Tag: گوری خان

here
بالی ووڈ کنگ شارہ رخ خان ان کی اہلیہ گوری اور بیٹے آریان خان کی تصاویر سوشل میڈیا پر وائرل ہورہی ہیں جس میں انھیں مکہ میں دکھایا گیا ہے۔

نئے سال کی شروعات سے ہی ایک تصویر سوشل میڈیا پر زور و شور سے گردش کررہی ہے جس میں شاہ رخ، آریان اور گوری مکہ میں نظر آرہے ہیں، اس تصویر میں شاہ رخ اور آریان خان نے سفید کرتا زیب تن کیا ہوا ہے جبکہ کنگ خان نے سرپر امامہ ٹاپ ٹوپی بھی پہنی ہے۔

گوری خان بھی مسلمانوں والے لباس میں نظر آرہی اور انھوں نے باقاعدہ طور مسلم خواتین کی طرح حجاب لیتے ہوئے برقع لگایا ہوا ہے اور اپنے سر کو اسکارف سے ڈھانپا ہوا ہے۔

تاہم اب اس تصویر کی حقیقت سامنے آگئی ہے کہ یہ تصویر جعلی اور ڈیپ فیک کی مدد سے بنائی گئی ہے، اس تصویر کو حقیقت سے مشابہت دینے کے لیے اس کے پیچھے مکہ کے مینار بھی واضح کیے گئے ہیں۔

بھارتی میڈیا رپورٹس میں بتایا گیا ہے کہ خان فیملی کی مکہ کا دورہ کرنے والی تصاویر جعلی ہیں اسے ڈیپ فیک یا کسی دوسری آرٹیفیشل انٹیلیجنس کی مدد سے بنایا گیا ہے۔

 

View this post on Instagram

 

A post shared by Abdul Wajeed (@wtv_news_media)

اس سے قبل کئی سوشل میڈیا آؤٹ لیٹس کی جانب سے دعویٰ کیا گیا تھا کہ یہ تصویر حقیقی ہے جبکہ کچھ اداروں نے اسے اے آئی سے بنائی گئی تصویر قرار دیا تھا۔

خیال رہے کہ 2005 میں گوری خان نے کافی ود کرن میں شاہ رخ کے مذہب کے حوالے سے اظہار خیال کرتے ہوئے کہا تھا کہ وہ اپنے شوہر کے مذہب کا احترام کرتی ہیں لیکن اس کا مطلب یہ نہیں ہے کہ وہ مسلمان ہوجائیں گی۔

ایک وقت ایسا بھی تھا جب گوری خان نے بالی وڈ کے کنگ شاہ رخ خان کو فلموں کا اسکرپٹ گھر لانے سے منع کررکھا تھا۔

اس بات کا انکشاف شادی کے کچھ سالوں بعد 1994 میں گوری خان نے فلم فیئر کو انٹرویو دیتے ہوئے کیا تھا۔ اس انٹرویو میں جوڑے نے اپنی زندگی اور شاہ رخ خان کی فلم کے حوالے سے باتیں کی تھیں۔

کنگ آف بالی وڈ کی اہلیہ نے فلم فیئر کو بتایا کہ ہم شاہ رخ کے کام کے بارے میں گھر میں باتیں نہیں کرتے۔ اگر وہ گھر میں کوئی ہندی مووی دیکھیں تو شاید میں ٹی وی توڑ دوں۔

ان کا کہنا تھا کہ اگر شاہ رخ کسی فلم کا اسکرپٹ گھر لے آئیں گے تو میں اسے کھڑکھی سے باہر پھینک دوں گی۔ یہ سارے کام کرنے کے لیے ان کے پاس گھر میں کافی وقت ہوتا ہے۔

پروڈیوسر گوری خان کا کہنا تھا کہ اداکاری انھیں بدترین پیشہ لگتا ہے۔ انھیں کوئی کتنی بڑی آفر بھی کردے وہ کبھی اداکاری کی طرف نہیں آئیں گے۔

واضح رہے کہ گزشتہ سال 2023 شاہ رخ خان کے لیے کامیابیوں سے مزیّن رہا۔ ان کی پٹھان، جوان اور ڈنکی نے باکس آفس پر کمائی کے نئے ریکارڈ قائم کیے جبکہ ڈنکی تو اب بھی سینما گھروں کی زینت بنی ہوئی ہے۔