Tag: گورنر سندھ

اسلام آباد : وفاقی حکومت نے ایم کیو ایم سے گورنر سندھ کے لیے نام مانگ لیے، جس کٓے بعد عامر خان ،فروغ نسیم اور نسرین جلیل کے ناموں پر غور کیا جارہا ہے۔

تفصیلات کے مطابق وفاقی حکومت نے ایم کیو ایم سے گورنر سندھ کے لیے نام مانگ لیے، ذرائع کا کہنا ہے کہ ایم کیو ایم نے وفاقی حکومت سے وقت مانگ لیا ہے۔

ذرائع نے بتایا کہ عامر خان ، فروغ نسیم اور نسرین جلیل کے ناموں پر غور کیا جارہا ہے ، حتمی ناموں پر مشاورت جاری ہے ، حتمی فیصلہ رابطہ کمیٹی کرے گی۔

ذرائع کا یہ بھی کہنا ہے کہ گورنر سندھ ن لیگ سے بھی ہو سکتا ہے۔

خیال رہے ایم کیو ایم کے دو رہنما وفاقی کابینہ کا حصہ بن چکے ہیں ، سید امین الحق اور فیصل سبزواری نے آج وفاقی وزیر کے عہدے کا حلف لیا۔

یاد رہے وزیراعظم شہبازشریف اور ایم کیوایم پاکستان کے وفد کی ملاقات ہوئی تھی ، جس میں ایم کیوایم سے کابینہ کیلئے دو نام مانگے گئے تھے، جس پر ایم کیوایم کا کہنا تھا کہ مشاورت کے بعد دو نام دیئے جائیں گے۔

بعد ازاں میاں شہباز شریف کراچی دورے کے دوران ایم کیو ایم کے عارضی مرکز بہادر آباد گئے تو اے آر وائی نیوز کے استفسار پر کہ کیا ایم کیو ایم نے گورنر شپ کی کوئی بات کی؟ انھوں نے جواب دیا، نہیں ایم کیو ایم سے گورنر شپ کی کوئی بات نہیں ہوئی۔

لاہور: گورنر پنجاب اور گورنر سندھ کے مستعفی ہونے کا امکان ہے۔

تفصیلات کے مطابق ذرائع کا کہنا ہے کہ گورنر پنجاب عمر سرفراز چیمہ کا مستعفی ہونے کا امکان ہے، قومی اسمبلی میں نئے قائد ایوان کے حلف اٹھاتے ہی گورنر پنجاب مستعفی ہو جائیں گے۔

ذرائع کا یہ بھی کہنا ہے کہ گورنر سندھ عمران اسماعیل کے بھی مستعفی ہونے کا امکان ہے، عمران اسماعیل عمران خان کے دیرینہ ساتھی ہیں۔

یاد رہے کہ گزشتہ روز گورنر خیبر پختون خوا شاہ فرمان نے ایک بیان میں کہا تھا کہ شہباز شریف کے وزیر اعظم بنتے ہی وہ اپنے عہدے سے مستعفی ہو جائیں گے کیوں کہ انھیں وزیر اعظم کا پروٹوکول نہیں دے سکتا۔

عمران اسماعیل صوبے کے 33 ویں گورنر کے طور پر فرائض انجام دے رہے تھے، وہ پی ایس 111 سے رکن صوبائی اسمبلی منتخب ہوئے تھے، انھوں نے 27 اگست 2018 کو گورنر سندھ کا عہدہ سنبھالا تھا۔

تحریک عدم اعتماد کامیاب، عمران خان وزیراعظم نہیں رہے

یاد رہے کہ گزشتہ روز اسپیکر اور ڈپٹی اسپیکر قومی اسمبلی کے مستعفی ہونے کے بعد اسمبلی میں تحریک عدم اعتماد کے لیے ووٹنگ کی گئی، عدم اعتماد کامیاب ہونے کے بعد عمران خان وزارت عظمیٰ کے منصب سے محروم ہو گئے۔

واضح رہے کہ عمران خان 3 سال 8 ماہ پاکستان کے وزیر اعظم رہے، پاکستان کی تاریخ میں پہلی مرتبہ کسی وزیر اعظم کے خلاف تحریک عدم اعتماد کامیاب ہوئی ہے۔

اب قومی اسمبلی میں نئے قائد ایوان کا انتخاب پیر 11 اپریل کو ہوگا، کاغذات نامزدگی آج دوپہر 2 بجے تک اسمبلی سیکریٹریٹ سے وصول کیے جائیں گے۔