موجودہ دور میں بڑھتی ہوئی آلودگی اور خراب طرز زندگی کے باعث گبج پن کے مسائل تیزی سے بڑھ رہے ہیں، خصوصاً کم عمر بچیاں اس سے متاثر ہورہی ہیں۔
اگر آپ چاہتی ہیں کہ آپ کی بچیوں کو آگے چل کر بالوں کے کسی مسئلے کا سامنا نہ کرنا پڑے تو آپ کو شروع ہی سے اس پر توجہ دینے کی ضرورت ہوگی۔
اے آر وائی ڈیجیٹل کے پروگرام گڈ مارننگ پاکستان میں ماہر بیوٹیشنز نے بالوں کی صحت سے متعلق ناظرین کو اپنی قیمتی آرا سے آگاہ کیا اور ساتھ یہ بھی بتایا کہ انہوں نے کس عمر میں اپنے بال رنگوائے۔
ماہر بیوٹیشن بینش پرویز نے بتایا کہ انہوں نے 13 سال کی عمر میں اپنے بال رنگوائے تھے ڈاکٹر حنا صدیقی نے بتایا کہ میں نے شادی کے بعد 29 سال کی عمر میں بال ڈائی کروائے جبکہ ڈاکٹر بلقیس شیخ کا کہنا تھا کہ میں نے یہ غلطی ساڑھے 15 سال کی عمر میں کی تھی۔
ڈاکٹر بلقیس شیخ نے بتایا کہ ویسے تو ماں کے دودھ میں بھرپور غذائیت ہوتی ہے لیکن اس میں وٹامن سی نہیں ہوتا، جو بالوں کی نشونما کیلیے بہت ضروری ہے، اس کیلیے ایسے فروٹس جن میں وٹامن سی ہوتا ہے انہیں لازمی کھلانے چاہیئیں۔
انہوں نے بتایا کہ چھوٹی بچیوں کو سبزیوں تازہ جوس فوری نہیں پلانا چاہیے بلکہ اس کو ہلکا سا گرم کرکے فیڈر میں ڈال کر پلائیں۔
اس کو بنانے کی ترکیب بیان کرتے ہوئے انہوں نے کہا کہ پالک آلو میتھی گاجر مٹر اور تھوڑا سا گوشت ملا کر اس کی یخنی کی طرح بنائیں اور بچوں کو پلائیں۔
انہوں نے بتایا کہ میری بیٹی بھی پیدائشی طور پر گنجی تھی تو میں نے اس کے گنج پن کے علاج کیلیے دو چمچ دودھ میں زعفران کے دو یا تین دھاگے، ایک چٹکی ملیٹھی کے ساتھ گندم اور سونف کو جلا کر اس کا سُرمہ اور کیسٹر آئل ملا کر بچی کے سر پر لگا دیا۔
یہ میرا آزمودہ نسخہ ہے، اس کے علاوہ جب بچی تھوڑی بڑی ہوئی تو ادرک کا جوس لگانا شروع کردیا بالوں کی نشونما کیلیے یہ بہت زبردست چیز ہے۔
