Tag: گووندا

بالی ووڈ اداکار گووندا کا کہنا ہے کہ غدر میں ملک کے لیے گالیاں تھیں اس لیے کام نہیں کیا۔

بھارت کے رئیلٹی شو میں اداکار گووندا نے شرکت کی جہاں سامعین میں سے لڑکی نے سوال کیا کہ آپ کو غدر، تال اور دیوداس میں کردار آفر ہوئے پھر فلم میں اداکاری کیوں نہیں کی؟

گووندا نے بتایا کہ غدر میں گالیاں تھیں جب میں کسی شخص کو گالی نہیں دیتا پھر کسی ملک کو گالی دی جائے تو اس فلم میں کیسے کام کرسکتا ہوں۔

فلم تال سے متعلق انہوں نے کہا کہ فلم کے ٹائٹل سے متعلق میرے منہ سے نکل گیا تھا کہ ’یہ تال بکاؤ نہیں ہے۔‘

گووندا نے بتایا کہ دیوداس میں مجھے کہہ رہے تھے کہ چنی لال کا کردار نبھائیں جس میں وہ شاہ رخ خان کو پلا پلا کر مار دیتا ہے مجھے ایسا لگا کہ اس کردار سے نہیں جڑ سکوں گا۔

واضح رہے کہ ’غدر‘ فلم پاکستان مخالف تھی جس میں سنی دیول اور امیشا پٹیل نے مرکزی کردار نبھایا تھا حال ہی میں غدر 2 بھی ریلیز ہوئی تھی۔

فلم دیوداس میں گووندا کو چنی لال کا کردار آفر کیا گیا تھا جسے بعد میں جیکی شیروف نے ادا کیا۔

تال میں انیل کپور کا کردار پہلے گووندا کو آفر کیا گیا جو ایشوریا رائے کے ٹیچر ہوتے ہیں اور انہیں میوزک سکھاتے ہیں لیکن اس کردار کو بھی گووندا نے مسترد کیا۔

بالی ووڈ میں گووندا کا نام کسی تعارف کا محتاج نہیں، وہ 90 کی دہائی میں بھارتی فلم اندسٹری کے مقبول ترین چہروں میں سے ایک تھے۔

کئی مزاحیہ فلموں میں بہترین اداکاری کے جوہر دکھانے والے گووندا کسی زمانے میں شاہ رخ اور سلمان سے بھی بڑے اسٹار تھے، اس دوران وہ ایک دن میں کئی فلموں کی شوٹنگ کرتے تھے اور اکثر ایک ساتھ تقریباً 10 پروجیکٹس پر کام کرتے تھے۔

بھارتی رپورٹس کے مطابق اتنی فلموں میں کام کرنے کی وجہ سے عملے کو ان کے سیٹ پر پہنچنے کے لیے گھنٹوں انتظار کرنا پڑتا تھا، اس لیے وہ دیر سے آنے کے لیے مشہور تھے

اس وقت گووندا کی بے پناہ مقبولیت کی وجہ سے ہدایت کار سے لے کر پروڈیوسر تک سب اس بات کو برداشت کرنے پر مجبور تھے، تاہم اب وقت بدلا تو گووندا میں بھی تبدیلی آگئی ہے۔

ان کے ساتھی اداکار شکتی کپور نے میڈیا سے بات کرتے ہوئے بتایا کہ وقت کے ساتھ گووندا میں تبدیلی آئی ہے، اب وہ وقت سیٹ پر پہنچتے ہیں، گوندا پہلے صبح 9 بجے کی شفٹ کےلیے 9 بجے رات کو آتے تھے۔

گووندا اب 9 بجے کی شفٹ کے لیے 8:30 بجے ہی صبح ہی پہنچ جاتے ہیں،عدم تحفظ انسان کو کہاں سے کہاں پہنچا دیتا ہے۔ اب گووندا بہت پروفیشنل ہو گئے ہیں اور پوری انڈسٹری انھیں جانتی ہے۔

فلموں کے معروف ولن شکتی کپور کا کہنا تھا کہ لوگ کہتے ہیں گووندا کے لیے کامیابی کا وقت گزر چکا ہے لیکن میں ایسا نہیں مانتا، امریش پوری نے 44 سال کی عمر میں کیریئر شروع کیا تھا، کسی بھی اداکار یا آرٹسٹ کے لیے کبھی بھی دیر نہیں ہوتی۔

شکتی کپور نے ماضی کا واقعہ بتایا کہ گووندا کے رقص، اداکاری اور کامیڈی نے انھیں مداحوں اور فلم سازوں بہت مقبول بنا دیا تھا۔ ایک بارجب وہ حیدرآباد میں شوٹنگ کر رہے تھے تو آج کے سپراسٹار عامر خان صرف انہیں پرفارم کرتے ہوئے دیکھنے کے لیے سیٹ پر آئے تھے۔

ممبئی: معروف بالی وڈ اداکار و سیاستدان گووندا کو اچانک طبیعت بگڑ جانے پر ہیلی کاپٹر کے ذریعے ممبئی کے اسپتال میں منتقل کر دیا گیا۔

انڈین میڈیا کے مطابق شیو سینا کے رہنما گووندا ریاست مہاراشٹر کے علاقے پچورا میں ایک ریلی سے خطاب کر رہے تھے اور اس دوران انہیں جسم میں تکلیف محسوس ہوئی اور پھر سینے میں درد اٹھا۔

پارٹی رہنماؤں نے انہیں فوری طور پر ہیلی کاپٹر کے ذریعے ممبئی اسپتال منتقل کیا جہاں وہ زیرِ علاج ہیں۔

گووندا کے مداح اور خیر خواہ ان کی خراب صحت کے بارے میں فکر مند ہیں کیونکہ پارٹی رہنماؤں یا اہل خانہ کی جانب سے اس بارے میں کوئی تفصیلات نہیں بتائی گئیں۔

یاد رہے کہ پچھلے دنوں گووندا گھر میں اپنی ہی بندوق سے اتفاقی گولی چل جانے سے شدید زخمی ہوگئے تھے۔ اداکار و سیاستدان کو ٹانگ میں گولی لگی تھی اور وہ کچھ دنوں تک اسپتال میں زیرِ علاج رہے تھے۔

بعد میں انہوں نے ایک موقع پر واقعے کو یاد کرتے ہوئے کہا تھا کہ میں علی الصبح کولکتہ میں ایک شو کیلیے جا رہا تھا کہ تیاری کے دوران بندوق زمین پر گری اور گولی چل گئی، میں نے ٹانگ میں زوردار جھٹکا محسوس کیا اور جب دیکھا تو خوب بہہ رہا تھا۔

اداکار و سیاستدان نے کہا تھا کہ جب ہم صبح اٹھتے ہیں اور تیار ہوتے ہیں تو ہمیں لگتا ہے سب کچھ ٹھیک ہے اور کوئی پریشانی نہیں ہے، میں تھوڑا خوش نصیب شخص ہوں، میں نے اس کے بارے میں نہیں سوچا تھا لیکن ہمیں ہمیشہ چوکنا رہنا چاہیے۔

گفتگو کے دوران جب رپورٹر نے گووندا سے اپنے پاس بندوق رکھنے کی وجہ پوچھی تھی تو ان کا کہنا تھا کہ شہرت ایک آگ ہے اور آپ کو اپنے اردگرد کے شعلوں سے باخبر رہنا چاہیے۔

ان کا کہنا تھا کہ جب آپ شہرت حاصل کرتے ہیں تو آپ کو محتاط رہنا چاہیے کیونکہ بہت سے لوگ آپ سے محبت کرتے ہیں لیکن کچھ حسد بھی کرتے ہیں۔

ممبئی: نامور بالی وڈ اداکار و شیو سینا کے رہنما گووندا نے اسپتال سے ڈسچارج ہونے کے بعد پہلی بار میڈیا سے گفتگو میں تمام سوالات کا جواب دے دیا۔

گووندا نے بھارتی میڈیا کے نمائندوں سے گفتگو میں طبی عملے، سیاستدانوں، میڈیا اور فنکاروں کا تہہ دل سے شکریہ ادا کیا جو ان کی صحتیابی کیلیے فکر مند تھے۔

انہوں نے کہا کہ میں اسپتال کے ڈاکٹروں، نرسوں اور عملے کا شکریہ ادا کرنا چاہتا ہوں جنہوں نے اس نازک وقت میں میری دیکھ بھال کی، میرے پاس شکریہ ادا کرنے کیلیے الفاظ نہیں ہیں۔

یاد رہے کہ بالی وڈ اداکار کو منگل کی صبح اپنی ہی بندوق سے اتفاقی گولی چلنے سے زخمی ہوگئے تھے۔

واقعے کو یاد کرتے ہوئے گووندا نے کہا کہ زخمی کافی گہرا ہے اور یہ چونکا دینے والا تھا، میں علی الصبح کولکتہ میں ایک شو کیلیے جا رہا تھا کہ تیاری کے دوران بندوق زمین پر گری اور گولی چل گئی، میں نے ٹانگ میں زوردار جھٹکا محسوس کیا اور جب دیکھا تو خوب بہہ رہا تھا۔

انہوں نے کہا کہ جب ہم صبح اٹھتے ہیں اور تیار ہوتے ہیں تو ہمیں لگتا ہے سب کچھ ٹھیک ہے اور کوئی پریشانی نہیں ہے، میں تھوڑا خوش نصیب شخص ہوں، میں نے اس کے بارے میں نہیں سوچا تھا لیکن ہمیں ہمیشہ چوکنا رہنا چاہیے۔

گفتگو کے دوران جب رپورٹر نے گووندا سے اپنے پاس بندوق رکھنے کی وجہ پوچھی تو ان کا کہنا تھا کہ شہرت ایک آگ ہے اور آپ کو اپنے اردگرد کے شعلوں سے باخبر رہنا چاہیے۔

ان کا کہنا تھا کہ جب آپ شہرت حاصل کرتے ہیں تو آپ کو محتاط رہنا چاہیے کیونکہ بہت سے لوگ آپ سے محبت کرتے ہیں لیکن کچھ حسد بھی کرتے ہیں۔