Tag: گورنر سندھ

اسلام آباد : سینیٹر فیصل واوڈا کا کہنا ہے کہ گورنر سندھ کاعارضی طورپرسافٹ ویئراپ ڈیٹ ہوگیا اور ان کے نٹ بولٹ بھی ٹائٹ ہوگئے۔

تفصیلات کے مطابق سینیٹر فیصل واوڈا نے اے آر وائی نیوز کے پروگرام خبر مالک کے ساتھ میں گورنر سندھ کامران ٹیسوری کے حالیہ بیانات پر ردعمل دیتے ہوئے کہا ہے کہ گورنر سندھ کا عارضی طور پر ’’سافٹ ویئر اپ ڈیٹ‘‘ ہوگیا ہے اور ان کے ’’نٹ بولٹ‘‘ بھی ٹائٹ ہوگئے ہیں۔

انہوں نے مزید کہا کہ بھائی تو نہیں آرہے لیکن اب بھائی بھائی ہوگیا ہے۔

سینیٹر واوڈا کا کہنا تھا کہ ان کی رائے میں آئینی اور سرکاری عہدوں کے لیے ’’مینٹل ٹیسٹ‘‘ بھی لازمی ہونا چاہیے تاکہ ایسے عہدوں پر صرف موزوں افراد ہی فائز ہوں۔

انھون نے بانی پی ٹی آئی کے بارے میں کہا کہ اگر وہ معافی مانگ لیتے ہیں تو یہ ایک نیا سسٹم شروع ہو جائے گا جو مستقبل کی سیاست پر اثر انداز ہوگا۔

سینیٹر واوڈا کا کہنا تھا کہ این ایف سی ایوارڈ میں تبدیلی کی ضرورت ہے اور ملک میں ایڈمنسٹریٹیو صوبے بنانا بھی وقت کی اہم ضرورت ہے تاکہ انتظامی امور بہتر طریقے سے چلائے جا سکیں۔

(11 اگست 2025) گورنر سندھ کامران ٹیسوری حیدرآباد میں میوزک کنسرٹ کے بعد معروف گلوکار علی ظفر کے ہمراہ ڈھابے پر جا پہنچے۔

اے آر وائی نیوز کے مطابق گورنر سندھ کامران ٹیسوری نے ایک بار پھر عوامی انداز اختیار کیا اور حیدرآباد میں معرکہ حق جشن آزادی کے کامیاب گرینڈ میوزک کنسرٹ کے بعد کراچی واپسی سے قبل معروف گلوکار علی ظفر کو لے کر ایک ڈھابے پر جا پہنچے۔

اس موقع پر ڈاکٹر فاروق ستار اور ایم کیو ایم کے دیگر رہنما بھی ان کے ہمراہ موجود تھے۔ گورنر سندھ نے گلوکار کے ہمراہ ڈھابے پر چائے پی اور چوکر کی روٹی کھائی۔

فارروق ستار نے بتایا کہ چوکر کی روٹی نہ صرف ذائقہ دار بلکہ نظام ہاضمہ کے لیے بھی بہترین ہوتی ہے۔

واضح رہے کہ ایم کیو ایم کی جانب سے معرکہ حق جشن آزادی کے سلسلے میں حیدرآباد کے علاقے لطیف آباد میں باغ مصطفیٰ گراؤنڈ میں میوزیکل کنسرٹ کا اہتمام کیا گیا تھا۔

اس میوزیکل کنسرٹ میں عالمی شہرت یافتہ راحت فتح علی خان، علی ظفر سمیت دیگر نے اپنے فن کا مظاہرہ کیا اور شہریان حیدرآباد کو محظوظ کیا۔

گورنر سدھ کامران ٹیسوری نے لیاری بغدادی میں 6 منزلہ عمارت گرنے سے جاں بحق افراد کے لواحقین کو پلاٹ دینے کا اعلان کیا ہے۔

اے آر وائی نیوز کے مطابق گورنر سندھ کامران ٹیسوری نے آج لیاری بغدادی کا دورہ کیا اور متاثرین سے ملاقات کی۔ اس موقع پر متاثرین نے اپنی حالت زار سے متعلق گورنر سندھ کو آگاہ کیا۔

اس موقع پر کامران ٹیسوری نے سانحہ لیاری میں جاں بحق افراد کے لواحقین کے لیے 80 گز کے پلاٹ دینے کا اعلان کرنے کے ساتھ متاثرین کو راشن اور روزگار کے لیے رکشے دلانے کا بھی اعلان کیا۔

انہوں نے کہا کہ جن سے گھر خالی کرائے جا رہے ہیں۔ وہ بھی اپنی رجسٹریشن کرائیں۔ جن لوگوں کو بلڈنگوں سے نکالا ہے انکے لیے بات کروں گا، دیکھتا ہوں کیا ہوسکتا ہے۔

کامران ٹیسوری کا یہ بھی کہنا تھا کہ صوبائی حکومت نے سانحہ لیاری پر کمیٹی بنائی ہے، جو اچھی بات ہے۔ لیکن فوری ریلیف کے لیے سندھ حکومت متاثرین کو 6 ماہ کا کرایہ اور گھر لے کر بھی دے۔

View this post on Instagram

A post shared by ARY News (@arynewstv)

گورنر سندھ نے متاثرین کی دلجوئی کرتے ہوئے کہا کہ آپ کو اکیلا نہیں چھوڑیں گے۔ میرے دروازے آپ لوگوں کے لیے کھلے ہیں، جب چاہیں آ جائیں۔ اس کے علاوہ متاثرین کے لیے ہیلپ لائن قائم کر دی ہے، جس پر مجھ سے رابطہ کیا جا سکتا ہے۔

واضح رہے کہ گزشتہ دنوں لیاری بغدادی میں 6 منزلہ عمارت گرنے کے نتیجے میں 27 افراد جاں بحق جب کہ 8 زخمی ہوئے تھے۔

کراچی، لیاری میں عمارت گرنے کا واقعہ، ریسکیو آپریشن مکمل، 27 لاشیں نکال لی گئیں

اس سانحے کے متاثرین میں جمعہ خان نامی ایک بدنصیب شخص بھی ہے جس نے اپنے پورے خاندان کو کھو دیا ہے۔

https://urdu.arynews.tv/lyari-incident-jumma-khan-loses-entire-family/

کراچی : گورنر سندھ کامران ٹیسوری کا کہنا ہے کہ کراچی میں پانی ہے اور نہ ہی بجلی ہے لگتا ہے ہم چاند پر رہ رہے ہیں۔

تفصیلات کے مطابق گورنر سندھ کامران ٹیسوری نے گورنر ہاؤس کراچی میں تقریب سے خطاب کرتے ہوئے کہا کہ ایسا لگ رہا ہے کراچی والے چاند پر رہے رہے ہیں ، کیونکہ وہاں بھی پانی ، بھی گیس نہیں اور کراچی کی عوام کو بھی یہ تین چیزیں میسر نہیں ، اب تو ان کے بغیر جینے کی عادت بن چکی ہے۔

گورنر سندھ کا کہنا تھا کہ اللہ نے دس مئی کو پاکستان کو اس خطے میں کتنی بڑی کامیابی سے نوازا ، طاقت ، وسائل اور ٹیکنالوجی میں ہم سے زیادہ بڑا ملک لیکن جب اللہ کی لاٹھی چلی تو اسکا غرور خاک میں مل گیا ، یہ سب اللہ کی مدد و نصرت کی وجہ سے ہوا

انھوں نے کہا کہ چوبیس کڑور لوگوں کو اللہ کا شکر ادا کرنا چاہیے کہ ہم ایک آزاد اسلامی ملک میں سانس لے رہے ہیں۔

کامران ٹیسوری کا مزید کہنا تھا کہ صوبے کے عوام سے محبت کرتا رہوں گا اور حق اور سچ کی آواز بنتارہوں گا، مجھےتو ہٹانے کی متعدد بارکوششیں کیں گئیں، ہمیں ایمان یقین محکم پرعمل پیراہ ہونا ہے، عزتوں کا مالک اللہ تعالی ہے۔

انھوں نے بتایا کہ گورنرہاوس کے پاس کوئی بجٹ نہیں ہے لیجن تین ہزار اسکولز کے بچوں کاناشتہ بھجوایاجاتاہے ، گورنرہاوس میں پچاس ہزار بچے آئی ٹی کی تعلیم حاصل کررہے ہیں، چوری شدہ بائک کے متبادل نئی موٹربائیک دی گئیں۔

گورنر سندھ نے کہا کہ کیا ہم سچے امتی ہیں؟ اللہ تعالی نے مجھے بارہ ربیع الاول کے دن گورنرکےمنصب پرفائزکیا۔