سیہون: گورنر سندھ عمران اسماعیل کا کہنا ہے کہ جوکام عمران خان کررہے ہیں وہ گزشتہ ادوارمیں نہیں ہوئے۔
تفصیلات کے مطابق سیہون میں میڈیا سے گفتگو کرتے ہوئے گورنرسندھ عمران اسماعیل نے کہا کہ
یہ تاثر غلط ہے کہ وفاق سندھ کو پیسے نہیں دیتا۔
انہوں نے کہا کہ این ایف سی میں میں جوطے ہوا ہے وہ پیسے ملیں گے، سندھ کے پیسے رکنے کے معاملے پروزیراعظم سے بات کروں گا۔
عمران اسماعیل نے کہا کہ جوکام عمران خان کررہے ہیں وہ گزشتہ ادوارمیں نہیں ہوئے، گزشتہ ادوارمیں قرضے لیے گئے اس لیے خمیازہ بھگت رہے ہیں۔
گورنرسندھ نے کہا کہ صدارتی نظام کی بات ہے تواس سے جمہوریت کو خطرہ نہیں، پاکستان میں صدارتی نظام کی ضرورت ہے تو لایا جائے، قوم صدارتی نظام پر بات کر رہی ہے تو ضروربات کی جائے۔
انہوں نے کہا کہ یہ بات ٹھیک ہے کہ ملکی معاشی صورت حال اچھی نہیں، امید ہے بہت جلد مسائل سے نکل جائیں گے۔
واضح رہے کہ وفاقی وزیر قانون فروغ نسیم کا کہنا ہے کہ صدارتی نظام ریفرنڈم کے ذریعے لایا جا سکتا ہے، اس کے لیے دو تہائی اکثریت سے ترمیم کرنا ہوگی۔
فروغ نسیم کا کہنا ہے کہ وزارت قانون میں فی الوقت صدارتی نظام کے لیے کوئی قانون سازی نہیں ہورہی ہے۔
