Tag: گورنر سندھ

کراچی: گورنر سندھ عمران اسماعیل نے کہا ہے کہ نیشنل ایکشن پلان پر من و عن عمل ہورہا ہے، سندھ میں وزیر داخلہ کی تقرری کو لازمی سمجھتا ہوں۔

تفصیلات کے مطابق گورنر سندھ عمران اسماعیل نے کراچی میں فائرنگ سے ہلاکتوں پر میڈیا سے گفتگو کرتے ہوئے کہا کہ مولانا تقی عثمانی پہلے بھی سیکیورٹی خدشات کا اظہار کرچکے ہیں، ڈرائیور، اہلکارنے زخمی ہونے کے باوجود بہادری دکھائی۔

انہوں نے کہا کہ آئی جی سندھ سید کلیم امام اور ڈی جی رینجرز سندھ میجر جنرل محمد سعید بہترین کام کررہے ہیں، صوبائی حکومت اپنے معاملات بہتر جانتی ہے، سندھ حکومت کو اختیار ہیں مگر آئی جی سندھ کو بھی اختیار ملنا چاہئے۔

گورنر سندھ نے کہا کہ جب تک آئی جی سندھ کے پاس اختیارات نہیں ہوں گے وہ اپنا کام درست نہیں کرپائیں گے، پی ایس ایل کے حوالے سے انہوں نے کہا کہ پاکستان سپر لیگ پر بھارت اور کچھ نادیدہ قوتیں خوش نہیں ہیں۔

مزید پڑھیں: کراچی میں فائرنگ ، مفتی تقی عثمانی قاتلانہ حملےمیں محفوظ رہے

واضح رہے کہ نماز جمعہ سے قبل کراچی میں فائرنگ کے دو واقعات پیش آئے تھے نیپا چورنگی کے قریب مولانا تقی عثمانی کی گاڑی پر فائرنگ کے نتیجے میں دو سیکیورٹی گارڈز جاں بحق ہوگئے تھے جبکہ مولانا تقی عثمانی حملے میں محفوظ رہے تھے۔

فائرنگ کا دوسرا واقعہ شاہراہ فیصل نرسری کے قریب پیش آیا تھا جہاں دارالعلوم کی گاڑی کو نشانہ بنایا گیا تھا جس کے نتیجے میں 2 افراد زخمی ہوگئے تھے۔

مفتی تقی عثمانی اپنی اہلیہ اور دو پوتوں کے ہمراہ گلشن اقبال میں واقع مسجد بیت المکرم میں نماز جمعہ کا خطبہ دینےکے لیے جارہے تھے کہ یہ سانحہ رونما ہوا۔ سانحے میں مفتی شہاب کے بیٹے مولانا عامر شہاب اللہ شدید زخمی ہوئے ہیں۔

اسلام آباد: صدر مملکت عارف علوی نے کہا ہے کہ پی آئی اے میں ترقی کا سفر جاری رہے گا، پی آئی اے کو جلد منافع بخش ادارہ بنائیں گے، وہ دن دور نہیں جب قومی ایئرلائن جلد منافع بخش ادارہ بن جائے گا۔

تفصیلات کے مطابق صدر مملکت عارف علوی نے پی آئی اے ہیڈ آفس کا دورہ کیا اس موقع پر پی آئی اے کے صدر و چیف ایگزیکٹو آفیسر ایئر مارشل ارشد ملک نے صدر مملکت اور گورنر سندھ عمران اسماعیل کا استقبال کیا اور انہیں پی آئی اے کے بارے میں تفصیلی بریفنگ دی۔

صدر مملکت عارف علوی نے کہا کہ حکومت پی آئی اے کی حالیہ کارکردگی سے مطمئن ہے، ایئر مارشل ارشد ملک کے جذبے کو قدر کی نگاہ سے دیکھتے ہیں، پی آئی اے کی نجکاری نہیں ہوگی۔

انہوں نے کہا کہ پی آئی اے کو جلد منافع بخش ادارہ بنائیں گے، تمام امور میں میرٹ برقرار رکھا جائے، سفارشی کلچر کا خاتمہ کیا جائے، پی آئی اے قومی ادارہ ہے اس کی ترقی چاہتے ہیں۔

عارف علوی نے کہا کہ قومی ایئرلائن واحد ایئرلائن ہے جس نے دنیا کی بعض ایئرلائنز کو بنایا، پی آئی اے کی بحالی کیلئے ہر ممکن اقدام کریں گے، وزیر اعظم عمران خان کا ویژن ہے کہ پی آئی اے کو اس کا کھویا ہوا مقام واپس دلائیں۔

پی آئی اے کو درپیش پانی اور بجلی کے مسائل حل کرنے کے لیے گورنر سندھ عمران اسماعیل نے واٹر بورڈ اور کے الیکٹرک کو خصوصی ہدایت دی۔

پی آئی اے کے سی ای او ایئرمارشل ارشد ملک نے صدر مملکت عارف علوی اور گورنر سندھ عمران اسماعیل کا شکریہ ادا کیا۔

کراچی: گورنر سندھ عمران اسماعیل نے کہا ہے کہ وزیراعٓظم سے معذور افراد کے لیے پروگرام کی درخواست کروں گا، معذور افراد کے کوٹہ پر عمل درآمد ضروری ہے۔

تفصیلات کے مطابق گورنر سندھ عمران اسماعیل نے گورنر ہاؤس میں منعقدہ خصوصی تقریب سے خطاب کرتے ہوئے کہا کہ وزیراعظم عمران خان سے معذور افراد کے لیے پروگرام پر بات کروں گا، پروگرام کے ذریعے معذور افراد کی مدد کرنا چاہتے ہیں۔

گورنر سندھ نے کہا کہ معذور افراد صلاحیتوں میں کسی سے کم نہیں ہیں، بدقسمتی سے ہم معذور افراد کا ٹیلنٹ استعمال نہیں کرتے، معذور افراد کو روزگار کی فراہمی یقینی بناؤں گا۔

گورنر سندھ عمران اسماعیل نے کہا کہ عمران خان کو نیا پاکستان بنانے کا اللہ نے موقع دیا ہے، آنے والا دور سنہرا ہے آپ بھی دیکھیں گے اور ہم بھی دیکھیں گے۔۔

انہوں نے کہا کہ قائد اعظم کے بعد کوئی لیڈر پاکستان میں ہے تو وہ عمران خان ہیں، معذور افراد کا کوٹا 2 فیصد ہو یا 50 فیصد عمل نہ ہو تو کوئی فائدہ نہیں ہے۔

معذور افراد سندھ حکومت پر برس پڑے

دوسری جانب گورنرہاؤس میں تقریب کے موقع پر معذور افراد سندھ حکومت پر برس پڑے، معذور افراد کا کہنا تھا کہ ہر ضلع میں صرف 4 نوکریاں دے کر بے وقوف بنایا جاتا ہے، معذور افراد کے کوٹے کا قانون بن گیا مگر عمل نہیں ہوتا۔

متاثرین کا کہنا تھا کہ ہمیں معذور سمجھ کر اسپتالوں تک محدود کیا جاتا ہے، ہمارے کوٹے پر 1981سے حق مارا جاتا ہے، عابد لاشاری کہتے ہیں سندھ حکومت نے پانچ فیصد کوٹا مختص کیا ہے۔