Tag: گلوکار کے کے

ممبئی: مشہور بھارتی پلے بیک سنگر کے کے کی طبعی موت بھی متنازع ہو گئی، پولیس نے ان کی غیر فطری موت کی ایف آئی آر درج کر دی ہے۔

بھارتی میڈیا نے انکشاف کیا ہے کہ گلوکار کے کے کی موت کی موت غیر طبعی تھی، ان کی پیشانی اور ہونٹوں پر مبینہ طور پر چوٹ کے نشانات پائے گئے ہیں، پولیس نے اس سلسلے میں ایف آئی آر بھی درج کر لی ہے۔

رپورٹ کے مطابق پولیس اُس کنسرٹ کے منتظمین سے بھی پوچھ گچھ کر رہی ہے، جس میں شرکت کے بعد کے کے کی موت واقع ہوئی، اُس ہوٹل کے عملے سے بھی پوچھ گچھ کی جا رہی ہے جس میں کے کے ٹھہرے ہوئے تھے۔

پولیس اس بات کی تحقیقات کر رہی ہے کہ گلوکار کی موت جسمانی بیماری کی وجہ سے ہوئی یا کسی اور وجہ سے، گلوکار کی موت پر سوالات اٹھنے لگے ہیں، بنگال بی جے پی کے سابق صدر دلیپ گھوش نے ریاستی حکومت پر سوال اٹھا کر کہا کہ جس طرح سے یہ پروگرام منعقد کیا گیا وہ درست نہیں، اس کی تحقیقات ہونی چاہئیں۔

نامور بھارتی گلوکار پرفارمنس کے بعد چل بسے

دلیپ گھوش نے کہا اے سی کے بغیر اور اتنی بھیڑ میں کیسے کام کرنا پڑا، بھیڑ گنجائش سے زیادہ تھی اور اے سی بند تھا، دریں اثنا، گلوکار کے کے کے اہل خانہ بھی کولکتہ پہنچ گئے ہیں۔

واضح رہے کہ بالی ووڈ کے مشہور گلوکار کے کے (کرشن کمار کنتھ) کا منگل کی رات کولکتہ میں کنسرٹ کے بعد موت اچانک موت واقع ہو گئی تھی، کے کے کی عمر 53 سال تھی، ان کے پسماندگان میں اہلیہ اور دو بیٹے شامل ہیں۔

کے کے نے نذرل منچ میں ایک کالج کی طرف سے منعقدہ تقریب میں ایک گھنٹے تک گانے گائے، اور پھر ہوٹل واپس لوٹے، اس وقت ان کی طبیعت ناساز تھی۔