گوجرانوالہ : گوجرانوالہ کے کھیتوں سے ساٹھ سالہ شخص کی تشدد زدہ لاش برآمد ہوئی ہے جس کے بعد مقتول کے ورثا نے ضلعی پولیس دفتر کے باہر نعش رکھ کر احتجاج کیا جب کہ آر پی آو نے قتل کی تحقیقات کا حکم دے دیا ہے۔

تفصیلات کے مطابق کینٹ کے رہائشی محنت کش محمد یاسین کی تشدد زدہ لاش کھیتوں سے برآمد ہوئی جس پر لواحقین نے لاش کو آر پی آوآفس کے باہر رکھ کر احتجاجی مظاہرہ کیا۔

وسیم کا کہنا تھا کہ آٹھ ماہ علاقہ کے با اثر زمینداروں نے اس کی بہن عارفہ کے ساتھ زیادتی کی تھی جس کا مقدمہ مقتول والد یاسین مرحوم کی مدعیت میں درج کیا گیا تھا ۔

مقتول کے بیٹے وسیم نے احتجاج کے دوران الزام لگایا کہ چار ماہ قبل تھانہ کینٹ پولیس نے اسکے والد یاسین کو گرفتار کر کے نا معلوم مقام پر منتقل کیا تھا ، جس کے بعد وہ گرفتاری سے انکاری ہو گئے تھے اور آج ان کی تشدد زدہ لاش کھیتوں سے برآمد ہوئی ہے۔

مقتول کے بیٹے وسیم نے الزام لگایا کہ بہن کے ساتھ زیادتی کرنے والے ملزمان نے پولیس کے ساتھ مل کر اس کے والد کو تشدد کر کے قتل کیا ہے ، بعد ازاں آر پی آو کی جانب سے واقعہ کی تحقیقات کا احکاما ت جاری کیے گئے جس کے بعد مظاہرین پر امن طور پر منتشر ہو گئے۔

گوجرانوالہ : وفاقی وزیر ریلوے خواجہ سعد رفیق نے کہا ہے کہ نواز شریف نے تین سالوں میں ملک کی کایا پلٹ دی ، بلوچستان کو قومی دھارے میں شامل کیا، کراچی میں امن قائم کیا اور ملک کے کونے کونے میں سڑکوں کا جالوں بچھایا جب کہ اس سے قبل لُوٹو اور پھوٹو کی پالیسی تھی۔

یہ بات انہوں نے گوجرانوالہ میں کارکنان سے خطاب کرتی ہوئے کہی، انہوں نے کہا کہ ہم لوہے کے چنے ہیں جو ہمیں چبانے کی کوشش کرے گا ا س کے دانت ٹو ٹ جائیں گے، بلاول کے بابا اور مشرف نے ملک کا ستیا ناس کر دیا اور کنگال پاکستان ہمارے حوالے کیا گیا تھا۔

انہوں نے تحریک انصاف کے سربراہ کی جانب بسے لگائے گئے الزامات کا جواب دیتے ہوئے کہا کہ مریم نواز ہماری چھوٹی بہن ہے باس نہیں ہے اور ہماری جماعت میں بادشاہت نہیں ہے یہاں کارکنان کی سنی جاتی ہے اور اتفاق رائے سے فیصلے ہوتے ہیں یہی وجہ کہ مجھ سے مڈل کلاس سے تعلق رکھنے والے لوگ اسمبلیوں تک پہنچ پاتے ہیں۔

خواجہ سعد رفیق کا کہنا تھا کہ ملک میں ہر طرف دہشت گردی کا راج تھا لیکن ہم نے ہمت کی اور پاک فوج کے ساتھ مل کر ضرب عضب آپریشن کے زریعے دہشت گردوں کا نیٹ ورک توڑا اور ملک میں امن و امان قائم کیا جب کہ اس سے قبل ہر دوسرے روز دھماکے ہوتے تھے۔

انہوں نے کہا کہ ملک تیزی سے ترقی کر رہا ہے ہم ایک دن میں چاردن کا سفر طے کر رہے ہیں اور اب ملک کو رون مستقبل اور خوشحال معاشرہ بننے سے کوئی نہیں روک سکتا ہے قوم نے نوازش ریف کی قیادت میں ترقی کا سفر جاری رکھنے کا فیصلہ کیا ہے اور جو لوگ پاناما پاناما کا شور مچا رہے ہیں انہیں ناکامی کا سامنا کرنا پڑے گا۔

وفاقی وزیر ریلوے نے کہا کہ خان صاحب کسی اور کے ایجنڈے پر کام کر رہے ہیں اور اگرعدالتی فیصلہ ان کی مرضی کا نہ آیا توعمران خان باہر آکر گند ڈالیں گے یہی وجہ ہے کہ وہ عدالت کو دباﺅمیں لانا چاہتا ہے اور اپنی مرضی کے نتائج حاصل کرنا چاہتے ہیں جس کا دور تک امکان نہیں۔

خواجہ سعد رفیق نے مزید کہا کہ ملک دشمنوں کو نواز شریف پسند نہیں کیوں کہ وہ ملک کی ترقی، خوشحالی اور امن و امان کے لیے دن رات محنت کر رہا ہے نواز شریف کا در سب کے لیے کھلا ہے یہ پیپلز پارٹی نہیں کہ 28 سال کا لڑکا بڑوں کی قیادت کرے اور وہ سر جھکا کر کھڑے ہو جائیں اور نہ ہی یہ بنی گالا کا دربار ہے۔

گوجرانوالہ : نامعلوم افراد شادی کی تقریب میں اندھا دھند فائرنگ کر کے دلہن کے بہنوئی کو قتل کر کے بآسانی فرار ہو نے میں کامیاب ہو گئے۔

تفصیلات کے مطابق گوجرانوالہ جی ٹی روڈ پر واقع نجی شادی ہال میں مقامی رہائشی خالد بٹ کی بیٹی کی شادی کی تقریب جاری تھی کہ کالے رنگ کی گاڑی میں سوار نامعلوم افراد نے دلہن کے بہنوئی فیصل پر فائرنگ کر دی جس کے نتیجے میں وہ موقع پر ہی ہلاک ہوگیا۔

اہل خانہ کا کہنا تھا کہ فائرنگ کے وقت شادی ہال کے سیکیورٹی گارڈز بھی موجود تھے تاہم انہوں نے بالکل بھی مزاحمت نہیں کی جس کی وجہ سے فائرنگ کرنے والے بآسانی فرار ہو گئے۔

واردات کی اطلاع ملنے پر پولیس موقع پر پہنچی اور تفتیش کا آغاز کیا تو سیکیورٹی گارڈز نے وقوعہ سے ہی لاعلمی کا اظہار کر دیا جب کہ عینی شاہدین کا کہنا ہے کہ جب حملہ آور آئے اور فائرنگ کی تو اس وقت سیکیورٹی گارڈز گیٹ کے سامنے موجود پارکنگ ایریا میں کھڑے تھے اور گاڑیاں پارک کروا رہے تھے۔

اہل خانہ نے پولیس سے استدعا کی ہے کہ گارڈز غلط بیانی سے کام لے رہے ہیں اس لیے انہیں شاملِ تفتیش کیا جائے جس سے قتل کے اصل کردار اور محرکات سامنے آ سکتے ہیں۔

گوجرانوالہ : ترکی بارڈر پرتاوان کے لیے یرغمال چار افراد کو ترکی بھیجنے والے ایجنٹ کو گرفتار کر لیا گیا ہے، ایجنٹ نے ہوشرباء انکشافات کرتے ہوئے بتایا ہے کہ چاروں افراد کو ترکی میں ہی ایک دوسرے ایجنٹ کو فروخت کردیا ہے جو تاوان کی رقم طلب کررہا ہے۔

تفصیلات کے مطابق پیسے لے کر معصوم لوگوں کو ترکی بھجوانے والے ایجنٹ وسیم بٹ کو حراست میں لے لیا گیا ہے جس نے دوران تفتیش ہولناک انکشافات کرتے ہوئے ایف آئی کو بتایا ہے کہ باغ پورہ کے رہائشی چار افراد فی کس ڈیڑھ لاکھ روپے کے عوض ترکی بھجوایا تھا جہاں کچھ دن اپنے سیف ہاؤس میں رکھ کر وہیں موجود ایک دوسرے ایجنٹ کو فروخت کردیا تھا۔

یہ پڑھیں: ترکی میں اغواء 4 پاکستانیوں پر بہیمانہ تشدد

وسیم بٹ نے مزید بتایا کہ ترکی میں موجود پٹھان ایجنٹ نے ہی چاروں افراد ذیشان، عابد، عرفان اور عدیل کو یرغمال بنالیا ہے اور انہیں تشدد کا نشانہ بنا کر ویڈیو پیغام کے ذریعے اہل خانہ سے دس ہزار ڈالر کا تاوان طلب کر رہا ہے۔

واضح رہے میڈیا میں تشدد زدہ یرغمالی زیشان کی ویٍڈیو منظر عام پر آنے کے بعد ایف آئی حرکت میں آئی تھی اور ڈپٹی ڈائریکٹر خالد انیس نے اپنی ٹیم کے ہمراہ چھاپہ مار کارروائی کرتے ہوئے مغوی زیشان کے کزن سہیل اور افضال کو حراست میں لیا اور ان کی نشاندہی پر ایجنٹ وسیم بٹ کے بھائی لقمان بٹ کو گرفتار کر لیا ہے جس نے متاثرین سے رقوم وصولی کا اقرار کر لیا ہے۔

انسپکٹر ایف آئی اے وقار اعوان نے پریس کانفرنس کرتے ہوئے بتایاکہ ترکی میں مغویوں پر ہونے والے تشدد کے واقعات میں کارروائی کرتے ہوئے گوجرانوالہ سے تین انسانی اسمگلروں افضال، سہیل اور لقمان بٹ کو گرفتار کرلیا ہے جو گذشتہ 13 سالوں سے سادہ لوح شہریوں کو غیر قانونی طریقے سے بیرون ممالک بھجواتا تھا۔

یہ بھی پڑھیں: نوکری کے لیے بیرون ملک جانے والا نوجوان اغوا

انسپکٹر ایف آئی اے نے بتایا کہ وسیم بٹ اس وقت ترکی میں موجود ہے جہاں اس نے اپنا سیف ہاوس بنا رکھاہے اور پاکستان سے آنے والے نوجوانوں کو رقم کی وصولی تک وہیں رکھتا ہے جب کہ وسیم بٹ کا بھائی لقمان بٹ پاکستان میں ترکی جانے والوں کے اہل خانہ سے رقم وصول کرتا ہے۔

رقم موصول ہوتے ہی لقمان بٹ اپنے بھائی وسیم بٹ کو اطلاع کرتا ہے جس کے بعد وسیم بٹ ترکی میں بنے سیف ہاؤس سے لڑکوں کو نکال کر ترکی میں موجود کسی ایجنٹ دوسرے کو ایجنٹ کو فروخت کردیتا تھا۔

انہوں نے مزید بتایا کہ مغویوں کی بازیابی کے لیے ہرممکن کوشش کر ر ہے ہیں اور وزارت داخلہ و خارجہ سے بھی مشاورت جاری ہے جلد ہی نہ صرف یہ کہ مغویوں کو رہا کروالیا جائے گا بلکہ ملزمان بھی قانون کے کٹہرے میں ہوں گے۔