Tag: گوجرانوالہ

لاہور: کائونٹر ٹیررازم ڈپارٹمنٹ نے ایک کارروائی میں کالعدم تنظیم سے تعلق رکھنے والے تین مبینہ دہشت گردوں کو گرفتار کرکے بارودی مواد برآمد کرلیا۔

سی ٹی ڈی ذرائع کے مطابق کارروائی بندر روڈ پر کی گئی جس میں کالعدم جماعت سے تعلق رکھنے والے تین ملزموں ادریس، غلام دستگیر اور طاہر یوسف کو گرفتار کیا گیا ہے جن سے بارودی مواد اور اسلحہ برآمد ہوا ہے۔

ذرائع کے مطابق گرفتار ملزمان سرکاری عمارتوں پر حملوں کی منصوبہ بندی کررہے تھے تاہم انہیں پہلے ہی گرفتار کرکے دہشت گردی کے کسی بھی بڑے واقعے کا پہلے ہی تدارک کرلیا گیا، ملزمان سے تفتیش کاعمل جاری ہے جس کے بعد ان کے دیگر ساتھیوں یا معاونت کرنے والے افراد کی گرفتاری کے لیے چھاپے مارے جائیں گے۔

واضح رہے لاہور سمیت پنجاب میں کالعدم جماعتوں کی حمایت میں خاموش اضافہ ہوا ہے،دیگر صوبوں میں بہ نسبت لاہور میں کالعدم جماعتوں کے قدم زیادہ مضبوط ہیں۔

دوسری جانب پنجاب کے علاقے گوجرانوالہ میں سی آئی اے نےخفیہ اطلاع پر  ایمن آباد دروازے سے بھاری مقدار میں اسلحہ برآمد کرنے کا دعویٰ کیاہے، پولیس کے مطابق برآمد کیا جانے والے علاقہ غیر سے لایا گیا ہے جو تخریب کاری میں استعمال کرنے کے لیے جمع کیا جارہا تھا۔

ڈی ایس پی عمران عباس نے بتایا کہ جائے وقوعہ سے ایک شخص کو گرفتار کیا گیا ہے جس کی شناخت انیس کے نام سے ہوئی ہے، ملزم کے دیگر ساتھیوں کی گرفتاری کے لیے چھاپے مارے جارہے ہیں، کارروائی کے دوران 16 جدید رائفلزم 9 چھوٹے ہتھیار اور 6 ہزار سے زائد گولیاں برآمد کی گئیں ہیں۔

گوجرانوالہ : مری سے لاہور واپس آنے والی مسافر وین کو راہ والی کے قریب ٹریفک حادثہ پیش آیا جس میں‌4 افراد ہلاک اور 10 سے زائد زخمی ہوگئے۔

تفصیلات کے مطابق مسافر وین مری سے لاہور آرہی تھی کہ راہ والی کے قریب تیز رفتاری کے باعث درخت سے ٹکرا گئی جس کے نتیجے میں 4 افراد جاں بحق اور 16 سے زائد مسافر زخمی ہوئے ہیں۔

ریسکیو حکام کے مطابق جاں بحق ہونے والے افراد کی شناخت افضل محمود، ابوبکر، افضل اور نامعلوم فرد کے نام سے ہوئی، جاں بحق اور زخمی ہونے والے تمام افراد کو طبی امداد کے لیے ڈسٹرکٹ اسپتال منتقل کردیا گیا ہے۔

اسپتال انتظامیہ نے بتایا کہ اسپتال آنے والے زخمیوں کو ابتدائی طبی امداد کے بعد روانہ کردیا گیا ہے جبکہ جاں بحق ہونے والے افراد کی نعشوں کو  پوسٹ مارٹم کے بعدلواحقین کے حوالے کیا جائے گا۔

پولیس حکام نے مزید بتایا کہ حادثے کا نشانہ بننے والے تمام افراد دوست ہیں جو عید کی چھٹیاں گزارنے مری گئے ہوئے تھے، حادثے میں بس ڈرائیور بھی شدید زخمی ہے تاہم بس کو تحویل میں لے کر قریبی تھانے منتقل کردیا گیا ہے۔

گوجرنوالہ: گوجرنوالہ پولیس نے کاروائی کے دوران کراچی سے مفرور جعلی ایس ایس پی عمران احمد کو گرفتار کر کے مقدمہ درج کر لیاہے۔

تفصیلات کے مطابق عمران احمد نامی شخص کراچی کے علاقےگلستانِ جوہر کا رہائشی تھا،جو خود کو ایس ایس پی ظاہر کر کے لوگوں سے رقوم بٹورتا تھا،کراچی میں دھوکہ دہی کے کئی کیس میں مطلوب جعلی ایس ایس پی کو آج گوجرانوالہ سے گرفتار کر لیا گیا ہے۔

گوجرانوالہ پولیس کے مطابق جعلی ایس ایس پی عمران احمد کئی عرصے سے گوجرانوالہ میں روپوش تھا،جہاں ایک خفیہ اطلاع پر چھاپہ کر اسے گرفتار کر لیا گیا ہے،اور اس کی گرفتاری کی اطلاع کراچی پولیس کو بھی دے دی گئی ہے،ضابطہ کی کارروائی کے بعد ملزم کو کراچی روانہ کردیا جائے گا۔

کراچی پولیس کا کہنا تھا کہ ملزم کے خلاف تھانی شارع فیصل سمیت دیگر تھانوں میں دھوکہ دہی، رشوت اور دھونس و دھمکی کے مقدمات درج ہیں،ملزم پولیس چھاپوں کے خوف سے کئی ماہ قبل فرار ہو گیا تھا،جس کے بارے میں گوکرانوالہ پولیس کی جانب سے اطلاع آئی ہے کہ ملزم عمران احمد اُن کی تحویل میں ہے۔

جس کے بعد کراچی پولیس ایک ٹیم جعلی ایس ایس پی عمران احمد کو تحویل میں لینے کے لیے جلد گوجرانوالہ روانہ ہو گی،اور اسے تحویل میں لے کر کیفر کردار تک پہنچائے گی۔