ARYNews.tv | Urdu – Har Lamha Bakhabar

Tag: گلشن اقبال

  • گلشن اقبال میں ڈکیتی مزاحمت پر قتل ہونیوالے ارتقا کے بھائی کا بیان آگیا

    گلشن اقبال میں ڈکیتی مزاحمت پر قتل ہونیوالے ارتقا کے بھائی کا بیان آگیا

    کراچی کے علاقے گلشن اقبال میں ڈکیتوں نے ایک اور شہری کی جان لے لی، جس کا مقدمہ درج کرلیا گیا۔

    تفصیلات کے مطابق گزشتہ شام کراچی کے علاقے گلشن اقبال بلاک 7 میں ڈکیتی مزاحمت پر ڈاکو نے اور اور شہری کو قتل کردیا جس کا مقدمہ بھائی کی مدعیت میں درج کرلیا گیا۔

    ڈکیتی مزاحمت پر قتل شہری کے بھائی نے میڈیا سے گفتگو کرتے ہوئے کہا کہ ارتقا بچوں کی چیز لینے کل شام بیکری تک گیا تھا، بیکری سے واپسی پر ڈاکو پیچھے لگے اور واردات کی۔

    کراچی میں ڈاکوؤں نے ایک اور شہری کی جان لے لی

    ارتقا کے بھائی عباد نے بتایا کہ ارتقاء کو گولیاں مارنے کے بعد تلاشی لی، ملزمان موبائل فون، نقدی، موٹر سائیکل چھین کر لے گئے، ارتقا یونیورسٹی میں گولڈ میڈلسٹ، کیمیکل انجینئر تھا۔

    ارتقا کے بھائی نے مطالبہ کیا کہ ملزمان کو کیفر کردار تک پہنچایا جائے، شہر میں روز کوئی نوجوان ڈاکوؤں کے ہاتھوں قتل ہورہا ہے۔

  • ڈکیتی کے دوران مزاحمت پر شہری کے قتل کا مقدمہ درج

    ڈکیتی کے دوران مزاحمت پر شہری کے قتل کا مقدمہ درج

    کراچی: گلشن اقبال میں ڈکیتی کے دوران مزاحمت پر شہری کے قتل کا مقدمہ درج کرلیا گیا.

    تفصیلات کے مطابق مقدمہ خالو کی مدعیت میں اقدام قتل اور ڈکیتی کی دفعات کے تحت درج کیا گیا، متن میں کہا گیا ہے کہ 4 ملزمان نے مقتول تراب زیدی اور دوست فیصل پرویز کے ساتھ واردات کی۔

    متن کے مطابق ملزمان مقتول کے دوست سے بھی موبائل فون چھین کر فرار ہوئے، تراب زیدی کو گزشتہ رات اے ٹی ایم سے نکلتے ہوئے ڈکیتی پر مزاحمت پر قتل کیا گیا تھا۔

    واضح رہے کہ مقتول تراب زیدی تین بہنوں کا اکلوتا بھائی تھا، تراب کے 3 بچے ہیں سب سے چھوٹ بچہ 6 ماہ کا ہے۔

    والد نثار حسین زیدی کا کہنا تھا کہ تراب کال سینٹرمیں کام کرتا تھا، وزیراعلیٰ سے اپیل ہے تراب کے بچوں کیلئے کچھ کریں۔

  • پیر کے روز اغوا ہونے والی 3 کم عمر لڑکیاں گلشن اقبال سے بازیاب

    پیر کے روز اغوا ہونے والی 3 کم عمر لڑکیاں گلشن اقبال سے بازیاب

    کراچی: شہر قائد میں پیر کے روز اغوا ہونے والی 3 کم عمر لڑکیاں گلشن اقبال سے بازیاب ہو گئیں۔

    تفصیلات کے مطابق پیر کے روز کراچی کے علاقے تھانہ سولجر بازار کی حدود سے تین کم عمر لڑکیاں مبینہ طور پر اغوا ہوئی تھیں، پولیس نے گزشتہ رات تینوں کو گلشن اقبال سے بازیاب کرا لیا۔

    مبینہ طور پر اغوا ہونے اور اب بازیاب ہونے والی بچیوں میں 12 سالہ نور، 14 سالہ عائشہ، اور 13 سالہ ماہین شامل ہیں۔

    پولیس حکام کا کہنا ہے کہ لڑکیوں کی گمشدگی پر تھانہ سولجر بازار میں ورغلا کر اغوا کی دفعات کے تحت مقدمہ درج کیا گیا تھا، تینوں بچیاں آدم اسکوائر سولجر بازار نمبر 2 کے قریب سے اغوا ہوئیں، بچیوں کے مبینہ اغوا کا واقعہ پیر کی شام 5 بجے کے قریب پیش آیا تھا۔

    پولیس حکام کے مطابق بچیاں بظاہر خود گھر سے گئی تھیں، ان کے پاس موبائل فون بھی تھا، جس کی لوکیشن ٹریس کر کے انھیں بازیاب کرایا گیا۔

  • کراچی : گھر کے ملازم نے ڈکیتی کی واردات کی کوشش ناکام بنا دی

    کراچی : گھر کے ملازم نے ڈکیتی کی واردات کی کوشش ناکام بنا دی

    کراچی : گلشن اقبال میں گھر کے ملازم نے ڈکیتی کی واردات کی کوشش ناکام بنا دی، گھرکے باہر ملازم نے ڈاکوؤں کو دیکھتے ہی گھر کا دروازہ بند کردیا۔

    تفصیلات کے مطابق کراچی کے علاقے گلشن اقبال بلاک فور میں ڈاکوؤں نے گھر میں واردات کی کوشش کی تاہم گھر کے ملازم نے واردات کی کوشش ناکام بنا دی۔

    ناکام واردات کی سی سی ٹی وی فوٹیج اے آر وائی نیوز نے حاصل کرلی ، جس میں دیکھا جاسکتا ہے کہ 2 موٹرسائیکلوں پرسوار4 ملزمان بنگلےمیں داخل ہونے کی نیت سے آئے لیکن گھرکےباہر ملازم نےڈاکوؤں کو دیکھتے ہی گھر کا دروازہ بند کردیا۔

    گھر کا دروازہ بند کرنے پر ملزمان نے ملازم پر تشدد کیا او رفرار ہوگئے۔

  • کراچی میں صوبائی حکومت کا کھیلوں کا سب سے بڑا منصوبہ تیار

    کراچی میں صوبائی حکومت کا کھیلوں کا سب سے بڑا منصوبہ تیار

    کراچی: شہر قائد میں سندھ حکومت نے گلشن اقبال میں اسپورٹس کمپلیکس کی تعمیر کا کام مکمل کر لیا۔

    تفصیلات کے مطابق سندھ حکومت کا کراچی میں کھیلوں کا سب سے بڑا منصوبہ تیار ہو گیا ہے، گلشن اقبال میں اسپورٹس کمپلیکس کی تعمیر مکمل ہو گئی، جس میں اِن ڈور جمنازیم بھی بنایا گیا ہے۔

    سیکریٹری محکمہ کھیل کا کہنا ہے کہ جمنازیم میں تقریباً ایک ہزار افراد کے بیٹھنے کی گنجائش ہے، اس کمپلیکس میں اِن ڈور گیمز کے ساتھ ٹینس، فٹ بال، منی ٹرف اور اسکواش کی سہولیات بھی ملیں گی۔

    سیکریٹری محکمہ کھیل امتیاز علی شاہ کا کہنا تھا کہ سندھ اسکاؤٹس ٹریننگ سینٹر میں قائم اسپورٹس کمپلیکس میں اب کھلاڑیوں کو کھیلوں کی جدید سہولیات میسر آئیں گی۔

    انھوں نے بتایا کہ اسپورٹس کمپلیکس پر 2016 میں کام کا آغاز ہوا تھا، اور اسے 2019 میں مکمل ہونا تھا، تاہم کو وِڈ 19 کے باعث کام تاخیر کا شکار ہوا۔

    سیکریٹری کھیل کے مطابق سندھ گیمز کے مختلف مقابلوں کا انعقاد بھی اسی کمپلیکس میں کیا جائےگا۔

    انٹر میڈیا ٹی 20 ٹورنامنٹ، اے آر وائی نیوز نے ٹائٹل جیت لیا

    واضح رہے کہ کراچی میں کھیلوں کے فروغ کے لیے سندھ حکومت کی جانب سے کوششیں جاری ہیں، گزشتہ ماہ کراچی نیشنل اسٹیڈیم میں پی ایس ایل فائیو کے بقیہ میچز کا بھی کامیابی سے انعقاد کیا گیا تھا جس میں کراچی کنگز نے ٹرافی جیت لی تھی۔

  • گلشن اقبال کراچی میں دھماکا، عمارت کا ایک حصہ منہدم، 5 جاں بحق، 23 زخمی

    گلشن اقبال کراچی میں دھماکا، عمارت کا ایک حصہ منہدم، 5 جاں بحق، 23 زخمی

    کراچی: شہر قائد کے علاقے گلشن اقبال میں مسکن چورنگی کے قریب دھماکا ہوا ہے، جس سے عمارت کا ایک حصہ منہدم ہو گیا، واقعے میں 23 افراد زخمی  جب کہ 5 افراد جاں بحق ہو گئے۔

    تفصیلات کے مطابق گلشن اقبال ابوالاصفہانی روڈ کے قریب ایک عمارت میں دھماکے سے 4 منزلہ عمارت کی پہلی اور دوسری منزل منہدم ہو گئی۔

    اے آر وائی نیوز کے مطابق جس علاقے میں دھماکا ہوا ہے وہ رہائشی علاقہ ہے، دھماکے سے عمارت کے ایک حصے میں 2 منزلیں اور 2 دکانیں منہدم ہو چکی ہیں، امدادی ٹیموں نے ملبے سے زخمیوں کو نکالنےکا آپریشن مکمل کر لیا ہے، دھماکے سے 3گاڑیاں اور 6 موٹر سائیکلوں کو نقصان پہنچا۔

    دھماکے کی شدت سے بینک کی کرسیاں اور موٹر سائیکلیں دوسری سڑک پر اڑ کر جا گری تھیں، دیواروں کا ملبہ بھی دور تک گرا ، بینک کا سامان باہر گرنے سے معلوم ہو رہا ہے کہ دھماکا بینک کے اندر ہی ہوا ہے۔

    حادثے کے زخمیوں میں ٹریفک اہل کار بھی شامل ہے جو شدید زخمی ہو گیا ہے، ٹریفک پولیس اہل کار بینک کے باہر ٹریفک کلیئر کرتے ہوئے زخمی ہوا۔

    کراچی : مسکن چورنگی دھماکا کیسے ہوا؟ وجوہات سامنے آگئیں

    وزیر اعلیٰ سندھ سید مراد علی شاہ نے مسکن چورنگی دھماکے کا نوٹس لیتے ہوئے کمشنر کراچی سے واقعے کی تفصیلی رپورٹ طلب کر لی ہے۔

    کراچی : مسافربس میں دھماکا

    بم ڈسپوزل اسکواڈ کو بھی طلب کیا گیا، دھماکے کی آواز اتنی زور دار تھی کہ دور دور تک سنی گئی، قریبی عمارتوں کے شیشے بھی ٹوٹ گئے، دھماکے کے بعد لوگوں میں بھگدڑ مچ گئی۔

    دھماکے کی نوعیت کا تعین ابھی تک نہیں ہو سکا ہے، کمشنر کراچی کا کہنا ہے کہ بظاہر یہ گیس سلنڈر کا دھماکا معلوم ہوتا ہے، ان کا کہنا تھا کہ متعلقہ عمارت خطرناک ہوگئی ہے، اسےگرایا جائے گا۔

  • موبائل کی دکان پر 12 لاکھ کی ڈکیتی، ڈاکوؤں کی دیدہ دلیری (ویڈیو)

    موبائل کی دکان پر 12 لاکھ کی ڈکیتی، ڈاکوؤں کی دیدہ دلیری (ویڈیو)

    کراچی: شہر قائد کے علاقے گلشن اقبال میں بیت المکرم کے قریبی موبائل شاپ پر گزشتہ روز ڈکیتی کی واردات کی فوٹیج اے آر وائی نیوز نے حاصل کر لی۔

    تفصیلات کے مطابق گزشتہ روز گلشن اقبال، بیت المکرم مسجد کے قریب موبائل فونز کی ایک دکان پر 4 ڈاکوؤں نے دھاوا بول کر دکان لوٹ لی تھی، واردات کے بعد ڈاکو بہ آسانی فرار ہونے میں کامیاب ہو گئے تھے۔

    اے آر وائی نیوز نے ڈکیتی کی سی سی ٹی وی حاصل کر لی، فوٹیج میں دیکھا جا سکتا ہے کہ 4 ملزمان نے دکان پر ڈکیتی کی وردات کی، ڈاکوؤں نے لوٹ مار کے بعد مزاحمت پر فائرنگ بھی کی لیکن واردات میں کسی کے زخمی ہونے کی اطلاع نہیں ہے۔

    پولیس رپورٹ کے مطابق ڈاکوؤں نے دکان سے 12 لاکھ نقدی اور3 لاکھ کا سامان لوٹا تھا، یہ واقعہ گزشتہ روز سوا آٹھ بجے کے قریب رات کو پیش آیا، دکان کے مالک کی جانب سے واردات کا مقدمہ درج کر لیا گیا ہے۔

    بیکری میں ڈکیتی کا سنسنی خیز منظر، کسٹمر گولیوں سے بچنے کے لیے زمین پر لیٹ گئے

    دکان مالک کا کہنا تھا کہ ڈاکوؤں کی عمر 30 سے 35 سال کے درمیان تھی، ان کا رنگ سانولا تھا، وہ موٹر سائیکل پر آئے اور اسلحے کے زور پر مجھ سے رقم چھینی اور فرار ہو گئے۔ مالک دکان محمد شکیل کا یہ بھی کہنا تھا کہ اگر وہ ملزمان دوبارہ سامنے آئیں تو وہ انھیں پہچان لیں گے۔

    یاد رہے کہ گزشتہ روز شہر قائد کے علاقے سر سید میں مٹھائی کی ایک دکان میں ڈکیتی کی کوشش کی گئی تھی، 3 ملزمان نے دکان میں داخل ہو کر لوٹ مار کرنی چاہی لیکن سیکورٹی گارڈز کی فائرنگ سے ان کی یہ کوشش ناکام ہو گئی، اور ایک ڈاکو زخمی ہو گیا جو بعد ازاں عباسی شہید اسپتال میں دم توڑ گیا۔

  • کراچی میں خاتون سے لوٹ مار، بچانے کے لیے آنے والا شہری گولی سے زخمی

    کراچی میں خاتون سے لوٹ مار، بچانے کے لیے آنے والا شہری گولی سے زخمی

    کراچی: شہر قائد میں خاتون سے لوٹ مار کے دوران اسے بچانے کے لیے آنے والا شہری لٹیروں کی گولی سے زخمی ہو گیا۔

    تفصیلات کے مطابق کراچی کے علاقے گلشن اقبال بلاک 13 سی میں دن دہاڑے اسٹریٹ کرائم کی واردات میں ایک شہری ندیم گولی لگنے سے شدید زخمی ہو گیا۔

    اسٹریٹ کرائم کی سی سی ٹی وی فوٹیج اے آر وائی نیوز پر بھی چلائی گئی، خاتون جیسے ہی ہائی روف میں بیٹھنے کے لیے گاڑی کے دروازے پر پہنچیں، انتظار میں پہلے سے موجود موٹر سائیکل سوار 2 ملزمان نے گاڑی کو گھیر لیا۔

    ایک ملزم نے ہیلمٹ پہن رکھا تھا جب کہ دوسرے کا چہرہ کھلا تھا، دونوں نے پوری دیدہ دلیری کے ساتھ واردات کی اور موٹر سائیکل پر بیٹھ کر فرار ہو گئے۔

    خاتون سے لوٹ مار کے دوران ایک راہ گیر نے دوڑتے ہوئے آ کر اسے بچانے کی کوشش کی تاہم مسلح لٹیرے نے اس پر فائر داغ دیا، جس سے اس کی ٹانگ زخمی ہو گئی اور وہ گر کر تڑپنے لگا۔

    واقعے میں زخمی شخص ندیم کو بعد ازاں جناح اسپتال منتقل کیا گیا جہاں ان کا علاج جاری ہے۔

    سی سی ٹی وی فوٹیج میں دیکھا گیا کہ لوٹ مار کے بعد شہری کو زخمی کر کے دونوں ڈاکو موٹر سائیکل پر بیٹھ کر فرار ہو گئے، خاتون بھی ہائی روف گاڑی میں جلدی سے بیٹھ کر چلی گئیں، جب کہ زخمی شہری زمین پر پڑا تڑپتا رہا، جسے بعد ازاں لوگوں نے طبی امداد کے لیے اسپتال منتقل کیا۔

    واضح رہے کہ کرونا وائرس کی وجہ سے کراچی میں لگائے جانے والے لاک ڈاؤن کے بعد اسٹریٹ کرائمز میں نمایاں اضافہ ہو گیا ہے۔

  • کراچی: فریزر سے ملی لاش، کہانی میں نیا موڑ آگیا

    کراچی: فریزر سے ملی لاش، کہانی میں نیا موڑ آگیا

    کراچی: شہر قائد کے علاقے گلشن اقبال میں فلیٹ سے 2 روز قبل خاتون کی لاش ملی تھی، پولیس نے خاتون کے بیٹے اور بیٹی کے فیلٹ میں فرج سے گوشت کے ٹکرے برآمد کرلیے۔

    تفصیلات کے مطابق پولیس کا کہنا ہے کہ کراچی کے علاقے گلشن اقبال میں فلیٹ سے ملنے والی خاتون کی لاش کے بعد اس کے بیٹے اور بیٹی کے فلیٹ میں فرج سے گوشت کے ٹکرے ملے ہیں، فرج میں گوشت کے ٹکڑے انسان کے ہیں یا جانور کے ہیں، چیک کرا رہے ہیں۔

    پولیس نے بتایا کہ گوشت کے ٹکڑوں کو ریسکیو کے ذریعے عباسی اسپتال بھجوا دیا گیا ہے، رپورٹ کے بعد ہی واضح ہوگا گوشت کےٹکڑے انسان کے ہیں یا جانور کے ہیں۔

    پولیس کے مطابق دونوں بہن بھائی نے 4 اکتوبر 2019 کو اکٹھے زہر پیا تھا، قیصر فوری مر گیا تھا، شگفتہ کو الٹی ہونے پر زہر کا اثر کم ہو گیا تھا، وہ بھی 29 جنوری کوفوت ہو گئی تھی۔

    اسپتال ذرائع کا کہنا ہے کہ ڈی این اے کے لیے نمونے حاصل کر لیے گئے، گوشت کے حاصل کردہ نمونے ڈی این اے کے لیے بھیجے جائیں گے۔

    کراچی، گلشن اقبال سے خاتون کی لاش ملنے کا واقعہ، پولیس نے فلیٹ کا تالہ توڑ دیا

    یاد رہے کہ دو روز قبل کراچی کے علاقے گلشن اقبال سے خاتون کی 12 سال پرانی لاش برآمد ہوئی تھی جس کے بعد پولیس نے فلیٹ کا تالہ توڑ دیا تھا۔

  • کراچی: اولاد نے ”محبت“ میں ماں کی لاش کو 12 سال تک فریزر میں رکھا

    کراچی: اولاد نے ”محبت“ میں ماں کی لاش کو 12 سال تک فریزر میں رکھا

    کراچی: بیٹے اور بیٹی نے "محبت” میں ماں کی لاش کو دفنانے کی بہ جائے 12 سال تک اس کو فریزر میں رکھا۔

    اے آر وائی نیوز کے مطابق کراچی کے علاقے گلشن اقبال بلاک 11 سے خاتون کی 12 سال پرانی لاش برآمد ہوئی ہے، پولیس کا کہنا ہے کہ لاش کی شناخت ذکیہ خاتون کے نام سے ہوئی ہے۔

    معلوم ہوا ہے کہ خاتون کی لاش 10 سے 12 سال پرانی ہے اور صرف ڈھانچے کی صورت میں ہے، متوفی خاتون ذکیہ کے بیٹے اور بیٹی نے ماں کو مرنے کے بعد دفنایا نہیں، بلکہ فریزر میں رکھ لیا تاکہ وہ اپنی ماں کو جب چاہیں دیکھ سکیں۔

    ذکیہ خاتون کی باقیات کو کپڑے میں لپیٹ کر گاڑی میں منتقل کیا جا رہا ہے

    پولیس کا کہنا ہے کہ جب ذکیہ کا بیٹا اور بیٹی بھی فوت ہوئے تو ان کے بھائی محبوب نے لاش کی دیکھ بھال شروع کی، گزشتہ رات محبوب نے ان کا ڈھانچا نکال کر کچرا کنڈی میں پھینک دیا، محبوب کا کہنا تھا کہ بیٹے اور بیٹی نے ماں کو محبت میں سنبھال کر رکھا تھا۔

    خاتون کے بھائی نے اپنے ابتدائی بیان میں کہا کہ ان کی بہن ذکیہ کی بیٹی شگفتہ 4 ماہ قبل انتقال کر گئی تھیں، وہ 2 دن پہلے بہن کے گھر گیا تو دیکھا کہ بہن کی لاش بستر پر پڑی ہے، ذکیہ کا ذہنی توازن بھی ٹھیک نہیں تھا۔

    پولیس کا کہنا ہے کہ لاش کا پوسٹ مارٹم کرا لیا گیا ہے، اور محبوب کو حراست میں لے کر تفتیش کی جا رہی ہے، ذکیہ کا فلیٹ بچوں کے مرنے کے بعد کافی عرصہ خالی رہا۔

    https://www.facebook.com/arynewsasia/videos/487017945584696/