Tag: گورنر پنجاب

لاہور: گورنر پنجاب چوہدری محمد سرور کا کہنا ہے کہ کرونا سے بچاؤ کے لیے عوام کوگھروں میں رکھنے کے لیے سختی کریں گے۔

تفصیلات کے مطابق صوبائی دارالحکومت لاہور میں گورنر پنجاب چوہدری محمد سرور سے فارماسیوٹیکل ایسوسی ایشن کے وفد نے ملاقات کی۔ فارماسیوٹیکل ایسوسی ایشن نے سینی ٹائزرز ،کلوروکوئن انجکشن عطیہ کیے۔

بعدازاں گورنر پنجاب چوہدری محمد سرور نے میڈیا سے گفتگو کرتے ہوئے کہا کہ کرونا سے بچاؤ کے لیے عوام کوگھروں میں رکھنے کے لیے سختی کریں گے۔

چوہدری محمد سرور کا کہنا تھا کہ خدا کے لیے عوام حالات کو سنجیدہ لیں، کوتاہی کی گنجائش نہیں ہے۔ انہوں نے کہا کہ 10 ہزار سینی ٹائزر، 12 ہزار کلوروکوئن انجکشن ڈاکٹرز کو دیے جا رہے ہیں۔

گورنر پنجاب کا کہنا تھا کہ 20 ہزار راشن کے پیکٹ بھی عطیہ کے طور پر جمع ہو چکے ہیں،مستحق افراد میں راشن کی تقسیم شروع کی جا رہی ہے۔

کرونا سے نمٹنے کےلیے چین کا پاکستان میں طبی ماہرین بھیجنے کا اعلان

دوسری جانب کرونا وائرس سے نمٹنے کے لیے چین نے پاکستان میں طبی ماہرین کی ٹیم بھیجنے کا اعلان کر دیا۔

واضح رہے کہ پاکستان میں بھی کورونا وائرس کی وبا تیزی سے پھیل رہی ہے اور متاثر افراد کی تعداد 1106 تک جا پہنچی ہے ، سب سے زیادہ کیسز صوبہ سندھ میں رپورٹ ہوئے جبکہ وائرس سے اب تک 8 افراد جاں بحق اور 21 مریض صحت یاب ہوچکے ہیں۔

لاہور: گورنر پنجاب چوہدری محمد سرور کا کہنا ہے کہ جی ایس پی پلس پاکستان کی معیشت کے لیے بہت بڑا تحفہ ہے۔

تفصیلات کے مطابق گورنر پنجاب چوہدری محمد سرور نے یورپی پار لیمنٹ کے نائب صدر سمیت دیگر اراکین سے رابطہ کیا اور جی ایس پلس پر سپورٹ کرنے پر شکریہ ادا کیا۔

چوہدری محمد سرور کا کہنا تھا کہ جی ایس پی پلس میں توسیع وزیراعظم پر اعتماد کا اظہار ہے، جی ایس پی پلس سے بر آمدات میں 9.5 فیصد اضافہ ہوگا۔

گورنر پنجاب نے کہا کہ بھارتی سازشوں کے باوجود پاکستان کو بڑی کامیابی ملی ہے، عمران خان کے ویژن کے مطابق ملک کو معاشی طور پر مضبوط کریں گے۔

انہوں نے مزید کہا کہ جی ایس پی پلس پاکستان کی معیشت کے لیے بہت بڑا تحفہ ہے، وزیر اعظم سیاسی یا ذاتی نہیں ملکی مفادات کا تحفظ کر رہے ہیں۔

واضح رہے کہ یورپی پالیمان کی بین الاقوامی تجارتی کمیٹی (آئی این ٹی اے) نے پاکستان کے لیے جنرلائزڈ سسٹم آف پریفرنس پلیس( جی ایس پی پلس) کے اسٹیٹس میں توسیع کر دی جس سے پاکستان 2023 تک برآمدات پر ترجیحی ڈیوٹیز سے فائدہ اٹھا سکے گا۔

لاہور: گورنر پنجاب چوہدری محمد سرور کا کہنا ہے کہ ترقی اور خوشحالی کی ایک صورت ہے کہ بزنس کمیونٹی خوش ہو۔

تفصیلات کے مطابق گورنر پنجاب چوہدری محمد سرور نے راولپنڈی چیمبر آف کامرس میں خطاب کرتے ہوئے کہا کہ بزنس کمیونٹی ملازمتوں کے مواقع فراہم کرتی ہے ٹیکس دیتی ہے، حکومت کو بزنس کمیونٹی کو آن بورڈ لے کر فیصلے کرنا فائدہ مند ہوتا ہے۔

انہوں نے کہا کہ حکومت کی کوشش ہے کہ بزنس کمیونٹی کے ساتھ مشاورت کریں، کوشش کریں گے تاجروں کو بہترین پالیسی دیں،ترقی اور خوشحالی کی ایک صورت ہے کہ بزنس کمیونٹی خوش ہو۔

چوہدری محمد سرور کا کہنا تھا کہ بزنس کمیونٹی ملازمتوں کے مواقع فراہم کرتی ہے ٹیکس دیتی ہے، حکومت کو بزنس کمیونٹی کوآن بورڈ لے کر فیصلے کرنا فائدہ مند ہوتا ہے، حکومت کی کوشش ہے کہ بزنس کمیونٹی کے ساتھ مشاورت کریں، کوشش کریں گے تاجروں کو بہترین پالیسی دیں۔

گورنر پنجاب نے کہا کہ بجلی گیس کی قیمت کو متوازن کرنے کی کوشش کریں گے، بجلی گیس کی قیمت متوازن ہو تو ملک کا غریب بھی سکون سے ہوگا، ہمیں بھی دکھ ہوتا ہے کہ غریب گیس بجلی کے بل نہیں دے پا رہا۔

انہوں نے مزید کہا کہ بیوروکریسی سے کام لینا بہت مشکل ہے، بیوروکریسی چاہے تو کام کرتی ہے نہ چاہے تو نہیں کرتی۔

لاہور: گورنر پنجاب چوہدری محمد سرور کا کہنا ہے کہ جب تک عثمان بزدارکو اسمبلی کی حمایت ہے کوئی نہیں ہٹا سکتا۔

تفصیلات کے مطابق گورنر پنجاب چوہدری محمد سرور نے میڈیا سے گفتگو کرتے ہوئے کہا کہ اتحادیوں میں رنجشیں ہو جاتی ہیں یہ نئی بات نہیں ہے، جب تک عثمان بزدارکو اسمبلی کی حمایت ہے کوئی نہیں ہٹا سکتا۔

چوہدری محمد سرور کا کہنا تھا کہ ہمارے اپنے ارکان بھی ناراض ہوسکتےہیں، ناراضی کا احترام کرتے ہیں اور دور بھی کریں گے، جو عوام کے ووٹ لے کر آتا ہےعوام کی ان سے توقعات ہوتی ہیں۔

انہوں نے کہا کہ حکومت منتخب ارکان،عوام کی توقعات پر پورا اترے گی، حکومت بھی کہہ رہی ہے اتحادیوں کو ساتھ لے کر چلیں گے۔

گورنر پنجاب کا کہنا تھا کہ گندم بحران میں کہیں کوتاہی ہوئی ہے، آئندہ ایسا نہیں ہونا چاہیے ذمہ دار اپنی ذمہ داریاں انجام دیں، اس طرح کے بحرانوں سے حکومت کی ساکھ متاثر ہوتی ہے۔

ذرائع کے مطابق پنجاب اسمبلی میں پاکستان تحریک انصاف کا نیا فارورڈ بلاک سامنے آگیا، فارورڈبلاک کے ارکان کی تعداد 30 کے قریب پہنچ گئی، فارورڈ بلاک میں جنوبی و وسطی پنجاب کے ارکان کی بڑی تعداد شامل ہے۔

لاہور: برطانوی ہائی کمشنر ڈاکٹرکرسچین ٹرنر نے کہا کہ لاہور میں پہلی بار آیا ہوں، آج کہہ سکتا ہوں کہ میں پیدا ہوگیا۔

تفصیلات کے مطابق لاہورمیں گورنر پنجاب چوہدری محمد سرور سے برطانوی ہائی کمشنر نے ملاقات کے دوران افغان امن، امریکا، ایران صورت حال اور بریگزٹ پر بھی بات چیت کی۔

گورنر پنجاب نے برطانوی ہائی کمشنر کو مقبوضہ کشمیرسے متعلق پاکستانی تحفظات سے آگاہ کیا۔

چوہدری محمد سرور کا کہنا تھا کہ آج کا پاکستان ایک پرامن پاکستان ہے، اقلیتیں آزاد ہیں، ملک میں باہمی رواداری کی فضا ہے، کرتار پور راہداری کھول کر پوری دنیا کو امن کا پیغام دیا۔

گورنر پنجاب کا کہنا تھا کہ ایل او سی پر بھارتی خلاف ورزیوں کے باوجود کرتارپور کھولا، ہماری حکومت مذہبی سیاحت پر توجہ دے رہی ہے۔

اس موقع پر برطانوی ہائی کمشنر کا کہنا تھا کہ کشمیر کا مسئلہ بات چیت سے حل کرانے میں برطانیہ کردار ادا کرے گا۔ انہوں نے کہا کہ لاہور میں پہلی بار آیا ہوں، آج کہہ سکتا ہوں کہ میں پیدا ہوگیا۔

ڈاکٹرکرسچین ٹرنر کا کہنا تھا کہ برطانوی سیاست میں آپ کو قدر کی نگاہ سے دیکھا جاتا ہے، مجھے آپ سے سیکھنے کا موقع ملے گا۔

لاہور: گورنر پنجاب چوہدری محمد سرور کا کہنا ہے کہ حکومت گرانے کا خواب دیکھنے والوں کو مایوسی کے سوا کچھ نہیں ملے گا۔

تفصیلات کے مطابق گورنر پنجاب چوہدری محمد سرور کا کہنا ہے کہ اتحادی جماعتیں حکومت کے ساتھ کھڑی ہیں، عوام نے ہمیں 5 سال حکومت کرنے کا مینڈیٹ دیا ہے۔

گورنر پنجاب نے کہا کہ حکومت گرانے کا خواب دیکھنے والوں کو مایوسی کے سوا کچھ نہیں ملے گا، حکومت کی کامیابیوں سے اپوزیشن پریشان ہو رہی ہے۔

چوہدری محمد سرور نے کہا کہ 2020 ترقی، امن واستحکام، خوشحالی کا سال ثابت ہوگا، وزیراعظم کی قیادت میں حکومت کامیابیوں سے آگے بڑھ رہی ہے۔ انہوں نے مزید کہا کہ کشمیرکی آزادی کے بغیر خطے میں امن کا خواب پورا نہیں ہوسکتا۔

ایم کیو ایم پاکستان نے حکومت گرانے کی بلاول کی پیشکش مسترد کردی

یاد رہے کہ گزشتہ روز ایم کیو ایم پاکستان نے چیئرمین پیپلزپارٹی بلاول بھٹو کی حکومت گرانے کی پیشکش پرجواب دیتے ہوئے کہا تھا کہ وفاقی حکومت سے اتحاد کراچی کے مفاد کی خاطر کیا، وفاقی حکومت سے اتحاد وزارتوں کے لیے نہیں۔

ایم کیو ایم پاکستان کا کہنا تھا کہ بلاول بھٹو وزارتوں کی پیشکش کے بجائے مقامی حکومتوں کا نظام بااختیار بنانے پر توجہ دیں، مقامی حکومتوں کو بااختیار بنانے کابل لائیں متحدہ بھرپور ساتھ دے گی۔

لاہور: گورنر پنجاب چوہدری محمد سرور نے کہا ہے کہ ہم نے دہشت گردی کو شکست دی ہے، امریکا افغانستان میں امن چاہتا ہے تو اسے ہماری بات سننا چاہئے۔

تفصیلات کے مطابق گورنر پنجاب چوہدری محمد سرور نے میڈیا سے گفتگو کرتے ہوئے کہا کہ دہشت گردی کے خلاف ہماری فوج اور قوم کی گراں قدر خدمات ہیں۔

گورنر پنجاب نے کہا کہ سی پیک میں شامل پنجاب کے منصوبے نہایت اہم ہیں، سی پیک کے منصوبے پنجاب سے کہیں زیادہ ہیں، جس میں گوادر پورٹ نہایت اہم ہے۔

چوہدری محمد سرور نے کہا کہ چین کشمیر میں 5 اگست کے بعد کی صورت حال پر حمایت پر شکر گزار ہیں۔

مزید پڑھیں: مسئلہ کشمیر کے حل ہونے تک جنوبی ایشیا میں امن ممکن نہیں: گورنر پنجاب

واضح رہے کہ چند روز قبل ان کا کہنا تھا کہ پاکستان بھارت سمیت تمام ہمسایوں کے ساتھ امن چاہتا ہے، تاریخ گواہ ہے کہ جنگ کبھی مسئلے کا حل نہیں ہوتی۔

گورنر پنجاب کا کہنا تھا کہ جب تک مسئلہ کشمیر حل نہیں ہوتا جنوبی ایشیا میں امن ممکن نہیں، مودی کے ہوتے ہوئے امن کی توقع نہیں ہے۔ فاشسٹ آدمی کبھی امن کی بات نہیں کرتا۔

ان کا کہنا تھا کہ بھارت کی ایل او سی پر بلا اشتعال فائرنگ دہشت گردانہ ذہن کی عکاس ہے، مختلف ہتھکنڈوں سے بھارت خطے کے امن کو داؤ پر لگانا چاہتا ہے۔

گورنر پنجاب کا کہنا تھا کہ بھارت جان لے کسی بھی در اندازی کا بھرپور جواب دیا جائے گا۔ پاکستانی عوام اور افواج ملک کے تقدس کی حفاظت کرنا جانتے ہیں۔