گلگت بلتستان : گلگت بلتستان کی دوسری قانون سازاسمبلی کےانتخابات میں ن لیگ نےچودہ نشستوں کے ساتھ میدان مارلیا، اسکردو ون میں کانٹے کے مقابلےکے بعد تحریکِ انصاف نےصرف ایک ووٹ سےکامیابی حاصل کرلی۔
گلگت بلتستان کی دوسری قانون ساز اسمبلی کے چناؤ میں ن لیگ کو چودہ نشستوں کے ساتھ سادہ اکثریت مل گئی، گلگت کی تین اورگانچھے کی تین نشستوں پرلیگی امیدواروں نے معرکہ مارلیا، استور کے دونوں اورضلع دیامر کی تین نشستیں بھی لیگی امیدواروں کے نام رہیں جبکہ ضلع اسکردو سے دو اور جی بی ایل اے سکس سے ن لیگ امیدوار فاتح قرار پائے۔
جی بی ایل اے سیون پر ن لیگ اور تحریک انصاف میں کانٹے کا مقابلہ ہوا، جہاں لیگی اُمیدوار کو صرف ایک ووٹ سے شکست ہوئی، جی بی ایل اے اکیس سےبھی پی ٹی آئی نے کامیابی سمیٹی، گلگت کی پہلی قانون سازاسمبلی کی فاتح پیپلزپارٹی کو اس بار صرف ایک نشست جی بی ایل اے بارہ پر کامیاب ملی ۔
مجلس وحدت اُلمُسلمین کے سولہ میں سے دو امیدوار کامیاب ہوئے، جی بی ایل اے پانچ اورجی بی ایل اے آٹھ کی نشست ایم ڈبلیوایم کے نام رہی، اسلامی تحریک پاکستان ہنزہ نگر ٹواور سکردوفور کی نشستوں پر کامیاب ہوئی، گلگت کے عوام نے دو نشستوں غذر ون اورغذر ٹو پر آزاد امیدواروں کے حق میں فیصلہ دیا، جمیعت علمائےاسلام ف نے دیامر ون جی بی ایل اے پندرہ سے کامیابی سمیٹی۔
گلگت بلتستان قانون ساز اسمبلی کے انتخابات میں بڑے بڑے برج الٹ گئے، سابق وزیر اعلیٰ مہدی شاہ اور ن لیگ کے راجا اعظم کو شکست کا سامنا کرنا پڑا۔ پی ٹی آئی کے راجہ جہانزیب نے ن لیگ کے غلام محمد کی وکٹ گرا دی، حافظ حفیظ الرحمان بھی کامیاب ہوگئے۔
گلگت بلتستان قانون ساز اسمبلی کے انتخابات کے نتائج آنے کا سلسلہ جاری ہے، انتخابات میں پیپلز پارٹی کا صفایا ہوگیا، گلگت بلتستان قانون سازاسمبلی انتخابات کےغیرسرکاری غیرحتمی نتائج کے مطابق گلگت کا حلقہ جی بی ایل اے ون سے ن لیگ کے جعفر اللہ چھ ہزار پینتیس ووٹ لیکرکامیاب ہوئے، جی بی ایل اے ٹو سے ن لیگ کے حفیظ الرحمان کے دس ہزار چھیانوے ووٹ ملے۔
جی بی ایل اے تھری سے ن لیگ کے ڈاکٹر اقبال نے سات ہزار پانچ سو پچیس ووٹ حاصل کئے، جی بی ایل اے6 استور 2 سے ن لیگ کے میر غضنفر کو 6500ووٹ پڑے، حلقہ جی بی ایل آٹھ اسکردو مجلس وحدت مسلمین کے کاچو امتیاز دس ہزار ایک سو پچیس ووٹ لے کر کامیاب ہوئے۔
جی بی ایل اے نو اسکردو تھری سے مسلم لیگ ن کے فدا محمد نے چار ہزار ایک سو ووٹ لئے، اسکردو کے حلقہ جی بی ایل اے بارہ پیپلزپارٹی کے عمران ندیم دس ہزار چار سو پچاسی ووٹ لے کر فاتح قرار پائے، جی بی ایل اے تیرہ استور ون سے مسلم لیگ ن کے فرمان علی نے پانچ ہزار ایک سو اکیاسی ووٹ لے کر فتح حاصل کی۔
جی بی ایل اے14 سے ن لیگ کے برکت جمیل کو 4300ووٹ ملے، حلقہ جی بی ایل اے سولہ دیامر ٹو میں مسلم لیگ ن کے جانباز خان تین ہزار تین باون ووٹ لے کر کامیاب ہوئے، چلاس کےحلقہ جی بی ایل اے اٹھارہ میں مسلم لیگ ن کے محمد وکیل نے تین ہزار چار سو ووٹ لئے۔ جی بی ایل اے انیس غذر سے آزاد امیدوار نواز خان کو پانچ ہزار ایک پچانوے ووٹ ملے۔
جی بی ایل اے20 سے آزاد امیدوار فدا خان 4894ووٹ حاصل کرکے کامیاب قرار پائے، جی بی ایل اے22گانچھے ون سے ن لیگ کے محمد ابراہیم کامیاب قرار پائے، گانچھے حلقہ جی بی ایل اے تیس میں مسلم لیگ ن کے غلام حسین چھ ہزار چار سو ستاون ووٹ لے کر پہلے نمبر پر رہے۔
ایل اے سات اسکردو ایک کا نتیجہ روک دیا گیا ہے، ریٹرننگ افسر مسترد ہونے والے ووٹوں کا جائزہ لیں گے۔ یہاں ن لیگ کے اکبر خان اور تحریک انصاف کے راجا جلال حسین کے درمیان کانٹے کا مقابلہ ہے صرف کچھ ووٹوں کا فرق ہے ۔
سابق وزیر اعلی گلگت بلتستان مہدی شاہ اس حلقے سے امیدوار ہیں۔
