Tag: گلگت کی خبریں

گلگت: پی آئی اے کے انجینئرز نے دو دن قبل گلگت ایئر پورٹ پر کچے میں اترنے والے طیارے کی ریکوری کا کام شروع کر دیا ہے۔

تفصیلات کے مطابق گلگت ایئر پورٹ پر پی آئی اے کا طیارہ کچے میں اتر گیا تھا، جس کے باعث اسے شدید نقصان پہنچا تھا، پی آئی اے کے انجینئرز نے اس کی ریکوری کا کام شروع کر دیا۔

ذرایع کا کہنا ہے کہ پی آئی اے کے انجینئرز نے اے ٹی آر طیارے کو کرینوں کی مدد سے سیدھا کر دیا ہے، آج طیارے کو کچے سے رن وے کے ذریعے ہینگر پر منتقل کر دیا جائے گا۔

ذرایع کے مطابق پی آئی اے کے انجینئرز نے کل شام طیارے کا معائنہ بھی کیا تھا، طیارے کے دائیں وِنگ کو شدید نقصان پہنچا ہے۔

تفصیل یہاں پڑھیں:  گلگت ایئرپورٹ : طیارہ کچے میں اترنے کا واقعہ

انجینئرز طیارے کو پہنچنے والے نقصان کی حتمی رپورٹ تیار کریں گے جس کے بعد یہ رپورٹ سی ای او ملک ارشد کو ایک ہفتے میں پیش کی جائے گی۔

یاد رہے کہ بیس جولائی کو پی آئی اے کی پرواز پی کے 605 اسلام آباد سے گلگت پہنچی تھی، ایئر پورٹ پر طیارہ رن وے سے پھسلا اور پائلٹ کے قابو سے باہر ہوکر کچے میں اتر گیا، تاہم تمام مسافروں کو فوراً جہاز سے بہ حفاظت باہر نکالا گیا۔

بعد ازاں پی آئی اے نے طیارے کی کپتان مریم اور فرسٹ آفیسر کو تحقیقات مکمل ہونے تک گراؤنڈ کر دیا تھا۔

گلگت بلتستان: ایک اور امریکی شہری نے ٹرافی ہنٹنگ پروگرام کے تحت استور مارخور شکار کر لیا، یہ اب تک کا مہنگا ترین شکار ہے۔

تفصیلات کے مطابق گلگت میں ٹرافی ہنٹنگ پروگرام کے تحت ایک امریکی شکاری نے ایک لاکھ 10 ہزار ڈالر میں پاکستان کا قومی جانور مارخور شکار کر لیا۔

[bs-quote quote=”شکار کی فیس کا 80 فی صد مقامی آبادی، جب کہ 20 فی صد سرکاری خزانے میں جمع ہوگا۔” style=”style-7″ align=”left” color=”#dd3333″ author_job=”محکمہ جنگلات”][/bs-quote]

محکمہ جنگلات نے بتایا ہے کہ گلگت میں ہونے والے شکار کی فیس ایک لاکھ 10 ہزار امریکی ڈالر تھی۔

محکمہ جنگلی حیات کا کہنا ہے کہ مارخور کے شکار کی فیس کا 80 فی صد مقامی آبادی، جب کہ 20 فی صد سرکاری خزانے میں جمع ہوگا۔

یاد رہے کہ دو ہفتے قبل بھی ایک امریکی شہری نے گلگت میں ایک لاکھ پانچ ہزار امریکی ڈالر میں استور مارخور کا شکار کیا تھا۔

13 جنوری کو گلگت میں امریکی شہری نے قانونی شکار کے تحت 1 لاکھ ڈالر فیس کے عوض مارخور شکار کیا تھا، یہ پہلا ہنٹنگ ٹرافی ایوارڈ تھا، واضح رہے کہ مارخور کے شکار کے لیے سالانہ صرف چار پرمٹ جاری کیے جاتے ہیں۔

یہ بھی پڑھیں:  گلگت: امریکی شکاری کا ایک لاکھ ڈالر کے عوض مارخور کا شکار

مارخور جنگلی بکرے کی قسم کا ایک پہاڑی بکرا اور پاکستان کا قومی جانور ہے۔ ہمالیہ، قراقرم، ہندو کش اور کوہ سلیمان کے پہاڑی سلسلوں میں پائے جانے والے اس جانور کو اپنی نسل مٹنے کے خطرے کا سامنا ہے۔

اس وقت دنیا بھر میں اس کی پانچ اقسام ہیں جن میں سے تین اقسام پاکستان میں پائی جاتی ہیں، جنھیں سلیمان مارخور، کشمیر مارخور اور استور مارخور کہا جاتا ہے، استور مارخور کا مسکن گلگت کے علاقے ہیں۔