Tag: گوتم گمبھیر

سابق پاکستانی کپتان وسیم اکرم نے گوتم گمبھیر کے بطور بھارتی ہیڈ کوچ انتخاب کے حوالے سے اس کے فوائد اور نقصانات پر اظہار خیال کیا ہے۔

کے کے آر کے پرانے کولیگ گوتم گھمبیر کے بارے میں بھارتی اسپورٹس چینل سے بات کرتے ہوئے سوئنگ کے سلطان نے کہا کہ سابق بھارتی اوپنر اس پوسٹ کے لیے ایک بہترین امیدوار ہیں، یہ اس بات پر منحصر ہے کہ وہ اس عہدے کو قبول کرتے ہیں یا نہیں۔

وسیم اکرم نے کہا کہ کبھی کبھی گوتم جارحانہ پن پر اتر آتا ہے، یہی اس کی شخصیت کا پہلو ہے اور وہ یہی جارحانہ پن ٹیم میں بھی لے کر آئے گا لیکن یہ سب اس بات پر منحصر ہے کہ آیا وہ اس کردار کو ادا کرنے پر راضی ہے۔

سابق پاکستانی کپتان نے مزید کہا کہ گمبھیر ایک بہت سادہ آدمی ہے وہ کوئی مشکل انسان نہیں ہے۔ لیکن وہ صاف، دو ٹوک بات کرنے والا اور اور وہ بات کرتے ہوئے سوچتا نہیں ہے،

انھوں نے مزید کہا کہ یہ چیزیں بھارتی کرکٹ کلچر کا حصہ نہیں ہے۔ ہماری ثقافت میں ہم ایسی باتیں کہتے ہیں جس سے لوگ ناراض نہ ہوں۔

وسیم نے کہا کہ سابق بھارتی بیٹر ایک ایسا شخص ہے اگر اسے کسی کوئی چیز پسند نہیں آئے گی تو وہ یہ بات آپ کے منہ پر کہہ دے گا اور یہی اس کی شخصیت کا خاصہ ہے۔

واضح رہے کہ راہول ڈریوڈ کے سبکدوش ہونے کے بعد بھارتی بورڈ اپنی ٹیم کے لیے نئے ہیڈ کوچ کی تلاش میں ہیں اس کے لیے گوتم گمبھیر مضبوط امیدوار بتائے جارہے ہیں جبکہ اسٹیفن فلیمنگ، اشش نہرا سمیت دیگر کے ناموں پر بھی غور کیا جارہا ہے۔

بھارتی کرکٹ بورڈ نے راہول ڈریوڈ کی جگہ سابق کرکٹر گوتم گمبھیر کو بھارتی ٹیم کا ہیڈ کوچ بنانے کے لیے ان سے رابطہ کرلیا۔

میڈیا رپورٹس کے مطابق اسٹیفن فلیمنگ، رکی پونٹنگ اور وی وی ایس لکشمن کو ایک سائیڈ پر کرتے ہوئے گوتم گمبھیر وہ تازہ نام ہے جسے بھارتی کرکٹ ٹیم کا اگلا ہیڈ کوچ بنانے کے لیے بی سی سی آئی نے ان سے رابطہ کیا ہے۔

کرکٹ کی معروف ویب سائٹ کرک انفو نے بتایا ہے کہ بورڈ آف کنٹرول فار کرکٹ ان انڈیا نے سابق اوپنر سے رابطہ کیا ہے کیونکہ وہ سبکدوش ہونے والے ہیڈ کوچ راہول ڈریوڈ کا متبادل تلاش کرنے کے لیے سرگرداں ہیں۔

بھارتی بورڈ نے مبینہ طور پر ہیڈ کوچ کے عہدے کے لیے اسٹیفن فلیمنگ سے بھی رابطہ کیا تھا لیکن چونکہ یہ میعاد 2027 ورلڈ کپ تک ہوگی اس لیے نیوزی لینڈ کے سابق کپتان اس کے تیار نظر نہ آئے۔

گوتم اس وقت کولکتہ نائٹ رائیڈرز کے مینٹور کے طور پر خدمات انجام دے رہے ہیں، کوچنگ کا کوئی خاص تجربہ نہ ہونے کے باوجود انھوں نے کے کے آر اور لکھنؤ سپر جائنٹس کے ساتھ کامیاب کوچ کی حیثیت سے خود کو منوایا ہے۔

فرنچائز کے لیے کامیاب کوچنگ کے بعد اب بی سی سی آئی کی نظر ان پر پڑی ہے۔ ابھی بی سی سی آئی اور گمبھیر کے درمیان بات چیت ابتدائی مراحل میں ہیں جس کے لیے آخری تاریخ 27 مئی مقرر کی گئی ہے۔

گوتم کے ساتھ مزید بات چیت کولکتہ نائٹ رائیڈرز کے ساتھ سیزن مکمل ہونے کے بعد متوقع ہے۔ ڈریوڈ نے بی سی سی آئی کو اپنی مدت میں توسیع نہ کرنے کے اپنے فیصلے سے آگاہ کر دیا ہے۔

سابق بھارتی کرکٹر گوتم گمبھیر نے سیاسی میدان چھوڑنے کا اعلان کر دیا، سوشل میڈیا کے ذریعے وزیر اعظم مودی کو بھی پیغام دے دیا۔

اس وقت گوتم مشرقی دہلی سے بی جے پی کے ٹکٹ پر رکن پارلیمنٹ ہیں۔ انھوں نے سوشل میڈیا پوسٹ کے ذریعے بھارتی وزیراعظم اور وزیر داخلہ امت شاہ سے درخواست کی ہے کہ وہ اب صرف کرکٹ پر توجہ مرکوز رکھنا چاہتے ہیں۔

بھارتیہ جنتا پارٹی آئندہ لوک سبھا انتخابات کے حوالے سے اپنی پہلی فہرست آج جاری کرنے کا ارادہ رکھتی ہے جبکہ کئی موجودہ ارکان پارلیمنٹ کو بھی ٹکٹ ملنے کا امکان ہے۔

سوشل میڈیا پر جاری پیغام میں انھوں نے کہا کہ ’میں نے پارٹی کے صدر جے پی نڈا سے درخواست کی ہے کہ وہ مجھے میرے سیاسی فرائض سے فارغ کریں تاکہ میں کرکٹ کے حوالے سے کی جانے والی کمٹمنٹ پوری کرسکوں۔‘

گوتم گمبھیر نے مزید کہا کہ ’میں وزیر اعظم نریندر مودی اور مرکزی وزیر داخلہ امت شاہ کا تہہ دل سے شکریہ ادا کرتا ہوں کہ جنھوں نے مجھے لوگوں کی خدمت کا موقع دیا۔‘

سابق کرکٹر نے 2019 میں مشرقی دہلی سے لوک سبھا کی سیٹ جیتی تھی۔ اس وقت وہ مشرقی دہلی سے بی جے پی کے لوک سبھا رکن ہیں۔
واضح رہے کہ گوتم ٹی 20 ورلڈ کپ 2007 اور ون ڈے ورلڈ کپ 2011 میں کامیابی حاصل کرنے والی بھارتی ٹیم کے رکن تھے۔ انھوں نے نے دونوں ایونٹس کے فائنل میں میچ وننگ اننگز کھیلی تھی۔

گوتم فی الحال آئی پی ایل میں کولکاتا نائٹ رائیڈرز کے مینٹور ہیں جبکہ وہ لکھنؤ سپر جائنٹس کے مینٹور کی حیثیت سے بھی فرائض انجام دے چکے ہیں۔

کپل دیو جو کہ بھارت کے لیجنڈ کرکٹرز میں سے ایک ہیں، ورلڈکپ سے محض چند دن قبل ان کے اغوا کی ویڈیا نے سوشل میڈیا صارفین کو تشویش میں مبتلا کردیا ہے۔

سابق بھارتی اوپنر گوتم گمبھیر نے سوشل میڈیا پلیٹ فارم پر کپل دیو کے اغوا کی ویڈیو شیئر کرتے ہوئے ان کی خیریت سے ہونے کی دعا کی ہے۔ پوسٹ کے کیپشن میں گمبھیر نے سوالیہ انداز میں پوچھا کہ ’کسی اور کو بھی یہ کلپ موصول ہوا ہے؟ امید ہے کہ حقیقت میں ایسا نہیں ہوا ہوگا اور کپل پاجی خیریت سے ہوں گے۔‘

گوتم نے جو ویڈیو شیئر کی ہے اس میں دیکھا جاسکتا ہے کہ ایک شخص کے ہاتھ پیٹھ کے پیچھے بندھے ہوئے ہیں اور وہ غالباً کپل دیو یا ان سے ملتی جلتی شکل کا کوئی شخص ہے۔ اسے دو نامعلوم افراد زبردستی اپنے ساتھ کھینچتے ہوئے لے جا رہے ہیں۔

ویڈیو میں اغوا ہونے والا شخص پیچھے مڑ کردیکھتا ہے جس سے اس کا چہرہ واضح طور پر نظر آتا ہے، مذکورہ شخص سابق بھارتی کپتان کپل دیو سے غیر معمولی مشابہت رکھتا ہے۔

Anyone else received this clip, too? Hope it’s not actually @therealkapildev 🤞and that Kapil Paaji is fine! pic.twitter.com/KsIV33Dbmp

— Gautam (@GautamGambhir) September 25, 2023

اس ویڈیو کے انٹرنیٹ پر وائرل ہونے کے بعد کرکٹ شائقین حیران کن تشویش میں مبتلا ہیں، کچھ صارفین کا خیال ہے کہ یہ حقیقی اغوا کی واردات نہیں ہے بلکہ کسی اشتہاری اسٹنٹ کے لیے ایسا کیا گیا ہے۔

مداحوں نے اس طرح کا اشتہار بنانے پر کمپنی کو بھی آڑے ہاتھوں لیا ہے کہ وہ صرف ویوز حاصل کرنے کے لیے کس طرح اتنا گرا ہوا کام کرنے سے بھی گریز نہیں کررہی۔