Tag: گورنر سندھ

  • گورنر سندھ کا  روزمرہ اشیاء کی خریداری  کے لئے کریڈٹ کارڈ جاری کرنے کا اعلان

    گورنر سندھ کا روزمرہ اشیاء کی خریداری کے لئے کریڈٹ کارڈ جاری کرنے کا اعلان

    کراچی : گورنر سندھ کامران ٹیسوری نے روزمرہ اشیاء کی خریداری کے لئے کریڈٹ کارڈ جاری کرنے کا اعلان کردیا ، کارڈ کے ذریعے خریداری پر 40 فیصد تک رعایت ملے گی۔

    تفصیلات کے مطابق گورنر ہائوس میں فری آئی ٹی ٹیسٹ کا انعقاد کیا گیا ، گورنر سندھ کامران ٹیسوری آئی ٹی ٹیسٹ کے امیدواروں سے خطاب کرتے ہوئے کہا کہ 14 اگست کو پاکستانی پرچم کے ساتھ آپ سب شاہراہ فیصل پر آنے کی دعوت دے رہا ہوں ، یوم آزادی کے دن ہم ایک نیا ریکارڈ قائم کریں گے۔

    کامران ٹیسوری کا کہنا تھا کہ میرے اختیار میں جو کچھ ہے وہ میں آپ لوگوں کے لئے کر رہا ہوں، آپ لوگوں کے لئے بیل آف طور لگا دی جہا ں خود ایک گھنٹہ کھڑا ہوتا ہوں، میری ماؤں بہنوں بیٹیوں کو کوئی میلی آنکھ سے دیکھے وہ آکر امید کی گھنٹی بجائے۔

    گورنر سندھ نے کہا کہ مڈل کلاس لوگوں کے لئے تندور لگا رہے ہیں جہاں 25 روپے والی روٹی 2 روپے میں ملے گی۔

    انھوں نے بتایا کہ ایک اور ایم او یو پر سائن کرنے جا رہے ہیں، جس کے تحت 35 لاکھ کریڈٹ کارڈ ایشو کیے جائیں گے، کارڈ کے ذریعے روزمرہ اشیاء کی خریداری پر 40 فیصد تک رعایت ملے گی۔

  • ’’معاشی شہ رگ کراچی میں تسلسل سے بجلی کی فراہمی ناگزیر ہے‘‘

    ’’معاشی شہ رگ کراچی میں تسلسل سے بجلی کی فراہمی ناگزیر ہے‘‘

    گورنر سندھ نے کہا ہے کہ معاشی شہ رگ کراچی میں تسلسل سے بجلی کی فراہمی ناگزیر ہے، کےالیکٹرک کو بجلی کی تسلسل سے فراہمی کا پابند کرنا ہوگا۔

    اے آر وائی نیوز کے مطابق گورنرسندھ کامران خان ٹیسوری سے وفاقی وزیر توانائی خرم دستگیر نے ملاقات کی جس میں بجلی کی پیداوار، کراچی میں بجلی کی فراہمی اور وفاقی حکومت کے اقدامات کے حوالے سے گفتگو کی گئی۔

    اس موقع پر بات چیت کرتے ہوئے کامران ٹیسوری کا کہنا تھا کہ کراچی معاشی شہ رگ ہے جہاں تسلسل کے ساتھ بجلی کی فراہمی ناگزیر ہے۔

    گورنر سندھ نے زور دیا کہ کےالیکٹرک کو بجلی کی تسلسل سےفراہمی کا پابند کیا جائے، معاشی، صنعتی اور کاروباری ترقی میں توانائی کا کلیدی کردار ہے، رہائشی علاقوں کے ساتھ ساتھ صنعتی و کاروباری علاقے بھی بجلی کی عدم فراہمی سے متاثر ہیں۔

    ملک کے وزیر توانائی کا گفتگو کرتے ہوئے کہنا تھا کہ بجلی کی پیداوار اور طلب میں فرق کے خاتمے کے لیے کوششیں جاری ہیں۔

    خرم دستگیر نے کہا کہ کےالیکٹرک کے حکام سے شہر کراچی سے لوڈ شیڈنگ کے خاتمے حوالے سے بات کی ہے۔

  • گورنر سندھ کا کراچی کے شہریوں کو 2 روپے کی روٹی فراہم کرنے کا اعلان

    گورنر سندھ کا کراچی کے شہریوں کو 2 روپے کی روٹی فراہم کرنے کا اعلان

    کراچی : گورنر سندھ کامران ٹیسوری نے کراچی کے شہریوں کو 2روپے کی روٹی فراہم کرنے کا اعلان کردیا۔

    تفصیلات کے مطابق گورنر سندھ کامران ٹیسوری نے تقریب سے خطاب کرتے ہوئے کہا کہ کلاشنکوف نہیں بلکہ قلم کی طاقت سے بڑی کوئی طاقت نہیں،گورنریہاں کوئی تفریق نہیں، ایک ہی صف میں ہیں محمودوایاز،کوئی ایساشخص نہیں جس کی سفارش کی گئی۔

    کامران ٹیسوری کا کہنا تھا کہ گورنرہاؤس کویونیورسٹی بنانے کا وعدہ کسی اور کا تھا یہ کام میں نے کیا، رات 12 سے صبح 8 بجے تک بھی گورنر ہاؤس کے دروازے کھلے ہیں، لوگوں کو کسی نے سمت اور راستہ نہیں بتایا اور ہمار ا مقصد شعور پیدا کرنا ہے۔

    گورنر سندھ نے کہا کہ اب لوگوں کوگ ورنر ہاؤس سے راستےبتائے جائیں گے، کراچی کے ایک لاکھ گھرانوں میں راشن تقسیم کریں گے۔

    ان کا مزید کہنا تھا کہ کراچی میں تندور پر 25 روپے کی روٹی ملتی ہے، اعلان کرتا ہوں شہر میں تندور بنائیں گے، جہاں روٹی 2 روپے کی ملے گی۔

    کامران ٹیسوری نے مزید کہا کہ حکومت کا ایک پیسہ لگائے بغیر افطار، راشن اور آئی ٹی کورس ہورہےہیں، آئی ٹی کورس 3 ہزار ڈالر کا ہے، دبئی کے قونصل جنرل نے کہا کہ کورس پاس کرنے والوں کو نوکریاں دیں گے، جو شخص کورس مکمل کرلے گا، وہ 15 سے 20 لاکھ روپے کمائے گا۔

    گورنر سندھ کا کہنا تھا کہ آئی ٹی سافٹ وئیر فروخت کرنے والی کمپنی بھی 5لاکھ دینے کیلئے راضی ہیں۔

  • گورنر سندھ کامران ٹیسوری نے ایک اور وعدہ پورا کردیا

    گورنر سندھ کامران ٹیسوری نے ایک اور وعدہ پورا کردیا

    کراچی: گورنر سندھ کامران ٹیسوری نے اپنی 9 ماہ کی تنخواہ کا چیک بنا کر فلاحی ادارے کو غریبوں کی مدد کی مد میں دیدیا۔  

    گورنر سندھ کامران ٹیسوری نے کہا کہ جب حلف اٹھایا تھا تب کہا تھا کہ سرکار سے تنخواہ یا کسی اور کام کے لیے کوئی پیسہ نہیں لونگا۔

    گورنر سندھ نے کہا کہ آئی ٹی کورس کیلئے ٹیسٹ کا آغاز 16جولائی سے ہوگا، آئی ٹی کورس کے انٹری ٹیسٹ کیلئے 5 لاکھ شہریوں نے رجسٹریشن کرائی ہے۔

    انہوں نے بتایا کہ ٹیسٹ روزانہ کی بنیاد پر مرحلہ وار لیے جائیں گے، جب تک تمام 5 لاکھ بچوں کے ٹیسٹ مکمل نہیں ہوجاتےکورس کا آغاز نہیں ہوگا۔

    گورنر سندھ نے بتایا کہ رجسٹریشن نمبر 1 سے 7500 والوں کا ٹیسٹ اتوار کو ہوگا، ٹیسٹ کے لیے آنے والے نوجوانوں کا خود استقبال کروں گا۔

    انہوں نے کہا کہ رجسٹریشن کرانے والے افراد کو ای میل کے ذریعے رول نمبر ،ٹیسٹ کا دن ،تاریخ اور وقت کا بتایا جائے گا۔

  • ایس ایس یو کی موجودہ پیشہ ورانہ مہارت مثالی ہے: گورنر سندھ

    ایس ایس یو کی موجودہ پیشہ ورانہ مہارت مثالی ہے: گورنر سندھ

    کراچی: گورنر سندھ کامران ٹیسوری نے کہا ہے کہ ایس ایس یو کی موجودہ پیشہ وارانہ مہارت مثالی ہے، انھوں نے آج اسپیشل سیکیورٹی یونٹ ہیڈ کوارٹرز کا دورہ کیا۔

    تفصیلات کے مطابق گورنر سندھ محمد کامران خان ٹیسوری نے اسپیشل سیکیورٹی یونٹ ہیڈ کوارٹرز کا دورہ کیا، اس موقع پر ڈی آئی جی سیکیورٹی اینڈ ایمرجنسی سروسز ڈویژن کراچی ڈاکٹر مقصود احمد نے ان کا ستقبال کیا، جب کہ ایس ایس یو کے خصوصی دستے نے ان کی آمد کے موقع پر سلامی پیش کی۔

    ترجمان ڈی آئی جی سیکیورٹی اینڈ ایمرجنسی سروسز ڈویژن کراچی کے مطابق گورنر سندھ نے ڈی آئی جی کے ہمراہ ہ اسلحہ خانہ، فائرنگ رینج اورایس ایس یو کے مختلف شعبوں کا دورہ کرتے ہوئے ایس ایس یو کی موجودہ پیشہ وارانہ مہارت اور انتظامات کو مثالی قرار دیا۔

    ڈی آئی جی ڈاکٹر مقصود احمد نے گورنر سندھ کو ایس ایس یو کے قیام سے لے کر جدت سے آراستہ یونٹ کی تشکیل تک کے سفر کے بارے میں آگا ہ کیا۔ انھو ں نے مزید بتایا کہ ملک میں پہلی مرتبہ ایس ایس یو سندھ پولیس میں S.W.A.T ٹیم قائم کی گئی ہے، جس میں کمانڈوز بشمول لیڈی کمانڈوز تربیت یافتہ اور جدید ہتھیاروں سے لیس ہیں، جو کسی بھی ناخوش گوار حالات سے نمٹنے کے لیے ہمہ وقت تیار رہتے ہیں۔

    انھوں نے بتایا کہ کمانڈوز کی پیشہ وارانہ مہارت میں مزید اضافے کے لیے پاکستان آرمی مختلف ٹریننگ انسٹیٹیوٹ میں تربیت فراہم کر رہی ہے۔ ڈی آئی جی سیکیورٹی اینڈ ایمرجنسی سروسز ڈویژن کراچی نے سندھ پولیس کے ذیلی ادارے مددگار 15 میں کی جانے والی اصلاحات اور اپ گریڈیشن کے بارے میں آگاہ کیا کہ مددگار 15 جس کا کسی بھی ایمرجنسی صورت حال میں ریسپانس ٹائم 30-40 تھا، اب محدود ہو کر 07-10 ہو گیا ہے۔

    کامران خان ٹیسوری نے ایس ایس یو کے انتظامی، سیکیورٹی اور انسداد دہشت گردی امور میں اعلیٰ پیشہ ورانہ معیار کو سراہا اور سندھ پولیس کے شہدا کو خراج تحسین پیش کرتے ہوئے کہا کہ شہر اور صوبے کا امن برقرار رکھنے میں سندھ پولیس اہم کردار ادا کر رہی ہے۔

    دورے کے موقع پر گورنر سندھ نے S.W.A.T ٹیم کی جانب سے دہشت گردوں سے نمٹنے کے لیے مشقوں کا مشاہدہ کیا۔ ڈی آئی جی سیکیورٹی ڈاکٹر مقصود احمد نے مہمان کو اعزازی شیلڈ بھی پیش کی۔

  • کراچی واٹر اینڈ سیوریج کارپوریشن بل گورنر سندھ کے پاس پہنچ گیا

    کراچی واٹر اینڈ سیوریج کارپوریشن بل گورنر سندھ کے پاس پہنچ گیا

    کراچی: واٹر اینڈ سیوریج کارپوریشن بل گورنر سندھ کامران ٹیسوری کے پاس پہنچ گیا، گورنر کی منظوری سے واٹر اینڈ سیوریج بورڈ کو کارپوریشن کا درجہ مل جائے گا۔

    کراچی واٹر اینڈ سیوریج بورڈ کارپوریشن کا چیئرمین میئر کراچی ہوگا، یہ بل گورنر کی منظوری سے نافدالعمل ہوگا، اور اس سے میئر کے اختیارات میں اضافہ ہو جائے گا۔

    وزیر اعلیٰ سندھ مراد علی شاہ، چیف سیکریٹری، مشیر قانون اور سندھ اسمبلی بل کی منظوری پہلے ہی دے چکے ہیں۔

  • گورنر سندھ نے طویل القامت شخص کے لیے ماہانہ معاوضے کا اعلان کردیا

    گورنر سندھ نے طویل القامت شخص کے لیے ماہانہ معاوضے کا اعلان کردیا

    کراچی: گورنر سندھ کامران ٹیسوری نے طویل القامت شخص نصیر سومرو کے ہر ماہ 50 ہزار روپے دینے کا اعلان کردیا۔

    اے آر وائی نیوز کے مطابق گورنر سندھ کامران ٹیسوری نے عرصے سے علیل طویل القامت شخص نصیر سومرو کے گھر پہنچ کر ان کی خیریت دریافت کی۔

    گورنر سندھ نے نصیر سومرو کو جنریٹر، یو پی ایس، بیڈ، ہر ماہ 50 ہزار روپے دینے کا اعلان کیا اور کہا کہ انہیں 10 لاکھ روپے کی گرانٹ جولائی میں دیں گے۔

    کامران ٹیسوری نے کہا کہ نصیر سومرو کی حالت دیکھ کر افسوس ہوا، ہم اپنے فخر پاکستان کہلائے جانے والوں سے ایسا سلوک کررہے ہیں۔

    انہوں نے کہا کہ ایک ہفتے میں نصیر سومرو کے قد کے مطابق بیڈ بنوا کر دیا جائے گا، مخیر حضرات سے کہہ کر نصیر سومرو کے لیے ایک گھر بھی دلاؤں گا۔

    بعدازاں میڈیا سے گفتگو کرتے ہوئے گورنر سندھ نے کہا کہ مویشی منڈی جانے والے لوگوں سے لوٹ مار کی مذمت کرتا ہوں، پولیس اور انتظامیہ حفاظتی اقدامات کے لیے اپنا کردار ادا کرے۔

  • گورنر سندھ کی جانب سے فلاحی ادارے کو نایاب نسل کے 4 بیل عطیہ

    گورنر سندھ کی جانب سے فلاحی ادارے کو نایاب نسل کے 4 بیل عطیہ

    کراچی: گورنر سندھ کامران ٹیسوری نے کراچی کے ایک فلاحی ادارے کو نایاب نسل کے چار بیل عطیہ کر دیے۔

    تفصیلات کے مطابق گورنر سندھ نے ایک فلاحی ادارے کو سبی کے نایاب اونچی نسل کے چار بیل عطیہ کیے ہیں، ایک بیل کی قیمت 14 لاکھ روپے ہے۔

    فلاحی ادارے کو مستحقین کے لیے قربانی کے جانوروں کا تحفہ دینے کے موقع پر میڈیا سے گفتگو کرتے ہوئے گورنر سندھ کامران ٹیسوری نے کہا کہ گورنر ہاؤس میں عید کے تینوں دن 100 اونٹوں کی قربانی ہوگی۔

    انھوں نے کہا ’’قربانی کا سارا گوشت مستحقین میں تقسیم کیا جائے گا، جہاں جہاں میں تعاون کر سکتا ہوں کروں گا۔‘‘

    جے ڈی سی کے صدر دفتر کا دورہ کرتے ہوئے انھوں نے کہا کہ جے ڈی سی کی عید الاضحیٰ پر تیاری انتہائی شان دار ہوتی ہے، مجھے مستحق افراد کے لیے قربانی کے کام میں حصہ لینے پر خوشی ہے۔

    عمران خان پر تنقید کرتے ہوئے انھوں نے کہا کہ یہودی لابی پاکستان کی ایٹمی قوت اور سی پیک کی کامیابی نہیں دیکھ سکتی، اس لیے عمران خان کو لائسنس کیا گیا، جس کا اعتراف ڈاکٹر اسرار اور عبدالستار ایدھی نے بھی کیا۔

    گورنر سندھ نے کہا کہ تحریک انصاف چھوڑ کر جانے والے جب تک سچی توبہ اور دل سے معافی مانگ کر عمران سے مکمل اظہار لاتعلقی نہ کر لیں اس وقت تک سیاسی پارٹیاں پلٹ کر آنے والے ان سیاسی مداریوں کو قبول نہ کریں۔

  • عنقریب شاہ محمود قریشی کو بڑی ہیڈلائن میں دیکھیں گے، گورنر سندھ کا بڑا دعویٰ

    عنقریب شاہ محمود قریشی کو بڑی ہیڈلائن میں دیکھیں گے، گورنر سندھ کا بڑا دعویٰ

    کراچی : گورنر سندھ کامران ٹیسوری نے دعویٰ کیا ہے کہ عنقریب شاہ محمودقریشی کوبڑی ہیڈلائن میں دیکھیں گے، تحریک انصاف کے کچھ ایم این ایز اور ایم پی ایز مجھ سےرابطےمیں ہیں۔

    تفصیلات کے مطابق گورنر سندھ کامران ٹیسوری برنس روڈ فوڈاسٹریٹ پہنچے ، اس موقع پر اےآروائی نیوزسےخصوصی گفتگو کرتے ہوئے کامران ٹیسوری نے کہا کہ مولانافضل الرحمان سلجھے ہوئےسیاستدان ہیں، ملک کومسائل سےنکالناہےتومولانافضل الرحمان کی بات مان لینی چاہیے۔

    گورنر سندھ کا کہنا تھا کہ مائنس عمران خان سب سے بات ہوسکتی ہے، پی ٹی آئی سےبات کرنی ہےتوشاہ محمودسےاچھی چوائس کوئی نہیں، شاہ محمود زیرک سیاست دان ہیں، چیزوں کوسمجھتے ہیں۔

    انھوں نے بتایا کہ شاہ محمود پیر پگارا سے رابطے میں ہیں اور پیرپگارامجھ سےرابطےمیں ہیں، عمران خان کوسیاسی سمجھ بوجھ نہیں،ان کوسیاستدان نہیں سمجھتا۔

    کامران ٹیسوری نے دعویٰ کیا کہ عنقریب شاہ محمودقریشی کوبڑی ہیڈلائن میں دیکھیں گے ، آزادکشمیرمیں جوہوا وہ سندھ میں بھی جلد نظر آئے گا۔

    گورنر سندھ نے انکشاف کیا تحریک انصاف کے کچھ ایم این ایز اور ایم پی ایز مجھ سےرابطےمیں ہیں، وہ چاہتےہیں کہ عمران خان سے جان چھوٹے ، جلد بڑی خبریں ملیں گی۔

    جمعے کو عید سے متعلق ان کا کہنا تھا کہ عید الفطر جمعہ کوہونےسےحکومت کو خطرہ نہیں، سب دن مبارک ہوتےہیں،دنوں کابھاری ہوناکوئی معنی نہیں رکھتا۔

  • گورنر سندھ  کی عید پر شہریوں کو گورنر ہاؤس آکر شیر خورمہ کھانے کی دعوت

    گورنر سندھ کی عید پر شہریوں کو گورنر ہاؤس آکر شیر خورمہ کھانے کی دعوت

    کراچی : گورنرسندھ کامران ٹیسوری نے عید پر شہریوں کو گورنرہاؤس آکرشیر خورمہ کھانے کی دعوت دیتے ہوئے کہا کہ عوام کے درمیان جانے پر اعتراض کرنیوالے خود بھی عوام میں نہیں جاتے۔

    تفصیلات کے مطابق گورنرسندھ کامران ٹیسوری نے نیو کراچی میں شہریوں کیساتھ سحری کی ، اس موقع پر میڈیا کے نمائندوں سے گفتگو کرتے ہوئے کہا کہ
    ملک کی معاشی صورتحال ہم سب کی توجہ کی متقاضی ہے۔

    کامران ٹیسوری کا کہنا تھا کہ صوبہ میں پرائمری ایجوکیشن کمیشن تشکیل دیاجائے،تعلیم کو فروغ ملےگا، تنقیدکرنےوالےکسی حال میں خوش نہیں رہ سکتے۔

    گورنرسندھ نے عید پر شہریوں کو گورنرہاؤس آکرشیرخورمہ کھانے کی دعوت دیتے ہوئے کہا کہ عوام کے درمیان جانے پر اعتراض کرنیوالے خود بھی عوام میں نہیں جاتے۔

    ان کا کہنا تھا کہ عوام ہر صاحب اختیار کو اپنے درمیان دیکھنا چاہتے ہیں ، میرے عوام میں جانےکامقصد ان کےمسائل سےآگاہی ہے، عوام سےملاقات کے لئے کسی نہ کسی فوڈاسٹریٹ پرجاتا رہوں گا۔