معروف امریکی ٹیکنالوجی کمپنی گوگل نے سیکڑوں ملین سے زائد ڈاؤن لوڈ کی گئی ایپلی کیشن کو ختم کرنے کا فیصلہ کرلیا، جس کا عندیہ گزشتہ سال دیا گیا تھا۔
عام طور پر اکثر گوگل کی جانب سے اپ ڈیٹس کا سلسلہ جاری رہتا ہے، تاہم اب گوگل نے اپنی ایک اہم ایپ کو بند کرنے کا اعلان کیا ہے۔
غیر ملکی ویب سائٹ لائیومنٹ ڈاٹ کام کی رپورٹ کے مطابق 500ملین سے زیادہ ڈاؤن لوڈز والی گوگل پوڈ کاسٹ ایپ کل مورخہ 2 اپریل کو امریکہ میں بند ہونے جارہی ہے، پوڈ کاسٹ کئی پلیٹ فارمز پر دلچسپ اور معروف سمجھا جاتا ہے۔
گوگل نے صارفین سے اپنے ڈیٹا کو یوٹیوب میوزک یا کسی اور سروس پر منتقل کرنے پر زور دیا ہے، پوڈ کاسٹ اب بھی ڈاؤن لوڈ کیے جاسکتے ہیں لیکن شٹ ڈاؤن کی تاریخ کے بعد اسٹریم نہیں کیے جاسکتے۔
رپورٹ کے مطابق گوگل کی جانب سے یہ خیال سامنے آیا ہے کہ کاروبار کے لیے الگ ایپ بنانے کے بجائے موجودہ ایپس میں ہی اسے شامل کرلیا جائے۔
اس صورتحال کو دیکھتے ہوئے گوگل نے گوگل پوڈ کاسٹ کو بند کرنے کے ساتھ ساتھ ہار نہیں مانی بلکہ پوڈ کاسٹ کے آئیڈیا کو ایک اور پلیٹ فارم یوٹیوب میوزک پر شفٹ کردیا ہے۔
کمپنی اپنے تمام ریسورسز دو ایپس کے بجائے ایک ایپ پر لگانے کا ارادہ رکھتی ہے، یعنی یوٹیوب میوزک پر۔
گوگل کی جانب سے گزشتہ سال ستمبر میں ایپ بند کرنے کا عندیہ دیا گیا تھا، ساتھ ہی گوگل کی جانب سے صارفین سے کہا جا رہا ہے کہ یوٹیوب میوزک کی سروس حاصل کرنے کے لیے صارفین کو پیسے دینے پڑیں گے۔
اگر صارفین کو پوڈ کاسٹ تک حصول چاہیے تو انہیں 2 اپریل سے انویسٹ کرنا پڑے گا تاہم گوگل کی جانب سے فی الحال یہ اقدام امریکی صارفین کے لیے اٹھایا گیا ہے۔
گوگل کا کہنا ہے کہ صارفین چاہیں تو پوڈ کاسٹ ڈیٹا کو یوٹیوب میوزک ایپ پر شفٹ کر سکتے ہیں یا پھر کوئی دیگر پوڈ کاسٹ کا انتخاب بھی کرسکتے ہیں۔
پوڈ کاسٹ کو ٹرانسفر کا طریقہ
سب سے پہلے گوگل پوڈکاسٹ ایپ کو اوپن کریں۔ اس کے بعد ایکسپورٹ سبسکرپشنز کے آپشن پر کلک کریں۔
تیسرے اسٹیپ کے طور پر ایکسپورٹ انڈر ایکسپورٹ ٹو یوٹیوب میوزک پر کلک کریں اور پھر ٹرانسفر ٹو یوٹیوب میوزک ایپ پر کلک کریں۔
