Tag: گلستان جوہر

کراچی : گلستان جوہر میں ڈکیتی مزاحمت پر نوجوان  نعمان کے قتل کا مقدمہ درج کرلیا گیا تاہم ایسٹ زون پولیس نے ڈکیتی کی واردات کو مشکوک قراردے دیا ہے۔

تفصیلات کے مطابق کراچی کے علاقے گلستان جوہر میں ڈکیتی مزاحمت پر نوجوان کے قتل کا مقدمہ والدکی مدعیت میں درج کرلیا گیا۔

مقدمے میں قتل اورڈکیتی کی دفعات شامل کی گئیں ہیں ، متن میں کہا ہے کہ بیٹےکےدوست نےبتایا نعمان کوگولی لگی ہے، نعمان دوست کےہمراہ موٹر سائیکل پر سوار تھا۔

والد کا کہنا تھا کہ متن دوست کےمطابق 2 ڈاکوؤں نے سائیڈ ماری جس کے بعد ہم نے تعاقب کیا، تعاقب کا علم ہونے پر ڈاکوؤں نے روکنا چاہا نہ رکنے پر فائرنگ کردی۔

مدعی مقدمے نے کہا کہ بیٹے کو موٹر سائیکل چھیننے کے دوران مزاحمت پرقتل کیا گیا۔

دوسری جناب ایسٹ زون پولیس نے ڈکیتی کی واردات کو مشکوک قرار دے دیا ہے ، پولیس حکام کا کہنا ہے کہ مقتول نعمان کا دوست کرمنل ریکارڈ یافتہ ہے ، نہتے شہریوں کی جانب سے ڈاکوؤں کا تعاقب کرنا مشکوک ہے۔

کراچی: گلستان جوہر میں واقع واٹر بورڈ کے ہائیڈرنٹ سے لڑکی کی لاش ملی ہے جو کہ تین روز پرانی ہے۔

تفصیلات کے مطابق ریسکیو حکام نے بتایا کہ گلستان جوہر بلاک 1 میں واقع واٹر بورڈ کے ہائیڈرنٹ سے لڑکی کی لاش برآمد ہوئی ہے۔ ڈوبی ہوئی لاش 3 روز پرانی ہے جبکہ اس کی شناخت 17 سالہ روبینہ کے نام سے ہوئی۔

پولیس نے بتایا کہ لاش گلستان جوہر میں واٹر اینڈ سیوریج کارپوریشن کی لائن پر قائم سائفن 20 سے ملی ہے۔ سائفن 20 پر رکاوٹ کیلئے گرل لگائی گئی ہیں، لاش وہاں آکررک گئی تھی۔

واٹر بورڈ حکام نے بتایا کہ دھابیجی سے گلستان جوہر تک پانی کی مین لائن پر ہوا کے اخراج کیلئے 20 سائفن قائم ہیں۔

پولیس کا کہنا ہے کہ ممکنہ طور پر لڑکی غازی گوٹھ کے مقام پر سائفن میں گرکر گلستان جوہر پہنچی۔ لاش کو نکال کر جناح اسپتال منتقل کیا گیا۔

قانونی کارروائی کے بعد لاش کو ورثا کے حوالے کردیا گیا ہے۔ پولیس نے بتایا کہ متوفیہ کے ورثا قانونی کارروائی نہیں چاہتے ہیں۔

کراچی: گلستان جوہر میں مبینہ لوٹ مارکرنے والے ملزم کو عوام نے پکڑ لیا، مبینہ طور پر ڈاکو کار سوار فیملی سے لوٹ مار کررہا تھا۔

تفصیلات کے مطابق کار سوار فیملی سے لوٹ مار کرنے والے ڈاکو کو مشتعل شہریوں نے بدترین تشدد کا نشانہ بنایا جس کے باعث ملزم کی حالت تشویشناک ہے۔ زخمی ملزم کو فوری طبی امداد کیلئے اسپتال منتقل کردیا گیا ہے۔

ایس ایس پی ایسٹ نے بتایا کہ مبینہ ڈاکو کی گردن میں گولی لگی جس سے خون بہہ رہا تھا، ابتدائی طور پر کار سوار فیملی سے لوٹ مارکی اطلاع ملی۔

فرخ رضا کا کہنا تھا کہ بظاہرمعاملہ کچھ مشکوک بھی لگ رہا ہے۔ شدید زخمی شخص کے پاس ایک بیگ بھی ملا ہے۔

اس حوالے سے لٹنے والے شہری سمیرکا اپنے بیان میں کہنا تھا کہ گلستان جوہر میں فیملی کے ہمراہ خریداری کیلئے آیا تھا، ایک ملزم نے شیشہ بجاکر موبائل فون چھینا اور ساتھی کیساتھ فرارہونے لگا۔

لٹنے والے شہری سمیر نے بتایا کہ اپنے لائسنس یافتہ پستول سے ملزمان پرفائر کیا، گولی پیچھے بیٹھے ایک ملزم کی گردن میں لگی وہ زمین پرگرگیا جبکہ ملزم کے پاس ایک بیگ بھی موجود تھا۔

کراچی‌ : ایس ایس پی ایسٹ نے گلستان جوہر میں بھیس بدل کر سابق ایس پی کے شیشہ کیفے پر چھاپہ مار کر ایس ایچ او کو معطل کردیااور شیشہ کیفے بھی سیل کردیا۔

تفصیلات کے مطابق ایس ایس پی ایسٹ نے گلستان جوہر میں بھیس بدل کر سابق ایس پی کے شیشہ کیفے پر چھاپہ مارا۔

پولیس نے بتایا کہ ایس ایس پی نے ایس ایچ او سے پوچھا کوئی شیشہ کیفے تو نہیں چل رہا تو ایس ایچ او گلستان جوہر مالک ابڑو نے”سب اچھا ہے” کی رپورٹ ،پرانی ویڈیوبھیج دی۔

ایس ایس پی فرخ رضا نے ایس ایچ او کو شیشہ کیفے میں بلاکر معطل کردیا اور سابق ایس پی رشید رند کیخلاف مقدمہ درج کرکے شیشہ کیفے سیل کردیا۔

حکام کا کہنا تھا کہ سابق ایس پی رشیدرندساتھیوں سمیت فرارہوگئے تاہم کارروائی کےدوران شیشہ اوردیگرسامان برآمدکرلیاگیا ہے۔

کراچی : گلستان جوہر میں خاتون اور تین بچوں کے قتل کا مقدمہ درج کرلیا گیا، مقتولہ کے والد الزام لگایا ہے داماد نے نامعلوم وجوہات کی بنا پر میری بیٹی اور بچوں کوقتل کیا۔

تفصیلات کے مطابق پولیس نے کراچی کے علاقے گلستان جوہر میں خاتون اور تین بچوں کے قتل کا مقدمہ درج کرلیا۔

مقتولہ کے والد کی مدعیت میں داماد کیخلاف مقدمہ درج کیا گیا، جس میں کہا گیا کہ رات ڈیڑھ بجے میرے گھر کے دروازے پر داماد نے دستک دی، میرے داماد نے کہا بیوی اور بچوں کو کسی نے قتل کردیا ہے۔

مدعی مقدمے نے کہا کہ گھر گیا تو بیٹی صائمہ اوربچوں کی لاشیں موجود تھیں، ون فائیوپر اطلاع دی اور لاشوں کو جناح اسپتال لے آیا۔

مقتولہ کے والد نے الزام عائد کیا کہ داماد نےنامعلوم وجوہات کی بنا پر میری بیٹی اوربچوں کوقتل کیا۔

گرفتارملزم ارشد کے خلاف اس سے قبل بھی ایک مقدمہ درج ہونےکاانکشاف سامنے آیاہے، ملزم ارشدپرغیرقانونی اسلحے کی برآمدگی کا مقدمہ تھانہ عزیز بھٹی میں درج ہوا تھا۔

پولیس نے بتایا کہ ملزم کے ایک بھائی کو بھی شبہ میں حراست میں لیا گیا ہے۔

یاد رہے کراچی گلستان جوہر بلاک پانچ میں رات گئے شیر محمد گوٹھ کے مکان سے ماں اور اس کے تین بیٹوں دو سالہ احد ، سات سالہ شاہ ذین اور نو سالہ اشہد کی لاشیں ملیں تھیں، جنہیں انتہائی بےدری سے تیز دھار آلے سے قتل کیا گیا تھا۔

واقعہ کی اطلاع گھر کے سربراہ ارشد علی نے اپنے اہل خانہ کو دی، پولیس نے موقع پر پہنچ کر لاشوں کو اسپتال منتقل کیا، پولیس کے مطابق گھر کا سربراہ نشے کا عادی ہے۔

کراچی : گلستان جوہر میں عالم دین کے قتل کی اعلیٰ سطح پر تحقیقات شروع کردی گئیں ، قانون نافذ کرنیوالے اداروں نے گھر سے پارک پہنچنےتک کا روڈ میپ تیار کرلیا ہے۔

تفصیلات کے مطابق کراچی کے علاقے گلستان جوہر بلاک 16میں عالم دین کے قتل کے واقعے کی اعلیٰ سطح پر تحقیقات شروع کردی گئیں ، سی ٹی ڈی اور حساس ادارے کےافسران جائے وقوعہ پر پہنچ گئے، سی ٹی ڈی افسران میں مظہر مشہوانی،امداد خواجہ، ایس پی گلشن اقبال عزیر احمد اور دیگرجائے وقوعہ پر موجود ہیں۔

افسران کی جانب سے جائے وقوعہ کا معائنہ کیا گیا ، مقتول اپنےگھر بلاک 10 سے واک کیلئے 8بجے نکلے، تفتیشی ذرائع نے بتایا کہ قانون نافذکرنیوالے اداروں نے گھر سےپارک پہنچنےتک کا روڈ میپ تیار کرلیا پے اور راستے میں آنے والے تمام کیمروں کو چیک کیا جارہا ہے۔

ذرائع کا کہنا ہے کہ کچھ سی سی ٹی وی کیمروں کی فوٹیجز حاصل کرلی گئی ہیں اور گزشتہ ایک ہفتہ کا سی سی ٹی وی فوٹیج ریکارڈ لے رہے ہیں ، ایک ہفتے کی ریکارڈنگ سے مقتول کی ریکی کرنے والے مشکوک ملزمان کی نشاندھی میں مدد بھی ملے گی۔

تفتیشی ذرائع نے بتایا کہ ابتدائی طور پر ملزمان کی تعداد 2 معلوم ہوئی ہے لیکن شبہ ہے ملزمان 2 سے زائد ہوسکتےہیں تاہم مقتول کو ایک گولی لگی اور جائے وقوعہ سے 11 گولیوں کےخول ملے ہیں، اس حوالے سے بھی تحقیقات جاری ہے۔