کراچی : گورنراسٹیٹ بینک جمیل احمد کا کہنا ہے کہ وژن دوہزار اٹھائیس پلان تیار کرلیا، دو سال میں مہنگائی کی شرح پانچ فیصد پر لائیں گے۔
تفصیلات کے مطابق گورنر اسٹیٹ بینک جمیل احمد نے تقریب سے خطاب کرتے ہوئے کہا کہ آج کا دن ہمارے لیے اہم دن ہے اسٹیٹ بینک کے پچھتر سال مکمل ہوئے ،بانی پاکستان نے اسٹیٹ بینک آف پاکستان کا افتتاح کیا تھا ،ہم نے قائد کے عزم کے ساتھ چیزوں کو آگے لے کر چلے، پچھتر سالوں میں مشکل وقت اور نشیب و فراز کا سامنا رہا۔
جمیل احمد کا کہنا تھا کہ اسٹیٹ بینک کا سپروائزری فریم ورک مضبوط ہے، آٹو میشن وقت کی بچت کررہا ہے، مرکزی بینک کی توجہ آٹو میشن پر ہے، بینکس کو سی آئی بی تک رسائی دی گئی ہے۔
گورنر اسٹیٹ بینک نے کہا کہ ہمارا پہلا ٹارگٹ مہنگائی کو کنٹرول کرنا ہے ،اس وقت انفلیشن ایک بہت بڑا چیلنج ہے، وژن دوہزار اٹھائیس پلان تیار کرلیا ہے، ہم نے ٹارگٹ 5 سے 7 فیصد رکھا ہوا ہے ،دو سال میں مہنگائی کی شرح پانچ فیصد پر لائیں گے۔
ان کا کہنا تھا کہ ہمارا سینٹرل بینک کا فریم ورک عالمی معیار کا ہے ،ہمارا بینکنگ کا قانون کا مقابلہ دنیا کے کسی بھی نظام سے کیا جاتا ہے ،نظام میں قیمتوں کو استحکام کرنا ہے۔
جمیل احمد نے بتایا کہ مانیٹری پالیسی کا فریم ورک ماڈرن ہے ،مانیٹری پالیسی بورڈ میں زیادہ ممبر باہر کے ہیں،اسٹیٹ بینک کی بینکوں کی سپرویزن مضبوط ہوئی ہے ،آٹو میشن کا نظام بہت بہتر ہوا ہے ،جو کام پہلے ہفتوں میں ہوتا تھا وہ دنوں میں ہوتا ہے۔
تقریب کے بعد گورنر اسٹیٹ بینک نے میڈیا سے بات چیت کرتے ہوئے کہا کہ ہمیں 75 سال مکمل ہونے پر نئے نوٹ جاری کیا ،یہ نوٹ اور اس سے پہلے والا نوٹ مارکیٹ میں چل سکے گا، اگلے پانچ سال کا ویڑن رکھا ہے تاکہ بینکاری کا نظام کو مزید مضبوط کیا جاسکے۔
ان کا مزید کہنا تھا کہ ڈالر کی کوئی کارٹیلائزشین نہیں ہے ، امپورٹ کے اوپر پابندی ختم کی گئی ، اب ڈالر کی سپلائی بہتر ہے ، اس وقت ہمارے پاس دو بڑے مسائل ہیں، ایک مہنگائی اور دوسرا عالمی ادائیگیاں ، آئی ایم پروگرام سے یہ مسئلہ حل کرنے میں مدد ملے گی۔
جمیل احمد نے کہا کہ مہنگائی کے نمبر میں کافی بہتر آئے ہیں ،ڈالر ریٹ کا فرق بڑھنے سے ہنڈی حوالہ بڑھا تھا ، ہم نے انٹربنک اور اوپن مارکیٹ کے ریٹ کے فرق کو کم کردیا ،امید ہے اب ترسیلات لیگل چینلز سے آئیں گے۔
گورنر اسٹیٹ بینک جمیل احمد نے صحافیوں سے گفتگو کرتے ہوئے کہا کہ جو بینکس بھی غیرقانونی کاموں میں ملوث ہیں ان کے خلاف ایکشن لیں گے۔
آئی ایم ایف پروگرام کے حوالے سے ان کا کہنا تھا کہ آئی ایم ایف پروگرام کے بعد جو ہمارے انفلوز رکے ہوئے تھے وہ آنا شروع ہوں گے، اب ہماری بیرونی ادائیگیوں میں بہت بہتری آئے گی، ہمیں دو بڑے چیلنجز درپیش ہیں ایک مہنگائی اور دوسرا بیرونی ادائیگیاں، آئی ایم ایف ڈیل کے بعد ان دونوں چیلنجز سے نمٹنا آسان ہوگا۔
