میراڈونا کی 1986 کے ورلڈکپ میں انگلینڈ کے خلاف ’ہینڈ آف گاڈ‘ گول کے لیے استعمال کی جانے والی فٹ بال 20 لاکھ یورو میں نیلام کردی گئی, یہ رقم پاکستانی کرنسی میں 53 کروڑ روپے سے زائد بنتی ہے۔
غیر ملکی میڈیا رپورٹس کے مطابق ارجنٹینا فٹ بال ٹیم کے کپتان ڈیاگو میراڈونا نے 1986 کے ورلڈکپ کے کوارٹر فائنل میں دو ناقابل یقین گول کرکے انگلینڈ کی ٹیم کو شکت سے دوچار کیا تھا۔
تاریخ کی سفید فٹ بال افریقا کے ملک تیونس کے میچ ریفری علی بن ناصر کی ملکیت تھی جنہوں نے نیلامی کیلئے پیش کیا۔
اس سے قبل ارجنٹائن کے فٹ بال لیجنڈ ڈیاگو میراڈونا کی 1986 کے ورلڈکپ کوارٹر فائنل میں انگلینڈ کے خلاف پہنی شرٹ ایک ارب 62 کروڑ روپے سے زائد کی ریکارڈ قیمت میں فروخت ہوئی تھی۔
واضح رہے کہ میرا ڈونا ارجنٹائن کی ٹیم کے سابق کپتان رہے ہیں اور اپنے وقت کے عظیم کھلاڑی تھے جن کی قیادت میں ارجنٹائن نے 1986 میں ورلڈکپ جیتا۔
