Tag: گورنر بلوچستان

لاہور: گورنر بلوچستان امان اللہ خان یاسین زئی نے کہا ہے کہ عثمان بزدار عوام کو قریب لانے کے لیے قابل تحسین کردار ادا کر رہے۔

تفصیلات کے مطابق وزیراعلیٰ پنجاب عثمان بزدار اور گورنر بلوچستان امان اللہ خان یاسین زئی کے درمیان ملاقات ہوئی جس میں باہمی دلچسپی کے امور اور بین الصوبائی ہم آہنگی کے فروغ پر تبادلہ خیال کیا گیا۔

اس موقع پر گورنر بلوچستان کا کہنا تھا کہ عثمان بزدار عوام کو قریب لانے کے لیے قابل تحسین کردار ادا کر رہے ہیں،صوبوں میں ہم آہنگی اور تعاون کو مزید بڑھانا وقت کی اہم ضرورت ہے۔

امان اللہ خان یاسین زئی کا کہنا تھا کہ وزیراعلیٰ پنجاب عثمان بزدار کا لوگوں سے مل کر مسائل حل کرنے کا جذبہ قابل تقلید ہے۔

دوسری جانب سردار عثمان بزدار کا کہنا تھا کہ پنجاب اور بلوچستان کے عوام ایک دوسرے سے محبت کا جذبہ رکھتے ہیں،بلوچستان آکر بہت خوشی ہوتی ہے، ہمیشہ یہاں سے محبت ملی ہے۔

وزیراعلیٰ پنجاب کا کہنا تھا کہ دونوں صوبوں کے درمیان صنعت وتجارت کو فروغ دیا جائےگا،بلوچستان،پنجاب کی سرحد پر انڈسٹریل زون بنانے کی تجویز کا جائزہ لے رہے ہیں،پنجاب حکومت نے خیرسگالی کے طور پر بلوچستان میں مختلف منصوبےشروع کیے۔

کوئٹہ: گورنر بلوچستان امان اللہ خان نے کہا ہے کہ حالیہ بارشوں کے باعث بلوچستان میں تباہی کے بعد امدادی سرگرمیوں میں پاک فوج، ضلعی انتظامیہ کی خدمات قابل تعریف ہیں۔

تفصیلات کے مطابق گورنر بلوچستان نے کہا ہے کہ صوبے میں بارش اور سیلاب سے متاثرہ علاقوں کی بحالی کے لیے بر وقت اقدامات کیے گئے، امدادی سرگرمیوں میں پاک فوج اور ضلعی انتظامیہ کی خدمات قابل تعریف ہیں۔

[bs-quote quote=”برف باری کے باعث ہرنائی میں زرغون غر کا زمینی رابطہ 4 دن بعد بھی بحال نہیں ہو سکا۔” style=”style-8″ align=”left”][/bs-quote]

گورنر بلوچستان نے کہا کہ حالیہ بارشوں سے طویل خشک سالی کے منفی اثرات زائل ہو جائیں گے، تاہم مختلف اضلاع میں سیلابی ریلوں سے نقصانات بھی ہوئے۔

دریں اثنا، آصف زرداری نے بلوچستان، کے پی میں بارشوں سے جانی نقصان پر اظہار افسوس کرتے ہوئے کہا ہے کہ وفاق اور صوبائی حکومتیں سیلاب کے متاثرین کی مشکلات دور کرنے کے لیے آگے آئیں۔

ادھر، ہرنائی میں زرغون غر کا زمینی رابطہ 4 دن بعد بھی بحال نہیں ہو سکا ہے، کمشنر سبی زمینی رابطہ بحال کرنے کے لیے زرغون غر کے پہاڑی سلسلے پہنچ گئے۔

یہ بھی پڑھیں:  قلعہ عبداللہ کی تحصیل حرمزئی میں ڈھائی کلو میٹر لمبا شگاف، ڈیم ٹوٹنے کا خطرہ

کمشنر سبی فیصل شاہ نے کہا کہ زرغون غر کا زمینی رابطہ جلد بحال کرنے کی کوشش کر رہے ہیں، شدید برف باری کے باعث رابطہ سڑک بحال کرنے میں وقت لگے گا۔

انھوں نے کہا کہ ڈی سی ہرنائی 24 گھنٹے سے برف ہٹانے کے کام کی نگرانی کر رہے ہیں، انھوں نے کہا کہ زرغون غر میں برف باری سے کوئی جانی نقصان نہیں ہوا۔

کوئٹہ : گورنرسندھ عمران اسماعیل کا کہنا ہے کہ ماضی میں ہمیشہ بلوچستان کو نظرانداز کیا گیا، چاہتے ہیں 5 سال میں بلوچستان سے ناانصافیوں کا ازالہ کیا جائے۔

تفصیلات کے مطابق گورنرسندھ عمران اسماعیل کی گورنر بلوچستان محمد خان اچکزئی سے ملاقات جاری ہے۔ ملاقات میں تحریک انصاف بلوچستان کے صدرسردار یارمحمد رند بھی موجود ہیں۔

اس موقع پرعمران اسماعیل نے کہا کہ سردار یارمحمد رند کی خصوصی دعوت پرکوئٹہ آیا ہوں، بلوچستان میں بھی تبدیلی کا سفرشروع ہوچکا ہے۔

گورنرسندھ نے کہا کہ ماضی میں ہمیشہ بلوچستان کو نظرانداز کیا گیا، چاہتے ہیں 5 سال میں بلوچستان سے ناانصافیوں کا ازالہ کیا جائے، کوشش ہے بلوچستان میں ہماری پالیسی کا مثبت آغاز ہو۔

خیال رہے کہ اس سے قبل گورنر سندھ عمران اسماعیل بغیرپروٹوکول کراچی ایئرپورٹ پہنچے اور مسافروں کے ساتھ لائن میں لگے۔ پی ٹی آئی کے رکن سندھ اسمبلی حلیم عادل شیخ بھی ان کے ہمراہ تھے۔

ترجمان گورنر ہاؤس کے مطابق گورنرسندھ عمران اسماعیل شام کو کوئٹہ سے کراچی واپس روانہ ہوں گے۔

قائد اوراقبال کے خواب کی تعبیرکےلیےکام کریں گے‘ گورنرسندھ

یاد رہے کہ گزشتہ روز مزار قائد پرحاضری کے بعد میڈیا سے گفتگو کرتے ہوئے گورنرسندھ عمران اسماعیل کا کہنا تھا کہ سب سے پہلےحل طلب مسئلہ پانی کا ہے۔

گورنرسندھ کا یہ بھی کہنا تھا کہ پانی کے مسئلے پروزیراعظم سے بھی بات ہوئی ہے، گرین لائن و دیگر رکے ہوئے میگا پروجیکٹ کو دوبارہ شروع کریں گے۔

عمران اسماعیل کا مزید کہنا تھا کہ صوبے کی ترقی اور خوشحالی کے لیے تمام تر اقدامات کروں گا، صوبے کے وسیع تر مفاد میں تمام جماعتوں کوساتھ لے کرچلوں گا۔

واضح رہے کہ دو روز قبل پاکستان تحریک انصاف کے رہنما عمران اسماعیل نے بطور گورنر سندھ عہدے کا حلف اٹھایا تھا۔