Tag: گورنر پنجاب

کراچی : گورنر پنجاب بلیغ الرحمان کا کہنا ہے کہ گورنر ہاؤس پر حملہ کیا گیا، ایسے حالات ہوں گے تو گورنر راج بھی لگایا جائے گا۔

تفصیلات کے مطابق گورنر پنجاب بلیغ الرحمان نے میڈیا سے گفتگو کرتے ہوئے کہا کہ سیاست میں ہم خدمت پر یقین رکھتے ہیں، پاکستان جس تباہی کے دہانے پر تھا اسے واپس لایا گیا ہے، وفاقی حکومت اپنی پوری کوشش کررہی ہے۔

بلیغ الرحمان نے کہا کہ گورنر راج ایک انتہائی قدم ہے، جب حالات ہاتھ سے نکلتے ہیں توآئین میں اس کی گنجائش موجود ہے، ابھی کچھ دنوں پہلے گورنر ہاؤس پر حملے کئے گئے۔

ان کا کہنا تھا کہ جب ایسے حالات ہوں گے تو گورنر راج بھی لگایا جائے گا ، یہ بہت اچھی مثالیں نہیں قائم کی جا رہیں، بہتری کی جانب ہماری کوششیں جاری ہیں۔

گورنرپنجاب نے مزید کہا کہ چین پاکستان سے ناراض تھا، سی پیک معاہدوں کو پیچھے رکھ دیا گیا تھا، وزیراعظم کے دورہ چین کے بعد معاہدوں پر کام دوبارہ شروع ہوا ہے۔

بلیغ الرحمان کا کہنا تھا کہ سی پیک جب بھی ملک میں آتاہےانتشارکی سیاست شروع ہوجاتی ہے،سی پیک واپس آیا ہے تو اب اپنے اثرات دکھائے گا۔

لاہور : ایوان اقبال میں بجٹ اجلاس کرانے پر گورنر پنجاب کو قانونی نوٹس بھجوا دیا گیا، نوٹس کی کاپی صدر مملکت کو بھی ارسال کرتے ہوئے گورنر کو عہدے سے ہٹانے کی استدعا کردی۔

تفصیلات کے مطابق گورنرپنجاب بلیغ الرحمان کے ایوان اقبال میں اسمبلی اجلاس کرانے کے معاملے پر تحریک انصاف ایم پی اے زنیب عمیر نے اظہرصدیق کی وساطت سے گورنرپنجاب کو قانونی نوٹس بھجوادیا۔

پی ٹی آئی ایم پی اے نے موقف اختیار کیا کہ پنجاب اسمبلی کااجلاس غیرقانونی طورپراورغیرآئینی طورپربلایاگیا، گورنرکےاس اقدام سےاسمبلی 2حصوں میں تقسیم ہوئی۔

نوٹس میں کہا گیا کہ گورنر نے آرڈینس جاری کرتےہوئےاپنےاختیارات کاتجاوز کرکےیہ احکامات جاری کیے، سپریم کورٹ کےفیصلے کےمطابق ایسےاحکام کی قانونی حیثیت نہیں تھی۔

گورنر کی انتظامی اختیارات اورامورمیں مداخلت بھی غیرقانونی ہیں، گورنراپنےغیرآئینی احکامات واپس لیں۔

صدر پاکستان عارف علوی کو نوٹس کی کاپی بھجوادی گئی ، جس میں صدرپاکستان سےگزارش کی گئی کہ گورنرپنجاب کو عہدے سے ہٹایا جائے۔

لاہور : مسلم لیگ ن کے رہنما عطاء تاڑر نے گورنرپنجاب عمرسرفرازچیمہ کیخلاف آرٹیکل چھ کی کارروائی کا اشارہ دے دیا۔

تفصیلات کے مطابق مسلم لیگ ن کے رہنما عطاء تاڑر نے لاہور ہائی کورٹ باہر میڈیا سے گفتگو کرتے ہوئے کہا کہ ملک کوتباہی سے بچانےکی ذمہ داری عدالتوں کی ہے، ہم اپنی تیسری درخواست لیکرہائیکورٹ میں موجودہیں، 28روز ہوچکے پنجاب میں کوئی حکومت ہے نہ کوئی نظام ہے۔

عطا تارڑ کا کہنا تھا کہ عمران خان پنجاب کے عوام سےانتقام لے رہےہیں، جب بھی عدالتوں سے رجوع کیا اپنی گزارشات عدالت کے سامنے رکھیں، مخالفین کہتے ہیں عدالتیں کون ہوتی ہیں داخل اندازی کرنیوالی۔

ن لیگی رہنما نے کہا کہ اب بھی وقت ہےہوش کےناخن لیں، ہم اپناآئینی وقانونی حق لینےآئےہیں، عیدآرہی ہے،بڑےبڑےاجتماعات ہوں گے، صوبے میں اگرکچھ ہوا تو ذمہ دار گورنر پنجاب ہوں گے۔

ان کا کہنا تھا کہ آئین کی تشریح کرنا عدالتوں کا کام ہے، اگرگورنرحکم نہیں مان رہےتوکسان،مزدوربھی نہیں مانے گا، گورنر پنجاب کیخلاف آرٹیکل6کی کارروائی ہونی چاہیے ، سنجیدگی سےآئین کےآرٹیکل6کی کارروائی شروع کرنے جا رہے ہیں۔

عمران خان پر تنقید کرتے ہوئے عطا تارڑ نے کہا کہ یہ ملک کودنگافسادکی طرف لے جانا چاہتےہیں، اب بھی وقت ہےآپ قوم سےمعافی مانگیں۔

مسلم لیگ ن کے رہنما نے کہا کہ عمران خان لوگوں سےکہہ رہےہیں دنگےفسادکرو، یہ امریکی سازش کی بات کرتے ہیں ،ان کے تانے بانے کہیں اورملتے ہیں، عمران خان کا ذہنی توازن خراب ہوچکا ہے، یہ لوگ مذہب کارڈ استعمال کررہےہیں۔