Tag: گوادر

کوئٹہ: حکومت بلوچستان نے گوادر میں مزدوروں کے قتل کے واقعے کی تحقیقات کا حکم دیتے ہوئے کہا دہشت گردوں سے سختی سے نمٹیں گے۔

تفصیلات کے مطابق حکومت بلوچستان نے گوادر کے علاقے سربندرمیں مزدوروں کے قتل کی مذمت کرتے ہوئے کہا معصوم مزدوروں کاقتل کھلی دہشت گردی ہے۔

ترجمان صوبائی حکومت کا کہنا تھا کہ افسوسناک واقعے کی تحقیقات کا حکم دے دیاگیا، واقعہ سربندرمیں پیش آیا، انتظامی افسران جائےوقوعہ پر پہنچ گئے، ضلعی انتظامیہ سےرابطےمیں ہیں، جاں بحق مزدوروں کی فیملیز سے رابطہ کیا جارہا ہے۔

وزیر داخلہ بلوچستان میر ضیالانگو نے کہا کہ واقعےکی رپورٹ طلب کرلی گئی ہے، دہشت گردوں سے سختی سے نمٹیں گے، نہتےمزدوروں کا قتل بزدلانہ اقدام ہے۔

میر ضیالانگو کا کہنا تھا کہ واقعے کا تمام پہلوؤں سےجائزہ لےرہےہیں، ملوث دہشت گردوں کو کیفر کردار تک پہنچایا جائے گا۔

یاد رہے گوادر کے علاقے میں سربند میں فش ہاربرجیٹی کے قریب رہائشی کوارٹرز پر دہشت گردوں نے حملہ کرکے 7 افراد کو موت کی نیند سلادیا۔

اے آر وائی نیوز کے مطابق ایس ایچ او تھانا گوادر محسن علی نے بتایا کہ کوارٹرز میں سوئے 7 افراد کو دہشتگردوں نے بے رحمی سے قتل کردیا ہے۔

پاک آرمی افسران کی ڈاکٹر بیگمات بھی گوادر کے مختلف علاقوں میں مصیبت زدہ بھائیوں بہنوں کے علاج معالجہ میں رضاکارانہ طور پر مصروف ہیں، جن میں ڈاکٹرزینب اور ڈاکٹر افشاں بھی شامل ہیں۔

تفصیلات کے مطابق پاکستان کی بیٹیاں گوادر میں سیلاب متاثرین کی خدمت میں مصروف ہیں ، ضلع گوادرکےسیلاب زدہ علاقوں میں پاک آرمی کی جانب سے موبائل میڈیکل ٹیمیں اور میڈیکل کیمپس لگائے گئے، جس میں پاک فوج کی میڈیکل ٹیم سیلاب زدہ لوگوں کے علاج معالجہ میں مصروف عمل ہیں۔

میڈیکل کیمپ میں اب تک ہزاروں لوگوں کوطبی امدادکےساتھ ساتھ مفت ادویات بھی فراہم کی جاچکی ہیں ، پاک آرمی افسران کی ڈاکٹر بیگمات بھی گوادر کے مختلف علاقوں میں مصیبت زدہ بھائیوں بہنوں کےعلاج معالجہ میں رضاکارانہ طور پر مصروف ہیں
جن میں ڈاکٹرزینب اورڈاکٹرافشاں بھی شامل ہیں۔

ڈاکٹر زینب پاک فوج میں خدمات انجام دینے والے لیفٹیننٹ کرنل کی اورڈاکٹرافشاں میجرکی زوجہ ہیں ، انسانی جذبے سے سرشار ڈاکٹر افشاں اور زینب سیلاب متاثرین کی اس مشکل گھڑی میں خدمت کر رہی ہیں اور اب تک 1500 سے زائد مریضوں کاعلاج کرچکی ہیں۔

ڈاکٹر زینب کا کہنا ہے کہ گوادر کے لوگ ہمارےاپنےلوگ ہیں،انہیں ہماری ضرورت تھی اور یہ میرافرض تھا، پاک آرمی کی میڈیکل ٹیمیں سول انتظامیہ کے ساتھ مل کر لوگوں کو طبی سہولیات فراہم کرنے کی ہرممکن کوشش کررہی ہیں۔

پچھلے 5 دن سے ضلع گوادرمیں ڈاکٹرافشاں بزرگ، خواتین اور بچوں کی دیکھ بھال کر رہی ہیں ، ڈاکٹر افشاں کا کہنا ہے کہ گوادر کے لوگوں کو مصیبت کی گھڑی میں انکی ضرورت ہے۔

پاکستان کوڈاکٹرزینب اورڈاکٹرافشاں جیسی بیٹیوں پرفخرہے ، دونوں اپنےمصیبت زدہ بھائیوں بہنوں اور بچوں کی خدمت میں پیش پیش ہیں۔