Tag: گورنر اسٹیٹ بینک

کراچی: گورنر اسٹیٹ بینک رضا باقر کا کہنا ہے کہ ڈالر کی قیمت میں اب استحکام آ گیا ہے، ڈالر کی اب کوئی قلت نظر نہیں آتی۔

تفصیلات کے مطابق گورنر اسٹیٹ بینک نے کہا ہے کہ ملک میں اب کرنٹ اکاؤنٹ خسارہ سرپلس میں ہے، ڈالر کی قیمت بھی مستحکم ہو گئی ہے اور قلت بھی نہیں رہی۔

انھوں نے کہا کرنٹ اکاؤنٹ خسارہ بہتر کرنے کے لیے ایکسچینج ریٹ مارکیٹ بیس سپلائی کے تحت چلایا گیا، جس سے خسارہ سر پلس میں آ گیا ہے۔

رضا باقر کا کہنا تھا جولائی سے جاری معاشی بحالی حالیہ مہینوں میں مزید مستحکم ہوئی، اب ایکس چینج ریٹ مستحکم دکھائی دے رہا ہے، ڈالر کی قیمت میں بھی استحکام ہے، آئندہ بیلنس آف پیمنٹ کے لیے زر مبادلہ کو نہیں چھیڑا جائے گا۔

رواں ہفتے مہنگائی میں کتنا اضافہ ہوا؟

دریں اثنا، اسٹیٹ بنک نے شرح سود 7 فی صد پر برقرار رکھنے کا اعلان کر دیا ہے، گورنر اسٹیٹ بینک رضا باقر کہتے ہیں، آئندہ 2 ماہ کے لیے شرح سود کو مستحکم رکھا گیا ہے، مستقبل قریب میں شرح سود اسی سطح پر دیکھ رہے ہیں۔

انھوں نے کہا معاشی حالات بہتر ہونے کے باوجود ہمیں مزید کام کرنا ہوگا، بجلی کی قیمتوں اور غذائی اجناس کی وجہ سے مہنگائی بڑھی، کرونا کے معیشت پر اثرات اب بھی موجود ہیں، رواں مالی سال مہنگائی کی شرح 8 سے 9 فی صد رہنے کی توقع ہے۔

کراچی: گورنر اسٹیٹ بینک رضا باقر کا کہنا ہے کہ رواں سال مہنگائی کی شرح 11 سے 12 فیصد تک رہے گی، مہنگائی کو دیکھتے ہوئے مانیٹری کمیٹی نے پالیسی ریٹ برقرار رکھنے کا فیصلہ کیا۔

تفصیلات کے مطابق کراچی میں گورنر اسٹیٹ بینک رضا باقر نے مانیٹری پالیسی کا اعلان کرتے ہوئے کہا کہ آئندہ 2ماہ کے لیے شرح سود 13اعشاریہ25 فیصد پر برقرار رکھنے کا فیصلہ کیا گیا ہے۔

رضا باقر کا کہنا تھا کہ رواں سال مہنگائی کی شرح 11 سے 12 فیصد تک رہے گی، مہنگائی کو دیکھتے ہوئے مانیٹری کمیٹی نے پالیسی ریٹ برقرار رکھنے کا فیصلہ کیا۔

گورنر اسٹیٹ بینک نے کہا کہ شرح سود میں کمی کے لیے سازگار حالات نہیں ہیں، رئیل انٹرسٹ ریٹ کی بنیاد پر شرح سود میں کمی ممکن نہیں ہے، مہنگائی میں اضافے کی بنیادی وجوہات عبوری ہیں۔

رضا باقر کے مطابق اجناس کی ترسیل میں جزوی مسائل کی وجہ سے مہنگائی بڑھی، مہنگائی میں اضافے کی شرح میں کمی کی توقع ہے،سپلائی کاعمل بہترہونے سے مہنگائی کی شرح میں کمی متوقع ہے۔

گورنر اسٹیٹ بینک نے طویل مدت کے قرضوں کے حجم میں 100 ارب روپے اضافے کا اعلان کرتے ہوئے کہا کہ لانگ ٹرم فنانس سہولت ایکسپورٹرز کے لیے دستیاب ہوگی۔