پھول ہیں یا پریاں قطار اندر قطار __ خوش رنگ گُل لالہ نے ماحول نکھار دیا ہے، قوس وقزح کے رنگ بکھیرتے لالہ کے پھولوں کی نمائش دیکھنے والے فطرت کی رنگینیوں میں کھو گئے۔
روئٹرز کے مطابق برطانیہ میں بھی میں ٹیولپ سے ہر سو رنگوں کی بہار آ گئی، حدِ نگاہ تک قوس قزح کے رنگ بکھر گئے، گل لالہ کے دل کش نظاروں نے دنیا خوب صورت بنا دی۔
گلابی، سفید، آتشی اور، سرخ رنگ کے پھولوں سے فضا معطر ہو گئی، بھینی بھینی خوشبوؤں سے مہکتے پھولوں نے ماحول کو دل فریب بنا دیا ہے۔
استنبول میں سلطان احمد اسکوائر پر ساڑھے 5 لاکھ گل لالہ سے سجا سب سے بڑا قالین تیار کرلیا گیا۔
قالین 14 سو 53 اسکوائر میٹر کے رقبے پر پھیلا ہوا ہے۔
یہ قالین شہر کے مرکز میں پیش کیا گیا ہے اور یہ ارد گرد شہر کے تاریخی مقامات سے گھرا ہوا ہے۔
سرخ، آتشی، سفید اور زرد پھولوں کا یہ قالین سیاحوں اور مقامی افراد کو اپنی طرف کھینچ رہا ہے اور لوگ جوق در جوق یہاں کا رخ کر رہے ہیں۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگر آپ کو یہ مضمون پسند آیا ہے تو اسے اپنی فیس بک وال پرشیئر کریں۔