو گاڑی سے کچلنے والا وزیراعلی ہاؤس کا ہیلی کاپٹر انجینیئر نکلا

    کراچی : شہریوں کو گاڑی سے کچلنے والا وزیراعلی ہاؤس کا ہیلی کاپٹر انجینیئر نکلا

    کراچی : گلستان جوہر رابعہ سٹی کے قریب گاڑی سے 3 افراد کو کچلنے والا شخص وزیراعلی ہاؤس میں ہیلی کاپٹر انجینئر نکلا۔

    تفصیلات کے مطابق کراچی کے علاقے گلستان جوہر رابعہ سٹی کے قریب تیز رفتاری کے باعث ٹریفک حادثے کا ذمہ دار وزیراعلی ہاؤس کا ہیلی کاپٹر انجینیئر نکلا۔

    زیرحراست مشتاق کے خلاف تاحال مقدمہ درج نہیں کیا گیا ، لواحقین کی جانب سے آج مقدمہ درج کروایا جائے گا۔

    گذشتہ روز کراچی کے علاقے گلستان جوہر میں ٹریفک حادثے میں ایک شخص جاں بحق اور دو زخمی ہوگئے تھے ، حادثے میں جاں بحق شخص مکینک کا کام کرتا تھا، حادثہ تیز رفتاری کے باعث پیش آیا تاہم ڈرائیور کو گرفتار کرلیا گیا تھا۔

    مزید پڑھیں : کراچی : تیز رفتار سرکاری گاڑی نے 3 افراد کو کچل ڈالا

    پولیس کا کہنا تھا کہ جاں بحق شخص دو گاڑیوں کے درمیان دب گیا تھا، متوفی کا تعلق پنجاب سے ہے۔

    عینی شاہد نے بتایا تھا کہ گاڑی تیز رفتار میں آئی اور متعدد گاڑیوں کو ٹکر مار کر مکینک کو کچل دیا، گاڑی پر سرکاری نمبرپیلٹ لگی ہوئی تھی۔

    حکام کا کہنا تھا کہ حادثے میں ایک موٹر سائیکل تو مکمل طور پر تباہ ہوگئی جبکہ گاڑیوں کو بھی نقصان پہنچا۔

  • خلع کا دعویٰ کیا ہے، شوہر اور اپنے ہی بیٹوں کے ہاتھوں لہولہان خاتون کی حالت خراب

    خلع کا دعویٰ کیا ہے، شوہر اور اپنے ہی بیٹوں کے ہاتھوں لہولہان خاتون کی حالت خراب

    کراچی: شہر قائد کے علاقے گلستان جوہر میں ثنا نامی ایک خاتون کو اس کے شوہر اور بیٹوں نے مل کر بدترین تشدد کا نشانہ بنا دیا۔

    تفصیلات کے مطابق گلستان جوہر کے علاقے پرفیوم چوک میں ثنا نامی ایک خاتون کو علیحدگی پر اس کے شوہر اور اپنے ہی بیٹوں نے لہولہان کر دیا۔

    زخمی خاتون ثنا نے بتایا ’’2 ماہ ہو گئے میری اپنے شوہر عدنان سے علیحدگی ہو گئی ہے، میں نے خلع کا دعویٰ دائر کیا ہے اور میں اپنے چھوٹے بچوں کے ساتھ الگ رہتی ہوں۔‘‘

    ثنا کا کہنا تھا کہ شوہر اور بڑے بچے ان پر گھر واپسی کے لیے دباؤ ڈال رہے ہیں، انھوں نے بتایا ’’پرسوں شوہر عدنان اور بچوں نے اچانک میرے گھر آ کر مجھے ہاتھ پیر باندھ کر مارا پیٹا، میرا گلا گھونٹا، شوہر نے مجھے چین سے مارا جس سے سر اور چہرے پر چوٹیں آئیں۔‘‘

    اسما کا قتل؟ اہل خانہ کا تشدد ہونے کا الزام، پولیس کا پوسٹ مارٹم رپورٹ میں شواہد نہ ملنے کا دعویٰ

    خاتون کا کہنا ہے کہ ان پر تشدد کرنے میں شوہر اور بیٹوں کے لیے علاوہ ساس بھی شامل ہے۔ واضح رہے کہ ثنا کو شدید زخمی حالت میں جناح اسپتال لے جایا گیا، جہاں ان کی مرہم پٹی کی گئی اور سی ٹی اسکین کیا گیا، سامنے آنے والی ویڈیو میں خاتون کی حالت بہت خراب دکھائی دے رہی تھی۔

    زخمی خاتون ثنا نے اپنے شوہر عدنان کے خلاف شارع فیصل تھانے میں تحریری درخواست دے دی ہے، پولیس نے تصدیق کر دی، پولیس کا کہنا ہے کہ خاتون کے میڈیکولیگل رپورٹ کی روشنی میں مقدمہ درج ہوگا۔

    پولیس کا مؤقف ہے کہ میڈیکل لیٹر لینے کے بعد تاحال خاتون مقدمے کے اندراج کے لیے نہیں آئی، مقدمے کے اندراج کے بعد ملزمان کو گرفتار کیا جائے گا۔

  • کراچی : گلستان جوہر میں لڑکی کا قتل، اہم انکشافات سامنے آگئے

    کراچی : گلستان جوہر میں لڑکی کا قتل، اہم انکشافات سامنے آگئے

    کراچی: گلستان جوہر حسین ہزارہ گوٹھ میں لڑکی کے قتل کی ابتدائی تحقیقات میں انکشافات سامنے آگئے، تحقیقات میں معلوم ہوا مقتولہ مدعی مقدمہ شاہد کی سگی بیٹی نہیں ہے۔

    تفصیلات کے مطابق کراچی کے علاقے گلستان جوہرحسین ہزارہ گوٹھ میں لڑکی کے قتل اور بچی کے زخمی ہونے کے واقعے میں پولیس کی ابتدائی تحقیقات میں انکشافات سامنے آگئے۔

    پولیس نے بتایا کہ ڈاکٹرز کے مطابق دعا کو سرپرگولی ماری گئی، اہلخانہ واقعے کے بعد مسلسل متضاد بیانات دیتے رہے، تحقیقات میں معلوم ہوا مقتولہ مدعی مقدمہ شاہد کی سگی بیٹی نہیں ہے۔

    پولیس کا کہنا تھا کہ جس گھر میں واقعہ ہواوہ بڑا نہیں صرف 2 کمرے ہیں، اہلخانہ کو معلوم نہیں کہ گولی کس نےچلائی؟

    تحقیقات کے مطابق دعا کو گود لیا گیا ہے یا کہیں سے اٹھایاگیاحقیقی ورثاکی تلاش شروع کردی، مدعی مقدمہ کے 2 بیٹے اور 2 بیٹیاں ہیں اور واقعے کے وقت مدعی مقدمہ شاہد کا چھوٹا بیٹا گھرمیں موجود تھا۔

    پولیس کے مطابق دعا کی موت کے بعد جائے وقوعہ کو دھو دیا گیا، جس سے معاملہ مزید مشکوک ہوا اور جائے وقوعہ سے کوئی خول بھی نہیں ملا تاہم جلد معمہ حل کرلیں گے۔

    دوسری جانب گلستان جوہر حسین ہزارہ گوٹھ میں لڑکی کے قتل اور بچی کے زخمی ہونے کا واقعے کا مقدمہ قتل کی دفعات کے تحت والد کی مدعیت میں درج کرلیا گیا ہے۔

    مدعی نے بتایا کہ نامعلوم ملزمان نےگھرمیں مبینہ طورپرفائرنگ کی، دعااورانوشہ کوگولی لگنےکی اطلاع ملی تواسپتال پہنچا۔

  • فائرنگ سے ہلاک ہونے والی لڑکی کو گولی کیسے لگی؟ پوسٹ مارٹم کرنے سے کس نے روکا

    فائرنگ سے ہلاک ہونے والی لڑکی کو گولی کیسے لگی؟ پوسٹ مارٹم کرنے سے کس نے روکا

    کراچی : گلستان جوہر میں گزشتہ روز فائرنگ سے قتل ہونے والی لڑکی سے متعلق پولیس کو ابھی تک کوئی سراغ نہیں مل سکا کہ گولی کس نے اور کیسے ماری۔

    اے آر وائی نیوز کی رپورٹ کے مطابق گلستان جوہر کے علاقے حسین ہزارہ گوٹھ میں فائرنگ سے نوجوان لڑکی کا قتل معمہ بن گیا۔

    پولیس کا کہنا ہے کہ مقتولہ دعا اور 9 ماہ کی بچی انوشہ پر فائرنگ کس نے اور کہاں کی، تاحال پتہ نہ لگایا جاسکا۔

    مقتولہ دعا کے حوالے سے اہل خانہ نے پولیس کو مختلف بیانات دیئے ہیں، کوئی گود لی ہوئی لڑکی جبکہ کوئی اسے گھر کا ہی فرد بتارہا ہے۔

    پولیس کے مطابق زخمی ہونے والی 9 ماہ کی بچی مقتولہ کی مبینہ بھانجی بتائی جارہی ہے، گھر پر موجود افراد نے کبھی باہر تو کبھی گھر میں فائرنگ کا بتایا ہے۔

    تحقیقاتی افسر نے بتایا کہ جائے وقوعہ سے کرائم سین کو بھی صاف کردیا گیا، مقتولہ کے گھر والے پوسٹ مارٹم بھی نہیں کرنے دے رہے تھے اور واقعے کا مقدمہ تاحال درج نہیں کروایا گیا، ان کا کہنا ہے کہ سرکار کی مدعیت میں مقدمہ درج کریں گے۔

    مزید پڑھیں : کراچی میں فائرنگ سے خاتون جاں بحق، اہل خانہ کے بیانات میں تضاد

    پولیس کا کہنا ہے کہ معاملہ مشکوک لگتا ہے، مقتولہ کی لاش کی اطلاع اسپتال سے ملی، معاملے کی باریک بینی سے تحقیقات کررہے ہیں، بہت جلد اصل ملزمان تک پہنچ جائیں گے۔