کئی دنوں سے ایک دوسرے پر لفظی گولہ باری کے بعد آخر کار جب میئر کراچی گورنر ہاؤس پہنچے تو گورنر سندھ کامران ٹیسوری اور مئیر کراچی مرتضیٰ وہاب گلے ملے، انھوں نے ایک دوسرے سے ہاتھ بھی ملایا۔
گورنر سندھ اور میئر کراچی میں سیز فائر کیسے ہوا؟ اس ویڈیو رپورٹ میں دیکھیں۔
کراچی : گورنر سندھ کامران ٹیسوری نے کہا ہے کہ مرتضیٰ وہاب کو میری مرسڈیز پر اعتراض ہے تو کیا وہ خود چنگچی پر آفس جاتے ہیں؟
کراچی میں میڈیا سے گفتگو کرتے ہوئے گورنر سندھ نے میئر کراچی پر کڑی تنقید کرتے ہوئے کہا کہ صرف نیوز کانفرنسز کرتے ہیں کوئی کام بھی کرلیں، کبھی افطار تو کبھی شہداء کے اہل خانہ کی مدد پر تنقید سن رہا ہوں۔
انہوں نے کہا کہ مرتضٰی وہاب کو پڑھا لکھا آدمی سمجھتا تھا لیکن انہوں نے بہت چھوٹی بات کی ہے، مجھے کہا کہ بڑی گاڑی میں آتا ہوں، تو آپ کیا چنگچی میں آتے ہو؟
اس موقع پر انہوں نے مرتضی وہاب کو موٹر سائیکل پر ساتھ بیٹھ کر کراچی کا چکر لگانے کی پیشکش کردی۔ انہوں نے کہا کہ آئیں پورا شہرگھومتے ہیں، میں بائیک چلاؤں گا آپ پیچھے بیٹھ جائیں۔
کامران ٹیسوری نے کہا کہ لاشوں پر سیاست نہیں ہونی چاہیے، کسی کی ذات، قومیت کا مسئلہ نہیں، لاشوں پر سیاست نہیں ہوگی ہم نے شہر سے ٹریفک حادثات کو ختم کرنا ہے، کراچی میں رہنے والے ہر شہری کا مقدمہ میں لڑ رہا ہوں۔
واضح رہے کہ گورنر سندھ نے وزیراعظم شہباز شریف سے صوبے کیلیے100 ارب روپے کی گرانٹ مانگ لی۔
اس سلسلے میں کامران ٹیسوری نے وزیراعظم شہباز شریف کو خط لکھا، میئر کراچی کی جانب سے منصوبوں کی فہرست بھی ارسال کردی گئی ہے۔
اسلام آباد: وزیر اعظم شہباز شریف نے سندھ اور خیبرپختونخوا کے گورنرز کو ٹیلی فون کیا اور عید کی مبارک باد دی ہے۔
تفصیلات کے مطابق وزیر اعظم شہباز شریف نے گورنر سندھ کامران خان ٹیسوری کو عیدالفطر کی مبارک باد دی اور نیک خواہشات کا اظہار کیا، اور کہا سندھ کی ترقی سے ہی پاکستان کی ترقی جڑی ہے، سندھ کے عوام کی فلاح و بہبود حکومتی ترجیحات کا حصہ ہیں۔ دونوں رہنماؤں نے ملک کی مجموعی اور سیاسی صورت حال پر بھی تبادلہ خیال کیا۔
وزیر اعظم شہباز شریف نے گورنر کے پی فیصل کریم کنڈی کو ٹیلی فون کر کے عید کی مبارکب اد دی اور نیک خواہشات کا اظہار کیا۔ گورنر فیصل کریم کنڈی نے وزیر اعظم کا شکریہ ادا کیا، اور کہا کے پی عوام وفاق کے ساتھ مل کر ترقی و خوش حالی کے لیے پرعزم ہیں۔
وزیر اعظم شہباز شریف نے گورنر گلگت بلتستان، اور وزیراعظم آزاد کشمیر کو بھی ٹیلی فون کیا اور عید کی مبارک باد دی، شہباز شریف نے گفتگو میں ملکی ترقی اور عوامی فلاح کے لیے مل کر کام کرنے کےعزم کا اظہار کیا۔
گورنر پنجاب سردار سلیم حیدر خان سے ٹیلیفونک رابطے میں وزیر اعظم نے عید کی مبارک باد دی۔
کراچی : گورنر سندھ کامران ٹیسوری نے ٹینکر مافیا کیخلاف اعلان جنگ کردیا ان کا کہنا ہے کہ ٹینکر مافیا کا جینا حرام کردوں گا۔
کراچی کے علاقے ملیر ہالٹ میں ٹینکر کی ٹکر سے میاں بیوی اور نوزائیدہ بچے کی ہلاکت کی خبر پر گورنر سندھ نے شدید برہمی اور غم و غصے کا برملا اظہار کیا۔
گورنر ہاؤس میں افطار پارٹی کے خطاب کرتے ہوئے انہوں نے کہا کہ کراچی میں آج بھی ٹینکر نے 3افراد قتل کردیے، اس حوالے سے قانون سازی ہونی چاہیے۔
کامران ٹیسوری کا کہنا تھا کہ کراچی میں ’ٹریفک گردی‘ کے خلاف مؤثر آواز بلند کررہا ہوں، لیکن میری باتوں سے کئی لوگوں کو تکلیف ہورہی ہے۔
گورنر سندھ نے کہا کہ سوشل میڈیا پر میرے خلاف پروپیگنڈا کیا جارہا ہے، ڈمپراور ٹینکر مافیا کان کھول کر سن لے میں ان کا جینا حرام کردوں گا، اس مافیا کے خلاف عوامی عدالت میں فیصلہ کروں گا۔
واضح رہے کہ کراچی کے علاقے ملیر ہالٹ کے قریب واٹر ٹینکر کی موٹر سائیکل کو ٹکر سے حاملہ خاتون شوہر سمیت جاں بحق ہوگئی، جنم لینے والا نومولود بھی دم توڑ گیا۔
پولیس کے مطابق شوہر کے ساتھ موٹر سائیکل پر سوار خاتون حاملہ تھی جس نے زخمی حالت میں بچے کو جنم دیا تاہم بچہ بھی دم توڑ گیا۔
کراچی : گورنر سندھ کامران ٹیسوری نے مئیر کراچی کے بیان پر اپنا ردعمل دیتے ہوئے کہا ہے کہ مرتضیٰ وہاب مجھ سے حسد نہ کریں۔
گورنر ہاؤس میں افطار ڈنر کی تقریب کے موقع پر گفتگو کرتے ہوئے گورنر سندھ نے کہا کہ مئیر کراچی مخالفت برائے اصلاح کریں لیکن لوگوں کی محبت دیکھ کر مجھ سے حسد نہ کریں۔
ان کا کہنا تھا کہ زبان خلق سے حسد کی بجائے خدمت سے عوام کا دل جیتنے کی کوشش کریں، میں نے ماہ رمضان میں خود کو سحر و افطارمیں لوگوں کی خدمت کیلئے وقف کر رکھا ہے۔
کامران ٹیسوری نے کہا کہ آج سعودیہ، ایران، عمان اور دیگر ممالک کے قونصل جنرلز کو افطار کرایا، عوام کی خدمت کے ساتھ ثواب حاصل کرنے کا مجھے موقع مل رہا ہے۔
گورنرسندھ کا مزید کہنا تھا کہ میں نے اس ماہ رمضان میں یہ ثابت کیا ہے کہ کراچی کے تمام شہری مجھے یکساں عزیز ہیں، مہاجر ہی نہیں سندھی، پنجابی، بلوچ اور پٹھان سب مجھے اپنا بھائی اور بیٹا سمجھتے ہیں۔
یاد رہے کہ میئر کراچی نے اپنے بیان میں سوال کیا تھا کہ گورنر صاحب 100 ارب لے کر کب آ رہے ہیں، ہم کام کرنے کیلیے ساتھ کھڑے ہو جائیں؟ وعدے اور اعلان نہیں کراچی کیلیے پیسے چاہئیں۔
انہوں نے کہا کہ مسئلہ تب حل ہوگا جب 100 ارب روپے کے ایم سی کے اکاؤنٹ میں آئیں گے، مجھے پیسے ملیں گے تو گورنر کو سلام پیش کروں گا۔
واضح رہے کہ گورنر ہاؤس کے باہر بچوں اور فیملیز کے لیے عید فیسٹیول کا میدان سج گیا، گورنر ہاؤس ، ایوان صدر روڈ اور میٹروپول روڈ کو دلہن کی طرح سجا دیا گیا ہے۔
اس موقع پر بچوں کے لیے فری تفریح کے مواقع فراہم کیے گئے ہیں جس میں جمپنگ کیسٹل ، جھولے، ریل گاڑی کے علاوہ خواتین کے لیے مہندی لگانے اور چوڑیوں کے اسٹال بھی لگائے جائیں گے۔
فیسٹیول آج سے عید کی تین دن تک جاری رہے گا، شہریوں کے لیے کھانے پینے کے اسٹال بھی لگائے جائیں گے، عید فیسٹیول تمام شہریوں کے لیے بلکل فری ہے۔
یوم پاکستان پر کراچی میں اہم شخصیات نے مزار قائد پر حاضری دی اور بابائے قوم کو خراج عقیدت پیش کیا جن میں کامران ٹیسوری ، وزیر اعلیٰ سندھ سید مراد علی شاہ اور سندھ کابینہ کے دیگر وزرا شامل ہیں۔
85 ویں یوم پاکستان کے موقع پر گورنر سندھ کامران ٹیسوری اور وزیراعلیٰ مراد علی شاہ نے مزار قائد پر حاضری دی، فاتحہ خوانی کی اور پھول بھی چڑھائے۔
اس موقعے پر وزیر اعلیٰ سندھ مراد علی شاہ نے کہا کہ پاکستان میں ہر شخص کو مذہبی آزادی حاصل ہے، پاکستان میں ہم سب بھائیوں کی طرح رہتے ہیں، آج کا دن بھائی چارے اور ایک دوسرے سے تعاون کا درس دیتا ہے۔
انہوں نے کہا کہ اپنے رہنماؤں کی قربانیوں کو کبھی فراموش نہیں کریں گے، پاکستان کو امن کا گہوارہ بنائیں گے، پاکستان کی معاشی ترقی کیلئے ہم سب نے ملکر کام کرنا ہے۔
وزیراعلیٰ سندھ نے کہا کہ جعفر ایکسپریس، قلات، نوشکی، بنوں میں واقعات ہوئے ہیں، قومی سلامتی پارلیمانی کمیٹی کا اجلاس بھی کیا گیا، پی ٹی آئی کا قومی سلامتی کی پارلیمانی کمیٹی اجلاس میں شرکت نہ کرنا افسوس ناک ہے، بانی پی ٹی آئی بھی اپنی حکومت میں سلامتی کمیٹی اجلاس میں شرکت نہیں کرتے تھے۔
دوسری جانب گورنر سندھ کامران ٹیسوری نے کہا کہ دعا ہے اللہ تعالیٰ پاکستان کو رہتی دنیا تک قائم رکھے، لگتا ہے پاکستان کی قدر کھوتے جارہے ہیں، اللہ سب کی زندگی میں اتحاد کے ساتھ احساس بھی پیدا کرے۔
گورنر سندھ نے کہا کہ اللہ سب کو اس ملک میں رہتے ہوئے اس کی خدمت کی توفیق فرمائے، ملک میں آزادی سے رہ تو رہے ہیں، معاشی اور معاشرتی مسائل سے گزر رہے ہیں، دشمن چاہتا ہے ہم سے کوئی ایک غلطی ہو وہ ہمیں معاشی طور پر غیر مستحکم کرسکے۔
گورنر سندھ کامران ٹیسوری نے میئر کراچی کو چیلنج کیا ہے کہ وہ 100 ارب کے ترقیاتی منصوبوں کی سمری لائیں تو وہ وفاق سے رقم دلوا دیں گے۔
گورنر سندھ کامران ٹیسوری اور میئر کراچی مرتضیٰ وہاب میں لفظی گولہ باری جاری ہے۔ گزشتہ روز مرتضیٰ وہاب کے ایک بیان کا جواب دیتے ہوئے گورنر سندھ نے کہا کہ میئر کراچی کو جو اختیار چاہیے میں آئینی سربراہ کی حیثیت سے لیٹر جاری کر کے دوں گا۔
گورنر سندھ نے افطار ڈنر کے موقع پر گفتگو کرتے ہوئے مرتضیٰ وہاب کو چیلنج دیتے ہوئے کہا کہ میئر کراچی کل 100 ارب کے ترقیاتی منصوبوں کی سمری میرے پاس لائیں تو میں وفاق سے انہیں یہ رقم دلوا دوں گا۔
کامران ٹیسوری نے کہا کہ جب تک عوامی مسائل حل نہیں ہوتے، تب تک گورنر ہاؤس میں عوامی عدالت لگتی رہے گی۔
دریں اثنا گورنر ہائوس میں سجے گرینڈ دستر خوان کے گیارھویں افطار ڈنر کی تقریب میں اسلامی ممالک کے قونصل جنرلز اور مختلف جامعات کے طلبہ شریک ہوئے جب کہ معروف کاروباری شخصیات بھی مہمان بنیں۔ شرکا نے گورنر کے اس اقدام کو حکمرانوں کے لیے رول ماڈل قرار دیا۔
اس موقع گورنر سندھ نے شریک بچوں میں عیدی جبکہ لکی ڈرا کے ذریعہ عمرے کا ٹکٹ اور 120 گز کا پلاٹ بھی دیا۔ اس کے علاوہ کامران ٹیسوری نے گورنر ہاؤس کے باہر شہریوں اور بچوں کے لیے مفت جھولے، گھڑ سواری کا انتطام اور چاند رات کو خواتین کے لیے مہندی اور چوڑیاں دینے کا اعلان بھی کیا۔
لندن : گورنر سندھ کامران ٹیسوری نے کا بھارت کیخلاف کامیابی پر قومی ٹیم کو ایک کروڑ روپے دینے کا اعلان کیا ہے۔
یہ بات انہوں نے لندن میں میڈیا سے گفتگو کرتے ہوئے کہی، انہوں نے کہا کہ میں لندن میں موجود ہوں لیکن میری دعائیں اور دل پاک بھارت ٹاکرے پر لگاہوا ہے۔
کامران ٹیسوری کا کہنا ہے کہ مجھ سمیت پوری قوم اپنی ٹیم کی جیت کے لئے دعاگو ہے، کھلاڑی اپنی پوری لگن سے کھیلیں، جیت انشاءاللہ ہماری ہوگی۔
گورنر سندھ نے کہا کہ ان شااللہ کل قومی ٹیم پاکستان کا سر فخر سے بلند کرے گی، انہوں نے قومی ٹیم کے کھلاڑیوں سے اپیل کی کہ کل پورا زور لگا دیں، اللہ تعالیٰ ہماری مدد فرمائے گا۔
ان کا مزید کہنا تھا کہ قومی ٹیم ہمارے سر کا تاج ہے، جیتو یا ہارو ہم آپ کو ہمیشہ اپنے گلے سے لگائیں گے۔
محسن نقوی نے صحافیوں سے گفتگو میں کہا کہ بھارت کے خلاف اچھا مقابلہ ہوگا قومی ٹیم پوری طرح تیار ہے، ان شاء اللہ کل کا میچ جیتیں گے۔
چیئرمین پی سی بی نے کہا کہ قومی ٹیم میچ جیتے تو یہ پاکستان کیلیے بڑا انعام ہوگا، ٹیم کو پیغام ہے کہ ہاریں یا جیتیں ہم ان کے ساتھ ہیں۔
یاد رہے کہ چیمپئنز ٹرافی 2025 کے 5ویں میچ میں کل بروز اتوار 23 فروری کو دبئی انٹرنیشنل کرکٹ اسٹیڈیم میں روایتی حریف پاکستان اور بھارت آمنے سامنے ہوں گے۔
کراچی : گورنر سندھ کامران خان ٹیسوری نے سندھ سول کورٹس ( ترمیمی ) بل 2025ء پر سوالات اٹھا کر واپس سندھ اسمبلی بھیج دیا۔
تفصیلات کے مطابق سندھ حکومت کی قانون سازی پر گورنر سندھ نے پھر سوالات اٹھادیئے ، کامران خان ٹیسوری نے سندھ سول کورٹس ( ترمیمی ) بل 2025ء پر اعتراض اٹھا کر مسترد کر دیا۔
گورنر سندھ نے بل پر واپس سندھ اسمبلی بھیج دیا اور کہا کہ آئین کے آرٹیکل 175(2) میں عدالت کا دائرہ اختیار واضح ہے ، ضلعی عدالتیں اپنے دائرہ اختیارات سے تجاوز نہیں کرسکتیں۔ .
کامران ٹیسوری کا کہنا تھا کہ سندھ ہائیکورٹ کا دائرہ اختیار کم کرنا آئین و عدالت امور کے خلاف ہے، تجارتی و مالیاتی مقدمات ضلعی عدالتوں میں منتقل کرنے سے ان پر بوجھ بڑھے گا۔
انھوں نے مزید کہا کہ سندھ ہائیکورٹ میں تجارتی و مالیاتی امور کے ماہرین بہتر فیصلے کرسکتے ہیں۔ گورنر سن
کراچی: گورنر سندھ نے ڈمپر حادثات کو کراچی میں ’ٹریفک گردی‘ سے تعبیر کیا ہے، انھوں نے وزیر بلدیات سعید غنی کے بیان پر افسوس کا اظہار کرتے ہوئے کہا ’’انھوں نے میری ڈمپر والی بات پر مضحکہ خیز بیان دیا، سعید غنی بتائیں ان 70 لوگوں کے گھر والوں کو کیا جواب دوں؟‘‘
آج بدھ کو کراچی میں نجی انرجی کمپنی اور سرسید یونیورسٹی کے درمیان معاہدے کی تقریب میں گورنر سندھ کامران ٹیسوری نے کہا کہ پچھلے دو مہینوں میں ڈمپر سے لوگ مر رہے ہیں، افغانستان سے لائے گئے ڈمپرز بھی شہر میں چل رہے ہیں، لیکن سعید غنی بجائے ان ڈمپر والوں کو پکڑنے کے میرے بیان کا مذاق اڑا رہے ہیں۔
انھوں نے کہا کسی بھی شخص کو قانون ہاتھ میں لینے کی ضرورت نہیں ہے، لیکن جتنی تیزی آفاق احمد کی گرفتاری میں دکھائی گئی ہے اتنی ہی دیگر چیزوں میں بھی دکھائیں۔ کامران ٹیسوری نے کہا سعید غنی کے بیان پر مجھے افسوس ہوا، وہ مجھ پر بعد میں کر لیں تنقید، یہ بتائیں کہ عدالتی احکامات کے باوجود بھی کارروائی کیوں نہیں ہو رہی؟
گورنر سندھ کامران ٹیسوری نے کہا ’’پہلے کراچی میں دہشت گردی تھی اب ٹریفک گردی ہے، قاتل ڈمپر قانون کی خلاف ورزی کر رہے ہیں، دن میں کوئی ڈمپر نہیں چلنا چاہیے، میں پہلے بھی کہہ چکا ہوں، سعید غنی ڈمپر والوں کی گرفتاری میں بھی تیزی دکھائیں۔