Tag: گورنر سندھ

بچوں میں اسکاؤٹ کی اہمیت کو اجاگر کریں، عشرت العباد

کراچی: گورنر سندھ عشرت العبادنے کہا ہے کہ پسماندہ علاقوں میں اسکاؤٹنگ کے فروغ اور اس کی اہمیت کو اجاگر کرنے کے لیے موثر اقدمات کیے جائیں تاکہ وہاں کے بچوں کو منفی سرگرمیوں سے محفوظ رکھا جاسکے۔

تفصیلات کے مطابق گورنر سندھ ڈاکٹر عشرت العباد خان کی صدارت میں سندھ بوائے اسکاؤٹس ایسوسی ایشن کی صوبائی کونسل کا 18واں اجلاس گورنر ہاؤس میں منعقد کیا گیا۔

اس موقع پر اسکاؤٹس ایسو سی ایشن کی گرانٹ بڑھا کر دو کروڑ کی گئی جبکہ آڈیٹر کی آسامی مشتہر کرنے کا فیصلہ کیا گیا، اجلاس میں پروفیسر رئیس علوی کو اعزازی خزانچی جبکہ فرقان احمد یوسفی اور محمد اختر غوری کو ایگزیکٹو کمیٹی کا رکن مقرر کیا گیا۔

علاوہ ازیں محمد صدیق میمن اور سید اختر میر کو مزید دو سال کے لیے بالترتیب صوبائی کمشنر اور سیکریٹری مقرر کرنے کی منظوری بھی دی گئی جبکہ ایسو سی ایشن کو پیش آنے والے مسائل کو حل کرنے کے عزم کا اعائدہ بھی کیا گیا۔

اجلاس سے خطاب کرتے ہوئے گورنر سندھ ڈاکٹر عشرت العباد نے کہا کہ پسماندہ علاقوں میں اسکاؤٹنگ کے فروغ اور اس کی اہمیت کو اجاگر کرنے کے لیے اقدامات کرنے کی ہدایت کرتے ہوئے کہا کہ ’’اسکاؤٹنگ بچوں میں نظم و ضبط، وقت کی پابندی اور اصولوں کی پاسداری پیدا کرتی ہے جبکہ اس سے بچوں کو منفی سرگرمیوں سے بھی محفوظ رکھا جاسکتا ہے۔

اکتوبر 28, 2016
کراچی آپریشن بلا تفریق جاری رہے گا، گورنر سندھ

کراچی: گورنر سندھ ڈاکٹر عشرت العباد نے رات گئے شہر کے مختلف علاقوں کا دورہ کیا۔ اس موقع پر ان کا کہنا تھا کہ کراچی آپریشن بلا تفریق جاری رہے گا۔ کسی جرائم پیشہ کو نہیں چھوڑیں گے۔

گورنر سندھ ڈاکٹر عشرت العباد نے کراچی میں ایمپریس مارکیٹ صدر کے ترقیاتی منصوبے اور شہر کے دیگر علاقوں کا دورہ کیا۔ اس موقع پر انہوں نے میڈیا سے گفتگو کرتے ہوئے کہا کہ کراچی میں بلا تفریق آپریشن جاری رہے گا۔ آخری دہشت گرد کے خاتمے تک کوششیں جاری رکھیں گے۔

انہوں نے بتایا کہ پیپلز پارٹی کے چیئرمین بلاول بھٹو کی خواہش ہے کہ کراچی اور سندھ ترقی کرے۔ کراچی میں اربوں روپے مالیت کے ترقیاتی منصوبوں پر کام جاری ہے۔

گزشتہ دنوں پاک سرزمین پارٹی کے چیئرمین مصطفیٰ کمال اور ان کی جانب سے تند و تیز باتوں کے تبادلے پر ان کا کہنا تھا کہ گزشتہ دنوں کچھ تلخیاں اور سخت باتیں کیں جس کا بے حد افسوس ہے۔ وہ کسی سیاسی بحث میں الجھنا نہیں چاہتے۔

گورنر سندھ کے دورے کے موقع پر ان کے ہمراہ ڈپٹی میئر کراچی ارشد وہرہ، کمشنر کراچی اور دیگر اعلیٰ حکام بھی موجود تھے۔

اکتوبر 22, 2016
عشرت العباد گورنر کے منصب کا اخلاقی جواز کھو چکے، شاہی سید

کراچی: عوامی نیشنل پارٹی سندھ کے صدر شاہی سید نے کہا ہے کہ گورنر سندھ اور مصطفیٰ کمال کے الزامات میں بے گناہوں کا لہو بول رہا ہے مگر ریاست پھر بھی حرکت میں نہیں آرہی۔

تفصیلات کے مطابق میڈیا سے گفتگو کرتے ہوئے سینیٹر شاہی سید نے کہا کہ عوامی نیشنل پارٹی نے کئی بار 12 مئی کے حوالے سے اپنے تحفظات سے آگاہ کیا مگر کسی نے کان نہیں دھرے۔

انہوں نے کہا کہ گورنر سندھ اور مصطفیٰ کمال 12 مئی کے الزامات ایک دوسرے پر عائد کررہے ہیں، اب گھر کے بھیدی خود لنکا ڈھا رہے ہیں مگر ریاست پھر بھی خاموش تماشائی بنی ہوئی ہے۔

پڑھیں: جرم کے ساتھی ایک دوسرے کے راز کھول رہے ہیں، نثار کھوڑو

عوامی نیشنل پارٹی کے صدر کا کہنا تھا کہ کراچی میں قتل کیے جانے والے بے گناہ افراد کا لہو چیخ چیخ کر انصاف مانگ رہا ہے مگر ریاست تحقیقات میں سنجیدہ نظر نہیں آرہی۔ شاہی سید نے مزید کہا کہ عشرت العباد گورنر کے منصب کا اخلاقی جواز کھو چکے ہیں لہذا انہیں چاہیے کہ فوری طور پر مستعفیٰ ہوجائیں۔

دوسری جانب پی پی کے نومنتخب صدر سندھ نےبھی گورنر سندھ اور مصطفیٰ کمال کے بیان پر تبصرہ کرتے ہوئے کہا کہ ’’شہر کراچی کو تعصب کی سیاست اور دہشت گردی نے تباہ کردیا، آج جرم کے ساتھی ایک دوسرے کے راز کھول رہے ہیں‘‘۔

اکتوبر 22, 2016
بانی متحدہ کی حمایت پر گورنر کو گرفتار کیا جائے، مصطفیٰ کمال

کراچی: پاک سرزمین پارٹی کے رہنما مصطفیٰ کمال نے قائد ایم کیو ایم اور گورنر سندھ کو ناسور قرار دیتے ہوئے انہیں پاکستان کی ترقی میں رکاوٹ قرار دے دیا۔

کراچی میں نیوز کانفرنس سے خطاب کرتے ہوئے مصطفیٰ کمال کا کہنا تھا کہ قائد ایم کیو ایم اور گورنر سندھ عشرت العباد پاکستان کے لیے ناسور کی حیثیت رکھتے ہیں۔ جس طرح جسم کی نشونما کے لیے پہلے ناسور کا علاج ضروری ہے اسی طرح پاکستان کی ترقی کے لیے بھی ان ناسوروں کا علاج ضروی ہے ورنہ پاکستان ترقی نہیں کر سکتا۔

انہوں نے کہا کہ گورنر سندھ نے جو کل انٹرویو دیا اس میں انہوں نے کہا کہ آرمی چیف، ڈی جی آئی ایس آئی، ڈی جی رینجرز، کور کمانڈرز اور ہم ایک صفحہ پر ہیں۔

مصطفیٰ کمال کا کہنا تھا کہ ہمارے عسکری ادارے بہترین صلاحیتوں کے حامل ہیں اور انہوں نے شاندار کارکردگی کا مظاہرہ کیا ہے۔ ان کی جانب سے شروع کیے جانے والے آپریشن ضرب عضب کی پوری دنیا میں پذیرائی کی جارہی ہے۔ عشرت العباد کا ان لوگوں کے ساتھ اپنا نام جوڑنے کا مقصد ان کی نیک نامی کے پیچھے اپنے گناہوں کو چھپانا ہے، لیکن ہم انہیں چھپنے نہیں دیں گے۔

مصطفیٰ کمال نے کہا کہ عشرت العباد نے مجھ پر جو الزامات لگائے ہیں وہ ان کی تحقیق کے لیے جے آئی ٹی بنائیں، میں ہر قسم کے تعاون کے لیے تیار ہوں۔انہوں نے الزام لگایا کہ سانحہ 12 مئی میں گورنر کا ہاتھ ملوث ہے جس میں 40 افراد اپنی جانوں سے دھو بیٹھے۔ انہوں نے کہا کہ بلدیہ ٹاؤن کی فیکٹری میں آتش زدگی کے ہولناک سانحے کی بھی دوبارہ تحقیقات کی جانی چاہیئں۔ سیکیورٹی اداروں کو اس کے تانے بانے بھی گورنر ہاؤس سے ملیں گے۔

مصطفیٰ کمال کا کہنا تھا کہ عشرت العباد دوہری شہریت کے حامل ہیں اور ان کے پاس برطانوی پاسپورٹ ہے، یعنی انہوں نے ملکہ برطانیہ کی وفاداری کا حلف اٹھایا ہوا ہے۔ ایسا شخص قومی سلامتی کے حساس اجلاسوں میں شریک ہوتا ہے۔

مصطفیٰ کمال کا کہنا تھا کہ پہلے ہم نے ایک اور اب دوسرے سانپ کو بین بجا کر بل سے باہر نکالا جس کے بعد اللہ تعالیٰ بند کمرے کی باتیں گورنز کی زبان پر لے آیا، انہوں نے کہا کہ گورنر سندھ نے پاکستان مخالف نعرے لگانے والے شخص کو اپنا محسن تسلیم کیا اس بات پر انہیں گرفتار کیا جائے۔

انہوں نے وزیر اعظم سمیت متعلقہ اداروں سے مطالبہ کیا کہ فوری طور پر عشرت العباد کا نام ای سی ایل میں ڈالا جائے اور انہیں گرفتار کیا جائے، ان کا برطانوی پاسپورٹ ضبط کر کے قوم کو دکھایا جائے، اور مجھ پر لگائے گئے الزامات کی جے آئی ٹی بنا کر اور میرے خلاف تحقیقات کی جائیں۔

اکتوبر 20, 2016
پاک چین اقتصادی راہداری ہر حال میں مکمل کی جائے گی، گورنرسندھ

کراچی : گورنر سندھ ڈاکٹرعشرت العبادخان نے کہا ہے کہ پاک چین اقتصادی راہداری پاکستان کی ترقی و خوشحالی کا منصوبہ ہے جسے ہر حال میں مکمل کیا جائے گا تاکہ نئی صنعتوں کے قیام کے ساتھ ملک بھر میں نئی ملازمتوں کو بھی یقینی بنایا جاسکے.

ان خیالات کا اظہار انہوں نے کراچی میں چین کے نئے قونصل جنرل وانگ یو سے گورنر ہاؤس میں ملاقات کے دوران کیا ۔

انہوں نے کہا کہ ہر پاکستانی اس اقتصادی راہداری کی بروقت تکمیل چاہتا ہے غیر ملکی عناصر اس کے خلاف سازشوں میں مصروف ہیں جنہیں کسی صورت کامیاب نہیں ہونے دیا جائے گا۔

انہوں نے کہا کہ سی پیک سے منسلک اور دیگر شعبوں میں کام کرنے والے چینی شہریوں کے تحفظ کے لئے اسپیشل سیکیورٹی یونٹ تشکیل دیا گیا ہے تاکہ وہ بلا خوف و خطر اپنی خدمات جاری رکھ سکیں ۔ انہوں نے کہا کہ صوبہ بھر میں تمام اضلاع کے ڈپٹی کمشنر اور پولیس حکام کو اس ضمن میں خصوصی ہدایات جاری کی گئی ہیں کہ مختلف منصوبوں پر کام کرنے والے چینی انجینئرز کے تحفظ کے فول پروف انتظامات کو یقینی بنایا جائے ۔

انہوں نے کہاکہ چین پاکستان کا نہایت قابل اعتماد دوست ہے جس نے ہر مشکل گھڑی میں بھرپور انداز میں کھل کر پاکستان کا ساتھ دیا ہے یہی وجہ ہے کہ پاکستانی عوام اسے نہایت قدر کی نگاہ سے دیکھتے ہیں۔ انہوں نے کہا کہ پاک چین دوستی ہمالیہ سے بلند اور بحرالکاہل سے گہری ہے جسے سی پیک مزید مستحکم ، مضبوط اور دیرپا بنانے میں مدد دے گی۔

چین کے قونصل جنرل وانگ یو نے کہا کہ چین پاکستان کے ساتھ تعلقات کو خصوصی اہمیت دیتا ہے۔ انہوں نے کہا کہ سی پیک کے باعث کئی چینی کمپنیاں پاکستان آرہی ہیں اور اس کی تکمیل کے قریب قریب مزید چینی کمپنیاں اپنی کاروباری سرگرمیوں کا دائرہ بڑھائیں گی۔ انہوں نے صوبہ میں چینی انجینئرز کے لئے خصوصی انتظامات پر گورنر سندھ کا شکریہ ادا کیا۔

ستمبر 29, 2016
نوجوان ہی ملک کو آگے لے کر جائیں‌گے، گورنر سندھ

کراچی: گورنر سندھ ڈاکٹر عشرت العباد خان نے کہا ہے کہ قائد اعظم نے قوم کو پیغام دیا ہے کہ کڑے وقت میں بھی سرنگوں نہ ہوا جائے، نوجوان اس ملک کا اثاثہ ہیں اور نوجوان ہی اس ملک کو آگے لے کر جائیں‌ گے۔

مقامی ہوٹل میں‌ منعقدہ یوتھ پارلیمنٹ کی تقریب سے خطاب کرتے ہوئے گورنر سندھ نے قوم کو جشن آزادی کی مبارک باد دی اور کہا کہ ہمارے بزرگوں نے جو ہمیں سکھایا اور بانی پاکستان قائد اعظم محمد علی جناح نے ہمیں اتحاد، تنظیم اور یقین محکم کی صورت میں یہی پیغام دیا ہے کہ کڑے سے کڑے وقت میں بھی ہمیں سرنگوں نہیں ہونا بلکہ یکجہتی کے ساتھ اس کا مقابلہ کرنا چاہیے۔

گورنر نے یوتھ پارلیمنٹ کی کوششوں کو سراہتے ہوئے کہا کہ نوجواں کو ہی اس ملک کو آگے لے کر جانا ہے، حقیقت کو تسلیم کرنا ہوگا، پاکستان کو آگے جانا ہے پاکستان کو ترقی دینی ہے جس کے لیے ہم سب کوشاں ہیں۔

خراب حالات کے سبب کے فور واٹر پروجیکٹ میں تاخیر ہوئی

کے فور واٹر پراجیکٹ کے حوالے سے ان کا کہنا تھا کہ ہمارے سامنے سب سے پہلے کراچی کے حالات کو درست کرنے کا چیلنج تھا جس کے باعث اس منصوبے کو شروع کرنے میں ہمیں 5 سے چھ سال لگے لیکن ہم نے ایف ڈبلیو او کو کہا ہے کہ اس منصوبے کو دو سال عرصے میں مکمل کیا جائے، پچھلے چند برس سے موازنہ کریں تو آج کراچی کے حالات بہت بہتر ہیں اور اسے بہتر کرنے کے لیے ہماری کوششیں جاری ہیں۔

لیاری ایکسپریس وے اگلے مارچ میں مکمل ہوجائے گا

ترقیاتی منصوبوں کے حوالے سے گورنر سندھ نے کہا کہ لیاری ایکسپریس وے کو اگلے برس ستمبر کے بجائے مارچ 2017 میں مکمل کرلیں گے، ماس ٹرانزٹ سسٹم کا اہم جز گرین لائن کا اسٹرکچر بھی مارچ 2017 تک مکمل کرلیا جائے گا، سپر ہائی وے کی خستہ حالت کے باعث کراچی سے حیدر آباد تک راستہ ستمبر 2017 تک مکمل کرلیں گے تاخیر ہونے والے منصوبے جلد شروع ہوں‌گے اور مکمل بھی ہوں‌گے ، ان پروجیکٹس میں سندھ حکومت اور وفاقی حکومت کا اہم تعاون شامل ہے۔

نوجوانوں کو پیغام دیتے ہوئے انہوں نے کہا کہ پاکستان میں اللہ تعالیٰ بہت سی نعمت دے ہیں کسی کو الزام نہیں دینا چاہیے ہمیشہ مثبت سوچ کو اہمیت دینی چاہیے۔

قبل ازیں یوتھ پارلیمنٹ کے بانی چیئرمین رضوان جعفر نے خطاب کرتے ہوئے کہا کہ ہمیں‌ پاکستان کو آگے لے کر جانے کے لیے جدوجہد کرنی ہوگی اور یہ سوچنا ہوگا کہ ہمیں‌آنے والی نسلوں کو کیسا پاکستان دینا ہے۔

گورنر سندھ نے تقریب میں منعقدہ تقریری مقابلے کے فاتح مقررین کو انعامی شیلڈ بھی دیں‌ اور جشن آزادی کا کیک بھی کاٹا ، تقریب میں‌ پیپلز پارٹی کی رہنما اور ممبر سندھ اسمبلی خیر النسا مغل نے بھی شرکت کی۔

اگست 14, 2016
گورنر سندھ نے سندھ فنانس بل دوہزار سولہ کی توثیق کردی

کراچی: گورنر سندھ ڈاکٹر عشرت العباد خان نے سندھ فنانس بل دوہزار سولہ کی توثیق کردی ہے۔

تفصیلات کے مطابق گورنر سندھ ڈاکٹر عشرت العباد کے دستخط کے بعد اسے سندھ فنانس ایکٹ دوہزار سولہ کہا جائے گا اور اس کا اطلاق یکم جولائی دوہزار سولہ سے ہوگا۔

اس ایکٹ کے تحت مختلف قوانین کی بعض شقوں میں ترامیم کی گئی ہیں جن میں اسٹیمپ ایکٹ اٹھارہ سو ننانوے، سندھ شہری غیر منقولہ جائداد ٹیکس ایکٹ انیس سو اٹھاون، سندھ فنانس ایکٹ انیس سو چورانوے اور سندھ سیلز ٹیکس آن سروسز ایکٹ دو ہزار گیارہ شامل ہے۔

اس سے قبل سندھ کے وزیر خزانہ سید مراد علی شاہ نے وفاقی وزیر خزانہ اسحاق ڈار سے رابطہ کرکے انھیں خبردار کیا تھا کہ صوبائی حکومت اس طرح کا کوئی حکم نہیں مانے گی جس کا مقصد انکم ٹیکس ریٹرنز کے نادہندگان سے صوبائی سیلز ٹیکس جمع کرنے سے روکنا ہو۔

صوبائی وزیر خزانہ کی جانب سے وفاقی وزیر خزانہ اسحاق ڈار کو یکم جون کو اس حوالے سے خط لکھا گیا تھا کہ صوبائی حکومت کے مشاورت کے بغیر کوئی فیصلہ نہ کیا جائے۔

جولائی 20, 2016
گورنر سندھ کی امریکی قونصل جنرل برائن ہیتھ سے ملاقات

کراچی: گورنر سندھ ڈاکٹر عشرت العباد خان سے امریکی قونصل جنرل برائن ہیتھ نے آج شام گورنر ہاؤس میں ملاقات کی، اس موقع پر سیاسی و اقتصادی چیف شیڈ پیٹر سن اور نئے تعینات ہونے والے سیاسی و اقتصادی چیف ایڈ ورڈ بر کھالٹر بھی موجود تھے۔

ملاقات میں امریکی قونصل جنرل برائن ہیلتھ نے گورنر سندھ ڈاکٹر عشرت العباد خان سے ان کی صحت کے بارے میں معلوما ت حاصل کی ۔گورنر سندھ نے کہا کہ ڈاکٹروں کی اجازت کے بعد انہوں نے دفتری امور کی انجام دہی بھرپور طریقے سے شروع کردی ہے، ملاقات میں پاک امریکہ تعلقات اور دوطرفہ تعاون پر بھی تفصیلی تبادلہ خیال کیا گیا ۔

گورنر سندھ نے کہا کہ وقت کے ساتھ پاک امریکہ تعلقات اتار چڑھاؤ کا شکار رہے لیکن دونوں ممالک دہشت گردی کے خلاف جاری جنگ میں ایک پیج پر ہیں اور ہر قسم کی دہشت گردی کے خاتمے کے لئے ایک دوسرے کے ساتھ ہیں ۔

انہوں نے کہا کہ آپریشن ضرب عضب کی کامیابی دنیا کے سامنے ہے، گورنر سندھ نے امریکی قونصل جنرل کوسیکیورٹی کے حوالے سے اٹھائے گئے اقدامات پر بتاتے ہوئے کہا کہ وقت کے ساتھ ساتھ صوبہ سندھ میں امن و امان میں تیزی سے بہتری آرہی ہے، انہوں نے مزید کہا کہ مقامی صنعت کاروں اور تاجروں کے ساتھ ساتھ بین الاقوامی سرمایہ کار وں کا اعتماد بحال ہو رہا ہے۔

گورنر سندھ نے سندھ ہائی کو رٹ کے چیف جسٹس کے صاحبزادے اویس شاہ کی بحفاظت بازیابی کے حوالے سے تفصیلات بتاتے ہوئے انٹیلی جنس اداروں کی کارکردگی کو سراہتے ہوئے کہا کہ اس ایک واقعہ سے قانون نافذ کرنے والے اداروں پر عوام کے اعتماد میں بے پناہ اضافہ ہوا ہے اور پوری قوم نے سیکیورٹی اداروں کی کارکردگی کی تعریف کی ہے، انہوں نے کہا کہ عوام میں احساس تحفظ کا پیدا ہونا امن و امان کے قیام کا مظہر ہے ۔

امریکی قونصل جنرل برائن ہیلتھ نے سندھ ہائی کورٹ کے چیف جسٹس کے صاحبزادے کی باحفاظت بازیابی پر مبارک باد دی اس ضمن میں پاکستانی اداروں کے ایکشن کو بھی سراہا، انہوں نے کہاکہ جیسے جیسے امن و امان کی صورتحال بہتر ہو گی سرمایہ کاربھی اس صوبہ کی استعدا د کا فائدہ اٹھانے کے لئے یہاں کا رخ کرینگے اس سلسلہ میں امریکہ کے سرمایہ کار پہلے ہی کئی منصوبوں پر کام کررہے ہیں ۔

دریں اثناء اقوام متحدہ کے ریذیڈنٹ کو آرڈینیٹر اور کے ریزیڈنٹ نمائندے نے بھی گورنر ہاؤس میں گورنر سندھ ڈاکٹر عشرت العباد خان سے ملاقات کی، ملاقات میں انہوں نے گورنر سندھ کو صحت یابی پر مبارک باد بھی پیش کی ، اس موقع پر اقوام متحدہ کے ریزیڈنٹ کو آرڈینیٹر نے پاکستان میں اقوام متحدہ کے جاری پروگرامز کے بارے میں تفصیل سے آگاہ کیا ۔

جولائی 20, 2016
گورنرسندھ ڈاکٹر عشرت العباد سےامریکی قونصل جنرل برائن ہیتھ کی ملاقات

کراچی :گورنر سندھ ڈاکٹر عشرت العبا دخان پاکستان کے امن سے ہی خطے کا امن وابستہ ہے اس بات کی اہمیت کا اقرار عالمی برادری بار ہا کرچکی ہے.

تفصیلات کے مطابق گورنر سندھ ڈاکٹر عشرت العبا دخان سے امریکی قونصل جنرل برائن ہیتھ نے گورنر ہاؤس میں ملاقات کی، اس موقع پر انہوں نے کہا کہ کراچی،پاکستان کا سب سے بڑا اور دنیا میں آبادی کے لحاظ سے تسلیم شدہ بڑے شہر کی حیثیت رکھتا ہے،اس شہر کا پُر امن رہنا پورے ملک میں امن کی ضمانت ہے.

گورنرسندھ کا کہنا تھا کہ آپریشن کے بعدشہر میں امن و امان اور سیکورٹی کی صورت حال میں مثبت تبدیلی آئی ہے اور آج اس تبدیلی کو دنیا بھی تسلیم کررہی ہے،یہ تیزی سے ایک پُر امن شہر کے طور پر اپنی شناخت اور مقام بنا رہا ہے.

اُن کا مزید کہنا تھا کہ یہی وقت ہے کہ امریکہ سمیت دیگر ترقیاتی ممالک اس شہرمیں سرمایہ کاری کریں،کیونکہ اس شہر نے ناموزوں حالات میں بھی صنعت کاروں،سرمایہ کار اور تاجروں کو کبھی مایوس نہیں کیا،آج کراچی منافع بخش کاروبار کی ضمانت ہے.

امریکی قونصل جنرل نے اعتراف کیا کہ کراچی میں امن و امان کے قیام کے ساتھ ہی بیرونی سرمایہ کاروں کی دلچسپی میں اضافہ ہو رہا ہے،انہوں نے کہاکہ اُن کی کو شش ہوگی کہ امریکی سرمایہ کار اس شہر کی بدلتی ہوئی مثبت صورت حال کا فائدہ اٹھانے کے لیے بھرپور سرمایہ کاری کریں.

یاد رہے امریکہ کے یو ایس ایڈ کے ذریعے کی جانے والی کوششوں کابراہ راست فائدہ غریب اور متوسط طبقے کو پہنچ رہا ہے.

جون 7, 2016
گورنر سندھ کا شہر کے مختلف سرکاری اسپتالوں کا دورہ

کراچی : گورنر سندھ ڈاکٹر عشرت العباد خان نے شہر کے مختلف سرکاری اسپتالوں میں ادویات کی عد م فراہمی کے حوالے سے کہا ہے اس بات کا مکمل احساس ہے اور اسی ہی وجہ سے سرکاری اسپتالوں کے جاری منصوبوں کو بروقت پورا کیا جائے گا عباسی شہید اسپتال اور قومی ادارہ امراض قلب کراچی میں صحت کی بنیادی سہولتوں کو آ پریشنل کیا جائے گا۔

کراچی کے مختلف اسپتالوں کے ہنگامی دورئے کے بعد میڈیا سے گفتگو کررہے تھے گورنر سندھ نے بتایا کہ صوبائی حکومت سباسی شیہید اسپتال کو ادویات کے لئے فنڈ ز جاری کر دئے ہیں جبکہ قومی ادارہ امراض قلب کراچی کو ادویات اور آلات کی فراہمی بھی جلد کر دی جائے گی۔

انھوں نے کہا کہ سراکری اسپتالوں میں میں ادویات کی عدم فراہمی کی شکایادرست ہیں تاہم ان تمام مسائل پر قابو پالیا جائے گونر سندھ نے کہا کہ مٹھی کی صورت پر بھی توجہ دے رہے ہیں جبکہ گرم ترین موسم ہونے باوجو وزیر اعلی سندھ اور وزیر صحت خود مٹھی میں موجود ہیں۔

گورنر سندھ نے ٹراماسنیٹر نیپا چورنگی اور سندھ گوئمنٹ اسپتال گلدتان جوہر ،قوامی ادارہ امراض قلب کراچی، اور سندھ گورئمنٹ اسپتال نیو کراچی کا دورہ کیا۔

گورنر سندھ نے بتایا کہ ڈاو یو نیورسٹی آف ہیلتھ سائنسز نے جگر کی پیوندکاری کے تین کامیاب آپریشن کئے ہیں جبکہ جلد کینسر کے حوالے حوالے ایک بڑئے پروجیکٹ پر کام کررہے ہیں۔

مئی 18, 2016

Tag: گورنر سندھ

پڑھیں: جرم کے ساتھی ایک دوسرے کے راز کھول رہے ہیں، نثار کھوڑو