Tag: گولی

کراچی: برطانوی دوا ساز کمپنی کی جانب سے کرونا وائرس کو شکست دینے کے لیے گولی تیار کر لی گئی۔

تفصیلات کے مطابق دنیا کی بڑی دوا ساز کمپنیوں میں ہزاروں سائنس دان کرونا وائرس سے مقابلہ کرنے کے لیے طریقے ڈھوندنے کے لیے جدوجہد کر رہے ہیں لیکن برطانیہ اور ناروے کی کمپنی برجن بیو کے ماہرین کا خیال ہے کہ انہوں نے کرونا کو شکست دینے والی دوا بنا لی ہے۔

دوا ساز کمپنی کی جانب سے اصل میں کینسر کے تیار کی جانے والی دوائی بمسنتینب کرونا وائرس کو خلیوں میں داخل ہونے سے روکنے اور جسم کے ایک انتہائی اہم اینٹی ویرل دفاعی میکانزم کو بند کرنے سے روکنے کے خلاف دفاع کرتی ہے۔

بمسنتینب نامی دوائی کو حکومت کے تعاون سے چلنے والے ٹرائلز میں این ایچ ایس اسپتال کے مریضوں پر استعمال کر کے دیکھا گیا ہے۔

برجن بیو کے چیف ایگزیکٹو رچرڈ گاڈفری انتہائی پرامید ہیں کہ گولی سے جانیں بچیں گی۔انہوں نے کہا کہ مجھے لگتا ہے کہ اس کے کام کرنے اور مریضوں کے لیے فائدہ مند ہونے کا 80 فیصد امکان ہے۔

یاد رہے کہ گزشتہ ہفتے امریکی دوا ساز کمپنی گیلاد نے اعلان کیا تھا کہ اس کے اینٹی ویرل علاج کے اعدادو شمار کے ٹیسٹوں سے مریضوں کو وائرس سے 4 دن پہلے ہی ٹھیک ہونے میں مدد ملی ہے۔

منیلا : فلپائنی صدر روڈیگو دوٹیرٹے نے لاک ڈاؤن کی خلاف ورزی کرنے والوں کو گولی مارنے کی دھمکی دے دی۔

تفصیلات کے مطابق فلپائنی صدر روڈیگو دوٹیرٹے نے خطاب کے دوران لاک ڈاؤن کی خلاف ورزی پر گولی مارنے کی دھمکی دے دی۔انہوں نے کہا کہ اگر عوام نے حکومت کے احکامات پر عمل نہ کیا تو وہ فوج کو دیکھتے ہی گولی مارنے کا حکم دے دیں گے۔

فلپائنی صدر کا کہنا تھا کہ حکومت کو غصہ نہ دلائیں، انہیں چیلنج مت کریں،کیوں کہ ایسا کرنے پر آپ کو ہی شکست ہوگی۔

روڈیگو دوٹیرٹے نے کہا کہ میں فوج اور پولیس کو حکم دیتا ہوں کہ اگر کسی نے ڈاکٹرز اور طبی عملے کو کسی قسم کا نقصان پہنچایا اور ان کی زندگی خطرے میں ڈالی تو اسے فوری گولی مار دیں۔

فلپائنی صدر کا یہ بیان منیلا کے علاقے کوئزن میں کچی آبادی کے رہائشیوں کی جانب سے کیے گئے احتجاج کے بعد سامنے آیا ہے۔ کچی آبادی کے رہائیشوں کا کہنا تھا کہ لاک ڈاؤن نافذ ہوئے دو ہفتوں سے زائد کا وقت گزر چکا ہے تاہم انہیں اب تک کھانے پینے کی اشیا اور دیگر امدادی سامان نہیں دیا گیا۔

واضح رہے کہ گزشتہ 24 گھنٹوں کے دوران دنیا بھر میں کرونا وائرس کے 70 ہزار سے زائد نئے کیسز سامنے آئے ہیں جس کے بعد عالمی سطح پر مریضوں کی تعداد 9 لاکھ 50 ہزار ہوگئی ہے۔

شکاگو: امریکا کے شہر شکاگو میں ایک شخص سوشل میڈیا پر لائیو ویڈیو اسٹریمنگ کے دوران گولی لگنے سے ہلاک ہوگیا۔

خبر رساں ادارے اے ایف پی کے مطابق 28 سالہ اینٹونیو پرکنز نے فیس بک لائیو ویڈیو اسٹریمنگ کے دوران نادانستہ طور پر اپنے ہی قتل کے لمحات کو محفوظ کرلیا۔

رپورٹس کے مطابق اینٹونیو اپنے اسمارٹ فون کے ذریعے فیس بک پر سیلفی اسٹائل میں لائیو ویڈیو اسٹریمنگ میں مصروف تھا کہ اچانک اس دوران ایک درجن سے زائد گولیاں فائر ہوئیں, گولی لگتے ہی پرکنز کے ہاتھ سے فون گر گیا، جس کے بعد صرف چیخ و پکار سنائی دی جانے لگی۔

حکام کا کہنا ہے کہ پرکنز ایک گینگ کا رکن تھا، تاہم اس کے جاننے والے چند افراد نے شکاگو کے ڈبلیو جی این ٹی وی اسٹیشن سے بات کرتے ہوئے بتایا کہ پرکنز اب گینگ کا حصہ نہیں رہا تھا اور اس بات کا بھی امکان ہے کہ وہ فائرنگ کا مطلوبہ ہدف نہیں تھا۔

پرکنز کی ایک دوست نے ڈبلیو جی این کو بتایا، ‘ہمارے بارے میں اس طرح سے مت سوچیں’، مذکورہ واقعے سے ایک روز قبل بھی فرانس میں ایک شخص نے ایک پولیس افسر اور ان کے پارٹنر کو ان کے گھر میں لائیو فیس بک ویڈیو اسٹریمنگ کے دوران قتل کردیا تھا۔

اس حوالے سے فیس بک کا کہنا ہے کہ وہ اس طرح کے واقعات کی روک تھام کے لیے حکام اور قانون نافذ کرنے والے اداروں کے ساتھ تعاون کر رہی ہے۔