Tag: گلوکار سلمان احمد

پاکستان تحریک انصاف (پی ٹی آئی) نے بانی کے خاندان پر تنقید پر گلوکار سلمان احمد کی پارٹی کی بنیادی رکنیت ختم کردی۔

اے آر وائی نیوز کے مطابق چیئرمین پی ٹی آئی بیرسٹر گوہر نے گلوکار سلمان احمد کی بنیادی رکنیت ختم کرنے کا نوٹیفکیشن بھی جاری کردیا ہے۔

نوٹس میں کہا گیا ہے کہ سلمان احمد سوشل میڈیا بیانات سے پارٹی قیادت اور ورکرز میں نفاق پیدا کرتے رہے۔

نوٹس میں لکھا گیا کہ سلمان احمد نے عمران خان اور ان کے اہلخانہ کے خلاف سوشل میڈیا پوسٹیں کیں، پارٹٓی ایسے بیانات سے اظہار لاتعلقی کرتی ہے اور ان کی پارٹی کی بنیادی رکنیت ختم کی جاتی ہے۔

بیرسٹر گوہر کی جانب سے جاری کردہ نوٹس میں کہا گیا ہے کہ گلوکار سلمان احمد مستقبل میں پی ٹی آئی کا نام استعمال نہیں کرسکیں گے۔

واضح رہے کہ سلمان احمد عرصہ دراز سے پی ٹی آئی کے حامی تھے اور 2022 میں انہیں ثقافت کے حوالے سے عمران خان کا فوکل پرسن مقرر کیا گیا تھا۔

گلوکار کو 2016 میں اسلام آباد پولیس کی جانب سے عمران خان کی بنی گالہ میں رہائش گاہ کے باہر مختصر وقت کے لیے اس وقت حراست میں لیا گیا تھا جب وہ ان سے ملاقات کرنے جارہے تھے۔

کراچی : معروف گٹارسٹ اور پی ٹی آئی ایکٹوسٹ سلمان احمد کا لاپتا بہنوئی بازیاب ہوکر عدالت پہنچ گئے اور بتایا کہ میری آنکھوں پر پٹی باندھی تھی معلوم نہیں کہاں لے گئے تھے۔

تفصیلات کے مطابق سندھ ہائی کورٹ میں معروف گٹارسٹ اور پی ٹی آئی ایکٹوسٹ سلمان احمد کا لاپتا بہنوئی بازیاب ہوگیا، سلمان احمد کے بہنوئی بازیاب ہوکر عدالت پہنچے۔

جسٹس نعمت اللہ پھلپھوٹو نے شاہد ستار سے استفسار کیا کہ کہاں لے گئے تھے آپکو؟ شاہد ستار نے بتایا کہ نامعلوم جگہ لے گئے۔

عدالت نے شاہد ستار استفسار کیا کہ کیا آپ کی آنکھوں پر پٹی باندھی گئی تھی؟ شاہد ستار نے جواب میں کہا کہ جی میری آنکھوں پر پٹی باندھی گئی تھی معلوم نہیں کہاں لے گئے۔

جس پر عدالت کا کہنا تھا کہ کتنے دن رکھا گیا ہے آپکو؟ شاہد ستار نے بتایا کہ تین چار دن رکھا گیا ہے، عدالت نے شہری کی بحفاظت گھر واپسی پر اطمینان کا اظہار کرتے ہوئے شاہد ستار کی گمشدگی کی درخواست نمٹادی۔

بیرسٹر صلاح الدین احمد نے کہا کہ سلمان خان پی ٹی آئی سوشل میڈیا ایکٹوسٹ ہیں، پولیس کی جانب سے سلمان احمد کی بہن کے گھر پر چھاپے مارے جارہے ہیں اور ان کی بہن ثانیہ اور ان کے گھر والوں کو حراساں کیا جارہا ہے۔

دائر درخواست میں کہا گیا تھا کہ سلمان احمد کے بہنوں کو پولیس 25 مئی کو پولیس اور سادہ لباس اہلکار ساتھ لے گئے ہیں، بازیاب کرایا جائے۔