Tag: گلشن اقبال

کراچی: سینٹرل نیو کراچی انڈسٹریل ایریا پولیس مقابلے میں زخمی حالت میں گرفتار ملزمان گلشن اقبال میں نوجوان کے قتل میں ملوث نکلے۔

ایس ایس پی ڈسٹرکٹ سینٹرل کے مطابق 14 مئی کو گلشن اقبال بلاک 6، بینک اسلامی کے سامنے دوران ڈکیتی قتل ہونے والے 24 سالہ نوجوان کامران عباس کے قاتل پکڑے گئے ہیں۔

نیو کراچی انڈسٹریل ایریا پولیس نے گزشتہ شب پولیس مقابلے کے بعد دو ملزمان سجاد عرف سجاول اور نادر کو زخمی حالت میں گرفتار کیا تھا، جن کی شناخت سی سی ٹی وی فوٹیج اور دیگر شواہد سے کر لی گئی، ملزمان نے دوران ڈکیتی نوجوان کامران عباس کے سر پر گولی مار کر قتل کر دیا تھا۔ اس قتل کا مقدمہ 302/2025 بجرم دفعہ 302/397/34 گلشن اقبال تھانے میں درج ہے۔

چوروں نے کھمبے پر چڑھ کر لاکھوں مالیت کی پی ایم ٹی اتار لی، انجام کیا ہوا؟ ویڈیو رپورٹ

ملزمان کے قبضے سے برامد شدہ موٹر سائیکل گلستان جوہر کی چھینی ہوئی معلوم ہوئی، جس کا مقدمہ گلستان جوہر تھانے میں مقدمہ الزام نمبر 28/2025 بجرم دفعہ 397/34 ت پ درج ہے۔ زخمی حالت میں پکڑے گئے ملزمان کو دوران ڈکیتی قتل کے مقدمے میں باضابطہ طور پر گرفتار کر لیا گیا ہے۔

ترجمان پولیس کے مطابق ملزمان عادی جرائم پیشہ ہیں، وہ اور ان کے دیگر ساتھی موٹر سائیکل چھیننے اور اسٹریٹ کرائم کی وارداتوں میں ملوث ہیں، ملزمان سے مزید تفتیش کا عمل جاری ہے۔

کراچی: شہر قائد میں ہیوی گاڑیوں کی ٹکر سے موٹر سائیکل سوار شہریوں کی اموات کا سلسلہ رک نہیں سکا ہے، گلشن اقبال میں واٹر ٹینکر نے ایک اور موٹر سائیکل سوار کی جان لے لی۔

تفصیلات کے مطابق کراچی کے علاقے گلشن اقبال بلاک 6 میں ایک واٹر ٹینکر کی ٹکر سے موٹر سائیکل سوار جاں بحق ہو گیا، ریسکیو حکام کا کہنا ہے کہ جاں بحق شخص کی شناخت کریم اللہ کے نام سے ہوئی ہے، جس کی لاش اسپتال منتقل کر دی گئی ہے۔

ادھر کراچی کے ایک اور علاقے شاہ فیصل کالونی میں نامعلوم گاڑی نے موٹر سائیکل کو ٹکر مار دی ہے، اس حادثے میں موٹر سائیکل سوار شخص جاں بحق ہو گیا، جس کی لاش اسپتال منتقل کر دی گئی ہے۔

کراچی کے علاقے کورنگی ناصر جمپ پر موٹر سائیکل سے گر کر ایک شخص جاں بحق، اور ایک زخمی ہو گیا ہے، ریسکیو حکام کے مطابق یہ حادثہ تیز رفتار موٹر سائیکل کو بے قابو ہونے کے باعث پیش آیا، جاں بحق اور زخمی کو جناح اسپتال منتقل کر دیا گیا ہے۔

2024 میں کراچی میں ڈمپرز اور واٹر ٹینکرز سمیت بھاری گاڑیوں سے پیش آنے والے حادثات میں تقریباً 500 افراد جاں بحق اور 4 ہزار 879 زخمی ہوئے ہیں۔

گزشتہ رات ایک اور حادثے میں سعید آباد پولیس اسٹیشن کی حدود میں سیکٹر ای-ایٹ میں واٹر ٹینکر ڈرائیور گاڑی کو ریورس کر رہا تھا کہ اس دوران اس نے قریب بیٹھے بزرگ شہری کو کچل دیا، 75 سالہ عارف خان موقع پر ہی دم توڑ گیا۔ ڈرائیور ٹینکر کو چھوڑ کر موقع سے فرار ہونے میں کامیاب ہو گیا۔

کراچی: اشیائے خورونوش کی قیمتوں کو کنٹرول کرنے میں ناکامی پر اسسٹنٹ کمشنر گلشن اقبال کو معطل کر دیا گیا۔

تفصیلات کے مطابق کمشنر کراچی سید حسن نقوی نے کرپٹ افسران کے خلاف ایکشن لیتے ہوئے اسسٹنٹ کمشنر گلشن اقبال عبد الرحیم شیخ کو معطل کر دیا ہے۔

عبدالرحیم۔شیج کو سروسز جنرل ایڈمنسریشن اینڈ کوآرڈینیشن ڈپارٹمنٹ رپورٹ کرنے کا حکم دیا گیا ہے، انھیں اپنے فرائض میں غفلت برتنے اور کرپشن میں ملو ث ہونے پر معطل کیا گیا ہے۔

معطلی سے قبل کمشنر کراچی نے اسسٹنٹ کمشنر گلشن اقبال عبد الرحیم شیخ کے خلاف شوکاز نوٹس بھی جاری کیا تھا، جس میں انھیں خبردار کیا گیا تھا کہ وہ گلشن اقبال سب ڈویژن میں اشیائے خور و نوش کی قیمتوں کو کنٹرول میں ناکام رہے ہیں۔

واضح رہے کہ کمشنر کراچی نے منافع خوری کے خلاف کارروائی کرنے کے واضح احکامات جاری کیے ہوئے ہیں۔

کراچی: ڈکیتی کے دوران قتل ہونے والے گولڈ میڈلسٹ اتقا کے قاتل کو خضدار سے دوبارہ گرفتار کرلیا گیا، واردات کے بعد ملزم خضددار بھاگ کر روپوش ہو گیا تھا۔

تفصیلات کے مطابق کراچی کے علاقے گلشن اقبال میں دوران ڈکیتی قتل ہونے والے نوجوان اتقا کے فرار قاتل کو خضدار سے دوبارہ گرفتار کرلیا گیا۔

ایس ایس پی خضدار عبدالعزیز جکھرانی نے بتایا کہ نوجوان اتقاکو قتل کرنے کا واقعہ جون میں پیش آیاتھا، واردات کے بعد ملزم خضددار بھاگ کر روپوش ہو گیا تھا، جس کو پولیس نے گرفتار کر لیا، مقتول ارتقامکینکل انجینئرنگ میں گولڈ میڈلسٹ تھا۔

یاد رہے نوجوان اتقا معین کے قتل کیس کے مرکزی ملزم کا عدالت پیشی کے موقع پر فرار ہونے کا انکشاف سامنے آیا تھا، ملزم ظاہر کو اتقا قتل کیس میں عدالت میں پیش کیا گیا تھا۔ ایس آئی یو پولیس نےملزم ظاہر کو بلوچستان سے گرفتار کیا تھا۔

ذرائع کا کہنا تھا کہ ملزم کو کیس میں جیل بھیجا گیا تھا اور اسے پیشی کے لیے عدالت لایا جارہا تھا کہ وہ فرار ہو گیا۔ ملزم ظاہر کا تعلق خضداری گروپ سے ہے۔

مزید پڑھیں : اتقا قتل کیس کا ہائی پروفائل ملزم سٹی کورٹ سے کیسے فرار ہوا؟ کانسٹیبل اشتیاق گرفتار

واضح رہے کراچی کے علاقے گلشن اقبال میں موٹر سائیکل  چھیننے کے دوران مزاحمت کرنے پر ملزمان نے نوجوان کو قتل کردیا تھا، واقعے کی سی سی ٹی وی فوٹیج میں دیکھا گیا تھا کہ ایک ملزم سے اتقا کافی دیر سے مزاحمت کررہا تھا، موٹر سائیکل پر بیٹھے ملزم نے گولی چلائی جس کے نتیجے میں نوجوان جاں بحق ہوگیا تھا۔

کراچی : نوجوان گولڈ میڈلسٹ انجینئر اتقا معین کے قتل میں لوث ملزمان کی نئی سی سی ٹی وی اور تصاویر سامنے آگئیں۔

تفصیلات کے مطابق کراچی کے علاقے گلشن اقبال میں گولڈ میڈلسٹ انجینئرنوجوان اتقا معین کے قتل کے واقعے میں اہم پیش رفت سامنے آئی۔

کراچی پولیس حکام نے نوجوان اتقا معین کے قتل میں ملوث ملزمان کی نئی سی سی ٹی وی اورتصاویر حاصل کرلیں۔

تفتیشی ذرائع نے بتایا کہ سی سی ٹی وی میں ملزمان کو راشد منہاس روڈ سے گزرتے دیکھا جاسکتا ہے، ملزمان اتقا کو قتل اور موٹر سائیکل چھیننےکے بعد ملزمان علامہ شبیر عثمانی روڈپہنچے۔

ذرایع نے کہا کہ سی سی ٹی وی میں ملزمان کو راشد منہاس روڈ سے نیپا پل کے قریب تک دیکھا گیا۔

تفتیشی پولیس نے نیپا پل کے اطراف لگےوی کیمروں کی فوٹیج حاصل کرنا شروع کردی، سی سی ٹی وی میں موٹر سائیکل سوار ایک ملزم نے ہیلمٹ پہنا ہوا ہے۔

مزید پڑھیں : گلشن اقبال میں ڈکیتی مزاحمت پر قتل ہونیوالے ارتقا کے بھائی کا بیان آگیا

تفتیشی ذرائع کے مطابق مقتول نوجوان کی چھینی گئی موٹر سائیکل پر سوار ملزم کا چہرہ واضح دیکھا جاسکتا ہے۔

یاد رہے یکم جون کو اتقا کو گلشن اقبال بلاک7میں لوٹ مارکے دوران فائرنگ کرکے قتل کیا گیا تھا۔

ڈکیتی مزاحمت پر قتل شہری کے بھائی نے میڈیا سے گفتگو کرتے ہوئے کہا تھا کہ ارتقا بچوں کی چیز لینے کل شام بیکری تک گیا تھا، بیکری سے واپسی پر ڈاکو پیچھے لگے اور واردات کی۔

بھائی عباد کا کہنا تھا کہ ارتقاء کو گولیاں مارنے کے بعد تلاشی لی، ملزمان موبائل فون، نقدی، موٹر سائیکل چھین کر لے گئے، ارتقا یونیورسٹی میں گولڈ میڈلسٹ، کیمیکل انجینئر تھا۔

بھائی نے مطالبہ کیا تھا کہ ملزمان کو کیفر کردار تک پہنچایا جائے، شہر میں روز کوئی نوجوان ڈاکوؤں کے ہاتھوں قتل ہورہا ہے۔