گولڈن گلوب ایوارڈز کی رنگا رنگ تقریب منعقد ہوئی جس میں دنیا بھر میں تہلکہ مچانے والی فلم ’اوپن ہائیمر‘ نے میلہ لوٹ لیا۔
آسکر کے بعد گولڈن گلوب کو فلمی دنیا دوسرے معتبر ایوارڈ کی حیثیت حاصل ہے، جس کے لیے تقریب کیلی فورنیا کے بیورلی ہلز میں سجائی گئی۔ ہالی وڈ کی کہکشاں سے کئی مشہور ستاروں نے اس تقریب میں شرکت کی۔
گولڈن گلوب کی 81 ویں پروگرام سے قبل ریڈ کارپٹ پر ستاروں نے اپنے جلوے بکھیرے، تقریب میں سب سے زیادہ 9 نامزدگیوں کے ساتھ باربی کا پہلا نمبر رہا مگر میلہ اوپن ہائیمر کے نام رہا۔
ایٹم بم پر بنائی جانے والی فلم ’اوپن ہائیمر‘ نے متعدد ایوارڈز اپنے نام کرتے ہوئے پانچ کیٹیگریز میں ٹاپ پوزیشن حاصل کی۔ فلم باربی دو ایوارڈز اپنے نام کرپائی۔
دوران تقریب اوپن ہائیمر نے بہترین ڈرامہ فلم جب کہ پوور تھنگز نے بہترین مزاحیہ فلم کا ایوارڈ حاصل کیا۔
فلمی دنیا کی دوسری بڑی ایوارڈز تقریب میں سیلین مرفی اور للی گلیڈ اسٹون نے بہترین اداکار اور بہترین اداکارہ کا ایوارڈ اپنے نام کیا۔
رابرٹ ڈاؤنی جونیئر کو ڈرامہ اوپن ہائیمر میں بہترین معاون اداکار اور کرسٹوفر نولن کو اوپن ہائیمر کیلئے بہترین ہدایت کار کا ایوارڈ سے نوازا گیا۔
