ممبئی : بالی ووڈاداکار رنبیر کپور کا کہنا ہے کہ ان کو مگرمچھ کا گوشت بہت پسند ہے اداکار کے اس انکشاف نے سب کو حیران کردیا ہے.
تفصیلات کےمطابق بالی ووڈاداکار رنبیر کپور دوسرے پنجابیوں کی طرح کھانے کے بے حد شوقین ہیں وہ جس قدر دال روٹی کے کھانے کے شوقین ہیں اسی طرح انہیں مگرمچھ کا گوشت بھی بہت پسند ہے.
جی ہاں یہاں بات ہورہی ہے رنبیر کپور کی جن کے بارے میں کہا جاتا ہے کہ وہ میڈیا کو دیکھتے ہی گھبراہٹ کا شکار ہوجاتے ہیں تاہم اداکار کے اس انکشاف نے سب کوحیران کردیا ہے.
ایک انٹرویو کے دوران رنبیر کپور نے مگرمچھ کے گوشت کھانے کا واقعہ شیئر کیا اور ساتھ ہی کہا کہ اس کا گوشت نرم ہونے کے ساتھ ساتھ بے حد لذیذ بھی ہے.
کھانوں کے ہی حوالے سے رنبیر کپور کا کہنا تھا کہ ان کا گھر ان کی دادی کے کھانوں کی وجہ سے مشہور ہے اور ان کی دادی کےنزدیک روٹی بغیر گھی کے روٹی نہیں.
انہوں نے کہا کہ عام لوگوں کی طرح کپور خاندان کے کچن میں بھی مسالحے دار اور لذیز پکوان نہ صرف بنائے جاتے ہیں بلکہ کپور خاندان اس طرح کے کھانوں کا شوقین ہے.
رنبیر کپور ان دنوں اپنی فلم ‘اے دل ہے مشکل’ میں مصروف ہیں فلم کےحوالے سے بات کرتےہوئے انہوں نے بتایا کہ فواد خان کے ساتھ کام کرکےبہت مزہ آیا،وہ بہت باصلاحیت ہیں اور شوٹنگ کے بعد ان کے ساتھ گھومنا پھرنا بہت دلچسپ لگتا ہے،ہماری اچھی دوستی ہوگئی ہے’.
واضح رہے کہ فلم ‘اے دل ہے مشکل’ کی کاسٹ میں رنبیر کپور کے ساتھ ایشوریا رائے، انوشکا شرما اور فواد خان بھی شامل ہیں. فلم رواں برس 28 اکتوبر کوریلیز کی جائے گی.
