Tag: گورننگ بورڈ اجلاس

کوئٹہ: پاکستان کرکٹ بورڈ (پی سی بی) کے گورننگ بورڈ کے اجلاس میں ارکان نے ایم ڈی پی سی بی وسیم خان کی تقرری کو غیرآئینی قرار دے دیا۔

تفصیلات کے مطابق کوئٹہ میں پہلی بار پی سی بی گورننگ بورڈ کا اجلاس ہوا، اجلاس کورم پورا نہ ہونے کی وجہ سے ملتوی کردیا گیا، گورننگ بورڈ کے پانچ ارکان نے ایم ڈی پی سی بی وسیم خان کی تقرری اور نئے ڈومیسٹک اسٹرکچر کو مسترد کردیا۔

سیالکوٹ ریجن کے نمائندے نعمان بٹ سمیت پانچ ارکان نے ایم ڈی کی تقرری اور نئے ڈومیسٹک اسٹرکچر کو ماننے سے انکار کردیا۔

اجلاس میں پی سی بی کے 2017-18 کے آڈٹ ہوئے اکاؤنٹس کی منظوری لینا تھی، منظوری نہ ہونے کی صورت میں پاکستان کو آئی سی سی کی ساڑھے پانچ ملین ڈالرز کی گرانٹ رک سکتی ہے۔

مزید پڑھیں: عالمی سطح پر کام کرنے والے وسیم خان کو پی سی بی نے اہم ذمہ داری دے دی

چیئرمین پی سی بی احسان مانی نے گورننگ بورڈ کے اجلاس کا بائیکاٹ کرنا مایوس کن قرار دیتے ہوئے کہا کہ پی سی بی کرکٹ کو آگے لے جانا چاہتی ہے لیکن بدقسمتی سے ممبر گورننگ بورڈ اس میں رکاوٹ ڈال رہے ہیں۔

احسان مانی نے کہا کہ کرکٹ میں اصلاحات کو کوئی نہیں روک سکتا، ہم نے شروع سے کہا ہے کہ کرکٹ کو بہتر کریں گے، کسی کو غلط فہمی نہیں ہونی چاہئے کہ ڈومیسٹک کرکٹ میں کوئی رکاوٹ آئے گی۔

دوسری جانب سابق کپتان وسیم اکرم نے ایم ڈی پی سی بی وسیم خان کی حمایت کرتے ہوئے کہا کہ کرکٹ کی بہتری کے لیے وسیم خان باصلاحیت ہیں انہیں ایک موقع دینا چاہئے۔

لاہور: چیئرمین پی سی بی احسان مانی نے کہا ہے کہ پی ایس ایل کا چوتھا ایڈیشن اب تک کا سب سے بڑا ایونٹ ثابت ہوگا۔

تفصیلات کے مطابق چیئرمین پی سی بی احسان مانی نے کہا ہے کہ اس بار آٹھ میچ پاکستان میں ہوں گے، فرنچائز کو تین سال کی محنت کا فائدہ اب نظر آنا شروع ہوگا، ویسٹ انڈیز ویمنز ٹیم کی آمد سے اچھا پیغام گیا۔

پی سی بی گورننگ بورڈ کا اجلاس ہوا جس میں پی ایس ایل انتظامات سے متعلق غور کیا گیا، بورڈ اراکین نے چیئرمین پی سی بی کو بتایا کہ پی ایس ایل کا آفیشل ترانہ 18 جنوری کو لانچ کیا گیا، پی سی بی کی ٹیم پی ایس ایل کی افتتاحی تقریب کے لیے دن رات محنت کررہی ہے۔

اجلاس میں بتایا گیا کہ یکم جولائی سے وفاقی حکومت نے فرنچائز کو ٹیکس سے استثنیٰ دے دیا ہے، پی ایس ایل فرنچائز کو درپیش مسائل سے متعلق اراکین کو آگاہ کیا گیا اور پاکستان کرکٹ ٹیم کی کارکردگی کے حوالے سے تفصیلی جائزہ لیا گیا۔

یہ پڑھیں: پی ایس ایل 4 :  کراچی کو کرکٹ سٹی قرار دیا جائے گا

چیف سلیکٹر انضمام الحق اور رکن وسیم حیدر نے اجلاس میں خصوصی شرکت کی، کمیٹی اراکین نے ٹیم منتخب کرنے کے طریقہ کار اور مستقبل کے لائحہ عمل سے آگاہ کیا۔

انضمام الحق نے اعتراف کیا کہ تینوں فارمیٹس میں ٹیم کی بہتری کی گنجائش موجود ہے، 2016 سے ٹیم صحیح سمت میں چل رہی ہے۔

گورننگ بورڈ کے ممبران نے سلیکشن کمیٹی کے موقف پر اعتماد کا اظہار کیا، چیئرمین پی سی بی احسان مانی نے مستقبل میں قومی ٹیم کے لیے نیک خواہشات کا اظہار کیا۔