Tag: گلگت

گلگت : دیامر ہو ڈور میں جی بی اسکاؤٹس کی چیک پوسٹ پر دہشت گردوں کے حملے کے نتیجے میں دو اہلکار شہید اور ایک زخمی ہوگیا۔

تفصیلات کے مطابق گلگت میں دیامر ہوڈور کے مقام پر جی بی اسکاؤٹس کی چیک پوسٹ پر دہشت گردوں نے حملہ کردیا، جس کے نتیجے میں 3 اہلکار زخمی ہوئے۔

ترجمان گلگت بلتستان حکومت نے بتایا کہ زخمی اہلکاروں میں سے 2 دوران علاج شہید ہوگئے جبکہ ایک اسپتال میں زیرِ علاج ہے۔

ترجمان کا کہنا تھا کہ شہید ہونے والوں میں جی بی اسکاؤٹس کے نائب صوبیدار اور حوالدار شامل ہیں تاہم حملے کے بعد سیکیورٹی فورسز نے علاقے میں دہشتگردوں کے خلاف آپریشن شروع کردیا ہے۔

ترجمان فیض اللہ فراق نے کہا کہ دہشتگردوں کا آخری دم تک پیچھا کیا جائے گا۔

وفاقی وزیر داخلہ محسن نقوی نے چلاس میں جی بی اسکاؤٹس چیک پوسٹ پر دہشتگرد حملے کی مذمت کی اور شہید نائب صوبیدار کو خراجِ عقیدت پیش کرتے ہوئے اہلِ خانہ سے دلی تعزیت کا اظہار کیا اور زخمی جوان کی جلد صحتیابی کے لیے دعا کی۔

وزیر داخلہ نے کہا کہ شہید صوبیدار نے شہادت کا بلند رتبہ پایا ہے، ان کی قربانی رائیگاں نہیں جائے گی۔ پوری قوم جی بی اسکاؤٹس کے جوانوں کی قربانی کو سلام پیش کرتی ہے۔

گلگت: غذر میں سیکڑوں لوگوں کی جان بچانے کا سبب بننے والے چرواہے محمد خان نے کہا ہے کہ ہماری وجہ سے سیکڑوں افراد کی جانیں بچ گئیں۔

گلیشئر پھٹنے کی برقت اطلاع دے کر بہادر چرواہا محمد خان کئی قیمتی جانیں بچانے کا سبب بنا تھا، اب واقعے کے حوالے سے گفتگو کرتے ہوئے محمد خان نے بتایا دھماکے کی آواز سن کر جاگا تھا، پھر بچوں کو محفوظ مقام پر منتقل کیا۔

چرواہے محمد خان نے بتایا کہ جان کی پرواہ کیے بغیر لوگوں کو بچانے کی کوشش کی، ہماری اطلاع پر سیکڑوں جانیں بچ گئیں لیکن ہماری جان کو خطرہ تھا۔

محمد خان نے مزید بتایا کہ پاک فوج بروقت ریسکیو نہ کرتی تو ہم 6 افراد زندہ نہ بچتے، ریسکیو کرنے پر پاک فوج کا انتہائی مشکور ہوں۔

خیال رہے کہ گزشتہ دنوں گلگت بلتستان کے ضلع غذر کے علاقے تلی داس میں رات گئے گلیشیئر پھٹنے سے شدید سیلابی صورتحال پیدا ہوگئی تھی، جس کے باعث متعدد دیہات زیرآب آگئے اور درجنوں افراد پھنس گئے۔

ترجمان گلگت بلتستان حکومت فیض اللہ فراق کا کہنا تھا کہ 50 سے زائد افراد کو بحفاظت ریسکیو کر لیا گیا تھا، تاہم متاثرین کو شدید مالی نقصان اٹھانا پڑا۔

فیض اللہ فراق کا کہنا تھا کہ گلیشیئر پھٹنے سے دریائے غذر کا بہاؤ رک گیا ہے اور پانی جھیل کی شکل اختیار کر چکا ہے

7 سے 8 کلومیٹر کے علاقے میں جھیل بننے کے باعث متصل دیہات مزید زیرآب آنے کا خطرہ بڑھ گیا ہے، تاہم پولیس اور مقامی رضاکاروں کی طرف سے بروقت اطلاع پر قیمتی انسانی جانیں بچ گئی تھیں۔

https://urdu.arynews.tv/glacier-burst-wreaks-havoc-in-gbs-ghizer/

گلگت : نلتر میں سیاحوں کی کار سو فٹ گہری کھائی میں گرنے سے پانچ افراد جاں بحق ہوگئے، جاں بحق تمام افراد کا تعلق گلگت سے ہیں۔

تفصیلات کے مطابق گلگت کے مضافاتی سیاحتی مقام نلتر کی سیر کو جانے والی فیملی کو حادثہ پیش آیا۔

موڑ کاٹتے ہوئے کار سوفٹ کھائی میں جا گری، ریسکیو ورکرز نے بتایا کار میں چھ افراد سوار تھے، انہیں شدید زخمی حالت میں پی ایچ کیو اسپتال گلگت پہنچایا گیا۔

جہاں دوران علاج پانچ افراد نے دم توڑ دیا جبکہ ایک شخص زیرعلاج ہے، مرنے والوں میں دو بچے اور دو خواتین شامل ہیں۔

حادثے کا شکار فیملی کا تعلق گلگت شہرسے ہے، فیملی عید پر پکنک منانے کار میں وادی پہنچی تھی۔