Tag: گوتم اڈانی

دنیا نے ایک اور سال کو خوش آمدید کہہ دیا ہے، لیکن گئے برس 2024 میں امریکا میں کچھ اہم چیزیں ہوئی ہیں، جن کے اثرات رواں برس پر بھی مرتب ہوتے دکھائی دیں گے۔

ایک طرف جب امریکا اپنے نئے صدر ڈونلڈ ٹرمپ کے زمام اقتدار سنبھالنے کا انتظار کر رہا ہے، وہاں دوسری طرف امریکا میں کچھ اہم چیزیں ہوئی ہیں۔

الاباما میں نائٹروجن گیس سے سزائے موت

امریکی ریاست الاباما میں 22 نومبر کو ایک قاتل کو نائٹروجن گیس کے ذریعے سزائے موت دے دی گئی۔ الاباما حکام کا کہنا ہے کہ نائٹروجن سے دم گھٹتے ہوئے سب سے کم تکلیف ہوتی ہے، اور یہ سزائے موت کا سب سے زیادہ ’انسانیت والا‘ طریقہ ہے۔ لیکن ناقدین کہہ رہے کہ یہ ظالمانہ اور غیر معمولی سزا ہے۔ تاہم امریکی سپریم کورٹ نے بھی ناقدین کی درخواست خارج کر دی تھی۔ یوں الاباما میں کیری گریسن نامی شخص تیسرا شہری بن گیا جسے نائٹروجن گیس کے ذریعے ہمیشہ کی نیند سلا دیا گیا۔ تیس سال قبل 1994 میں اس نے وکیلین نامی ایک لڑکی کو بھیانک طریقے سے قتل کیا تھا، اس نے لفٹ مانگی تھی، اور پھر گریسن نے اس پر تشدد کیا، اس کا ایک پھیپھڑا نکالا، اس کی انگلیوں سمیت دیگر اعضا کاٹے، جب اس کی مسخ شدہ لاش ملی تو اس کے جسم پر 180 گہرے زخم تھے۔ سزائے موت کے بعد الاباما کے اٹارنی جنرل نے کہا آج انصاف ہو گیا ہے۔

گوتم اڈانی پر مقدمہ

ایئرپورٹس کی تعمیر کے ٹھیکوں سے لے کر بجلی سپلائی اور کوکنگ آئل کی فروخت تک، وہ ایک وسیع گروپ کے مالک ہیں، یہ ذکر ہے دنیا کی امیر ترین شخصیات میں سے ایک، بھارتی ارب پتی 62 سالہ گوتم اڈانی کی، جن پر امریکا میں رشوت ستانی کا کیس چل رہا ہے۔ ابھی گزشتہ دنوں ہی اڈانی نے ڈونلڈ ٹرمپ کی جیت کا جشن منایا تھا۔ لیکن اب امریکا میں وفاقی استغاثہ نے ان پر کروڑوں ڈالر کی رشوت دینے اور امریکا میں رقم چھپانے کا الزام لگا دیا ہے۔ ان پر الزام ہے کہ انھوں نے اپنی کمپنی کے دیگر لوگوں کے ساتھ مل کر انڈین حکام کو 265 ملین ڈالر رشوت دی تاکہ انڈین پاور سپلائی کے کنٹریکٹس حاصل کر سکیں اور اس طرح انھوں نے بین الاقوامی سرمایہ کاروں کو جان بوجھ کر گمراہ کیا۔ لیکن ظاہر ہے کہ گروپ نے اس الزامات کو بے بنیاد قرار دے دیا ہے۔ اڈانی نے دعویٰ کیا ہے کہ اس مقدمے کی وجہ سے ایک ہفتے کے اندر اندر انھیں اسٹاک مارکیٹ میں تقریباً 55 ارب ڈالر کا نقصان ہوا۔

بٹ کوائن کی قیمت

اور بٹ کوائن ۔۔۔ جی ہاں ٹرمپ کے آتے ہی ایک بٹ کوائن کی قیمت ایک لاک ڈالر تک پہنچ گئی ہے، کیوں کہ سرمایہ کاروں کو یقین ہے کہ ٹرمپ کی پالیسیاں ’کرپٹو فرینڈلی‘ ہوں گی، اور وہ بٹ کوائن ٹریڈ کے راستے سے قانونی اور ریگولیٹری رکاوٹیں کم کر دیں گے۔

امریکا کی، اسلحے کی سیاست کا بھیانک پہلو

جہاں تک جنگوں کا معاملہ ہے تو امریکا ایک طرف روس کے خلاف یوکرین کو بڑے پیمانے پر ہتھیار فروخت کر رہا ہے، اور ابھی حال ہی میں بائیڈن نے روس کے اندر لانگ رینج میزائل استعمال کرنے کی بھی اجازت دے دی ہے۔ صرف یہی نہیں، بائیڈن انتظامیہ نے غزہ پر وحشیانہ بمباری کے لیے گزشتہ ایک برس میں اسرائیل کو بھی بے پناہ اسلحہ فروخت کیا ہے۔ اور تازہ ترین پیکج کے طور پر 27 نومبر کو امریکا نے 680 ملین ڈالر کا اسلحہ فروخت کرنے کی منظوری دے دی ہے۔ لیکن وہاں دوسری طرف انھوں نے نیتن یاہو کے خلاف غزہ میں جنگی جرائم کے ارتکاب پر انصاف کی عالمی عدالت آئی سی سی کے وارنٹ گرفتاری کو مسترد کر دیا ہے۔ مگر دوہرا معیار دیکھیں کہ جب روس کے صدر ولادیمیر پیوٹن کے خلاف آئی سی سی نے وارنٹ گرفتاری جاری کیا تو امریکا نے اس کی بھرپو حمایت کی، اور ابھی بھی امریکا کی جانب سے یہ دلیلیں دی جا رہی ہیں کہ ان دونوں وارنٹس میں فرق ہے، نیتن یاہو کے خلاف وارنٹ غلط ہے۔

صرف یہی نہیں کہ مشرق وسطیٰ (فلسطین کے خلاف اسرائیل) اور مشرقی یورپ (روس کے خلاف یوکرین) میں امریکا نے اسلحے کی بھیانک سیاست کی ہو، امریکا نے مشرقی ایشیا میں بھی (چین کے خلاف تائیوان کو) 385 ملین ڈالر کے ہتھیار فروخت کرنے کی منظوری دے دی ہے، ڈیل میں لڑاکا طیاروں اور ریڈار سسٹم کے اسپیئر پارٹس شامل ہیں۔ چین نے اس پر سخت رد عمل ظاہر کرتے ہوئے جوابی اقدامات کا اعلان کیا ہے۔ اب صورت حال یہ ہے کہ ایک طرف ایشیا اور مشرقی یورپ میں دو بڑی طاقتوں کے خلاف چھوٹے ممالک کو ہتھیار فراہم کر کے اپنے دیرینہ حریفوں کے لیے مشکل کھڑی کر رہا ہے، دوسری طرف مشرق وسطیٰ میں ایک مضبوط قوت کو چھوٹی سی طاقت کے خلاف بے دریغ ہتھیار فراہم کر کے خطے میں ایک وسیع جنگ کی آگ بھڑکا رہا ہے۔

دیگر ممالک کی سیاست میں مداخلت

ڈونلڈ ٹرمپ ویسے تو اس بات کے لیے مشہور ہیں کہ وہ امریکا کے پھیلے ہوئے پر سمیٹنا چاہتا ہے، لیکن ایک سطح پر وہ دیگر صدور سے زیادہ جارحانہ انداز میں عالمی معاملات سے نمٹنے کی کوشش کیا کرتے ہیں، جیسا کہ اپنی پچھلی مدت میں ٹرمپ نے شمالی کوریا کے سربراہ کِم جونگ اُن کے ساتھ تین ملاقاتیں کی تھیں لیکن اپنے سخت مؤقف کی وجہ سے وہ کوئی نتیجہ حاصل نہیں کر سکے تھے۔

اسی طرح جنوبی امریکی ملک برازیل کے سابق صدر جائر بولسونارو نے امید ظاہر کی ہے کہ نو منتخب صدر ڈونلڈ ٹرمپ کی جنوری میں وائٹ ہاؤس واپسی ان کی اپنی سیاسی واپسی کو تقویت دینے میں مدد کرے گی، ان کی خواہش ہے کہ ٹرمپ برازیل کے خلاف پابندیاں لگا کر دباؤ ڈالے اور ناکام بغاوت میں حصہ لینے کے جرم پر ان کے خلاف ممکنہ عدالتی فیصلے کو روکے۔ دیکھنا یہ ہے کہ ٹرمپ برازیل میں اپنے حلیف کی مدد کے لیے مداخلت کریں گے یا نہیں۔

بھارت کے ارب پتی گوتم اڈانی عالمی احتساب کی زد میں آگئے ، ان پر بیرون ملک رشوت اور دھوکہ دہی کے الزامات مودی حکومت کی بدعنوان پالیسیوں کو ظاہر کرتے ہیں۔

امریکی الزامات کے تحت اڈانی پر سرمایہ کاروں کو دھوکہ دینے اور بھارتی حکام کو رشوت دینے کا الزام ہے، یہ انکشافات مودی کے گجرات دور کی اقربا پروری کو ظاہر کرتے ہیں، جس نے اڈانی کی دھوکہ دہی کی سلطنت کو پروان چڑھایا۔

اڈانی پر سولر کنٹریکٹس کے لیے 250 ملین ڈالر رشوت دینے کا الزام ہے اور مودی کی بی جے پی اس بدعنوانی میں شریک نظر آتی ہے، جو بھارت کی ساکھ کو نقصان پہنچا رہی ہے اور عالمی سطح پر بدعنوانی کو فروغ دے رہی ہے۔

گوتم اڈانی اور امریکہ میں اڈانی گروپ کے کئی اعلیٰ عہدیداروں پر فرد جرم مستقبل میں کینیا، بنگلہ دیش اور سری لنکا وغیرہ سمیت دیگر ممالک میں مختلف متنازعہ سودوں کے لیے ایک پریشان کن عنصر بن سکتا ہے۔

کینیا کے صدر ولیم رٹو نے امریکی مقدمے کے بعد اڈانی گروپ کے کئی مجوزہ معاہدے منسوخ کرنے کا حکم دیا ہے جبکہ سری لنکا کے ماہرین، بشمول نیشان ڈی میل، نے اڈانی پاور پروجیکٹ پر اپنی حکومت کو احتیاط برتنے کی ہدایت کی ہے، کیونکہ اڈانی گروپ پر دھوکہ دہی اور رشوت کے الزامات لگے ہیں۔

اس کے علاوہ ڈھاکہ کی اعلیٰ عدالت نے اڈانی گروپ کے 1600 میگاواٹ بجلی کے معاہدے کی تحقیقات کا حکم دیا ہے، جس سے اڈانی گروپ بنگلہ دیش کو بجلی برآمد کر رہا تھا۔ اس کے ساتھ اڈانی کے خلاف فوجداری کارروائیاں بھی شروع ہو چکی ہیں۔

اڈانی اور بنگلہ دیش حکومت کے درمیان یہ توانائی معاہدہ پہلے ہی متنازع تھا کیونکہ یہ کسی بھی قانونی ٹینڈر کے بغیر کیا گیا تھا۔ عبوری حکومت نے اس پر مذاکرات جاری رکھے تھے، لیکن امریکی الزامات کے بعد یہ مذاکرات مزید متاثر ہو سکتے ہیں۔

مودی کی مسلسل حمایت نے اڈانی کو بھارت کے ہوائی اڈوں سے لے کر افریقہ اور جنوبی ایشیا تک متنازعہ معاہدے کرنے کا موقع دیا ہے، جس سے بھارت کی ساکھ کو عالمی سطح پر نقصان پہنچا ہے۔

اڈانی پر بیرون ملک رشوت اور دھوکہ دہی کے الزامات مودی حکومت کی بدعنوان پالیسیوں کو ظاہر کرتے ہیں، جس کے نتیجے میں بھارت میں غیر ملکی سرمایہ کاری کم ہو رہی ہے اور کارپوریٹ لالچ بڑھ رہا ہے، ان کے جرائم کے اثرات، جیسے جعلی سرمایہ کاری کے دعوے اور چھپے ہوئے اقدامات، ظاہر کرتے ہیں کہ مودی کی حکومت نے بھارت کو دھوکہ دہی کرنے والوں کی محفوظ پناہ گاہ بنا دیا ہے۔

اڈانی کے رشوت کے مقدمات کی تفصیلات سامنے آنے کے بعد، غیر ملکی سرمایہ کار مودی حکومت کے تحت بھارت کی معیشتی ساکھ پر سوال اٹھا رہے ہیں، جس کی وجہ سے غیر ملکی سرمایہ کاری میں تیزی سے کمی ہو رہی ہے۔

امریکی ریسرچ فرم ہنڈن برگ کی رپورٹ آنے کے بعد سے اڈانی گروپ کے جو برے دن شروع ہوئے اس کا اختتام دکھائی نہیں دے رہا ہے۔

 اڈانی گروپ کو یکے بعد دیگرے کئی جھٹکے لگ رہے ہیں، کمپنی کے شیئرز میں لگاتار گر رہے ہیں۔ شیئرز کی قیمت نصف رہ گئی ہے جس سے گوتم اڈانی کی دولت بھی لگاتار کم ہوتی جا رہی ہے۔

بھارتی میڈیا کے مطابق دنیا کے امیر ترین شخصیت کی فہرست میں شامل ہونے والے گوتم اڈانی کی دولت بھی گر کر 49 ارب ڈالر پر پہنچ گئی ہے۔

بلومبرگ بلینیرس انڈیکس کے مطابق ارب پتی گوتم اڈانی کی مجموعی ملکیت پیر کو 50 ارب ڈالر سے نیچے گر گئی،  ان کی دولت اب 49.1 ارب ڈالر ہے۔

 محض ایک مہینے پہلے صنعت کار اڈانی کی مجموعی ملکیت تقریباً 120 بلین ڈالر تھی، جس کی وجہ سے وہ دنیا کے تیسرے سب سے امیر شخص بن گئے، لیکن ہنڈن برگ ریسرچ کے ذریعہ اڈانی گروپ پر ایک رپورٹ آنے کے بعد اڈانی کی ملکیت میں تیزی سے گراوٹ جاری ہے۔

 رپورٹ آنے کے بعد سے اب تک ان کی ملکیت میں 71 بلین ڈالر کی گراوٹ درج کی گئی ہے۔ اس کے ساتھ ہی اڈانی کو اب ایشیا کے سب سے امیر آدمی ہونے کا فخر بھی حاصل نہیں رہا،  83.6 بلین ڈالر کی ملکیت کے ساتھ امیروں کے انڈیکس میں مکیش امبانی گیارہویں نمبر  پر ہیں، جبکہ اڈانی اس فہرست میں 25ویں نمبر  پر پہنچ گئے ہیں۔

 بلومبرگ بلینیرس انڈیکس کے 20 فروری کے لیے جاری اعداد و شمار کے مطابق اڈانی کی ملکیت 49.1 بلین ڈالر ہے۔

ایک امریکی کمپنی کی جانب سے فراڈ سمیت دیگر سنگین الزامات عائد کیے جانے کے بعد ایشیا کے امیر ترین شخص گوتم اڈانی کی دولت میں نمایاں کمی آئی ہے۔

امریکا کی شارٹ سیلنگ کمپنی ہندن برگ نے 25 جنوری کو ایک رپورٹ میں کہا تھا کہ اڈانی گروپ دہائیوں سے اسٹاک مارکیٹ میں ہیرا پھیری اور اکاؤنٹنگ فراڈ اسکیم میں ملوث ہے۔

امریکی جریدے فوربز کے مطابق گوتم اڈانی کی دولت میں 48 گھنٹوں کے اندر 20.4 ارب ڈالرز کی کمی آئی ہے اور ان کے اثاثوں کی مالیت 119 ارب ڈالرز سے کم ہوکر 98.8 ارب ڈالرز ہوگئی ہے۔

اس طرح بھارتی بزنس ٹائیکون گوتم اڈانی دنیا کے امیر ترین افراد کی فہرست میں چوتھے سے 7 ویں نمبر پر پہنچ گئے ہیں۔

البتہ بلومبرگ کے بلین ائیر انڈیکس میں فی الحال گوتم اڈانی 113 ارب ڈالرز کے ساتھ چوتھے نمبر پر موجود ہیں، مگر امکان یہی ہے کہ 27 جنوری کے اختتام تک وہاں بھی ان کی تنزلی ہوگی۔

دوسری جانب اڈانی گروپ کی کمپنیوں کی مجموعی مالیت میں بھی لگ بھگ 50 ارب ڈالرز کی کمی آئی ہے۔

امریکی کمپنی کی رپورٹ میں متحدہ عرب امارات سمیت کئی ممالک میں اڈانی خاندان کی آف شور کمپنیوں کی تفصیلات دیتے ہوئے دعویٰ کیا گیا تھا کہ ان کمپنیوں کو کرپشن، منی لانڈرنگ اور ٹیکسوں کی چوری کے لیے استعمال کیا جاتا ہے۔

دوسری جانب اڈانی گروپ نے اس رپورٹ کو گمراہ کن اور بے بنیاد قرار دیتے ہوئے امریکی کمپنی کے خلاف قانونی کارروائی کا عندیہ دیا ہے۔

رپورٹ میں گوتم اڈانی کے لیے کارپوریٹ تاریخ کے سب سے بڑے دھوکے باز کے الفاظ بھی استعمال کیے گئے تھے۔

اس رپورٹ کے بعد سے اڈانی گروپ کی کمپنیوں کے حصص کی قیمتوں میں تیزی سے کمی آئی جبکہ خود گوتم اڈانی بھی اربوں ڈالرز سے محروم ہوگئے ہیں۔

خیال رہے کہ 60 سالہ گوتم اڈانی متعدد کمپنیوں کے مالک ہیں اور حالیہ برسوں میں وہ تیزی سے ابھر کر سامنے آئے۔

2022 کے دوران اڈانی گروپ کی کمپنیوں کے حصص میں ریکارڈ اضافہ ہوا تھا اور خود ان کی دولت میں مجموعی طور پر 42 ارب ڈالرز سے زائد اضافہ ہوا۔