Tag: گوگل

پاکستانی صارفین نےگوگل پرکِن شخصیات کو سرچ کیا

گوگل نے رواں سال کے اختتام سے کچھ روز قبل ایک سالانہ رپورٹ جاری کردی ہے، رپورٹ میں پاکستانی صارفین کے حوالے سے بھی دلچسپ اعداد و شمار بتائے گئے ہیں اس حوالے سے ایک فہرست ایسے ملکی اور غیر ملکی شخصیات کی مرتب کی ہے جنہیں پاکستانی صارفین کی کثرت نے گوگل پر سرچ کیا اور ان سے متعلق معلومات تک رسائی حاصل کی۔

گوگل کی انتظامیہ کی جانب سے جاری کی گئی رپورٹ کے مطابق پاکستان کی جانب سے سب زیادہ لوگوں نے کھیل سے متعلق خبروں کو سرچ کیا گیا جب کہ مختلف شخصیات اور ایونٹس کو بھی سرچ کیا گیا۔

پاکستانی صارفین کی جانب سے جن ملکی اور غیر ملکی شخصیات کو گوگل پر سرچ کیا گیا ان کی فہرست دیکھ اندازہ لگایا جا سکتا ہے کہ لوگوں نے شوبز، سیاست اور سماجی رہنماؤں کو سرچ کیا ان میں وہ شخصیات بھی شامل ہیں جو اب ہم میں نہیں رہے۔

پاکستان سے تعلق رکھنے والی شخصیات

عبدالستارایدھی

معروف سماجی کارکن اورایدھی فاؤنڈیشن کے سربراہ عبدالستار ایدھی اپنے سماجی کاموں کے باعث عالمی شہرت رکھتے تھے،وہ پہلے پاکستانی شخصیت تھے جنہوں نے ملک میں پہلی نجی ایمبولینس سروس کا آغاز کیا اور لاوارث لاشوں کو اُٹھانے اور تجہیز و تدفین کی ذمہ داری بھی اُٹھی جب کہ لاوارث بچوں کی پرورش، اور ذہنی امراض میں مبتلا افراد کی دیکھ بھال کے لیے اپنی نوعیت کے منفرد پروجیکٹس شروع کیئے ۔

عبدالستار ایدھی رواں سال 88 سال کی عمر میں خالقَ حقیقی سے جاملے وہ گردے کے عارضہ میں مبتلا تھے انہیں حکومت اور کئی مخیر افراد کی جانب سے بیرون ملک علاج کی پیشکش کی گئی لیکن انہوں نے علاج معالجے کے لیے اپنے وطن کو ہی چنا ۔

امجد صابری

کراچی سے تعلق رکھنے والے معروف قوال امجد صابری کو رمضان ٹرانشمیشن میں شرکت سے واپسی پر لیاقت آباد کے علاقے میں دہشت گردی کا نشانہ بنایا گیا انہیں شدید زخمی حالت مین اسپتال منتقل کیا گیا تا ہم وہ جانبر نہ ہو سکے۔

امجد صابری روایتی قوالی میں جدید موسیقی کے امتزاج کے سرخیل تھے اس کے علاوہ وہ اپنے شہر کی معروف سماجی شخصیت بھی تھے انہوں نے کئی بین الاقوامی موسیقاروں کے ساتھ مل کے بھی کام کیا ان کی پڑھی گئی قوالیاں دنیا بھرمیں ذبان زد عام ہیں۔

قندیل بلوچ

سوشل میڈیا کے ذریعے شہرت کی بلندیوں پر پہنچنے والی ماڈل قندیل بلوچ کو اس سال کے آغاز میں مبینہ طورپرغیرت کے نام پران کے بھائی نے قتل کردیا گیا تھا۔

قندیل بلوچ اپنے متنازعہ لباس ، قابل اعتراض ماڈلنگ اور سوشل میڈیا پر سیاسی شخصیات کو شادی کی پیشکش کرنے کے حوالے سے ہمیشہ خبروں کی زینت بنتی رہیں جب کہ ان کے قتل کی خبر بھی بڑی خبربن گئی ۔

ممتاز قادری

گورنر پنجاب سلمان تاثیر کو 2011 میں فائرنگ کر کے ہلاک کرنے والے ممتاز قادری کو اس سال عدالت کی جانب سے دی گئی سزائے موت پر پھانسی دی گئی ان کے نمازہ جنازہ میں لاکھوں افراد نے شرکت کی اور بعد ازاں اسلام آباد سمیت ملک کے ہر بڑے شہر میں سخت احتجاج بھی کیا گیا تھا ۔

مومنہ مستحسن

پاکستانی گلوکارہ مومنہ مستحسن کو شہرت کی بلندی کوک اسٹوڈیو میں آفرین آفرین گانے کی ویڈیو ریلیز ہونے کے بعد ملی جس کے بعد وہ شوبز کی مشہور شخصیت بن گئی اور گوگل میں سرچ کی جانے والی پاکستانی اہم شخصیات میں جگہ بنا لی۔

مومنہ مستحسن کی شادی کے حوالے سے متضاد خبروں نے بھی انہیں خبروں میں زندہ رکھا یہی وجہ ہے جیسے ہی ان کہ منگنی خبر اور تصاویرشائع ہوئیں جسے گوگل پر کافی لوگوں کی جانب سے سرچ کیا گیا۔

غیر ملکی شخصیات

ڈونلڈ ٹرمپ

سال 2016 میں ہونے والے امریکی صدر کے لیے انتخابات کا جادو پاکستانیوں پربھی سرچڑھ کے بولتا رہا ، پاکستان اور مسلمان مخالف بیانات سے شہرت پانے والے ڈونلڈ ٹرمپ کو پاکستانی صارفین کی کثیر تعداد نے سرچ کیا اوران سے متعلق خبروں، معلومات اور خیالات تک رسائی حاصل کی۔

ہیلری کلنٹن

امریکی صدارتی انتخاب اس سال گرم ترین خبر رہی ہیں یہی وجہ ہے کہ ڈونلڈ ٹرمپ کے مد مقابل حریف ہیلری کلنٹن کو بھی پاکستان سے تعلق رکھنے والے گوگل صارفین نے بڑی تعداد میں سرچ کیا، پاکستانی صارفینن نے ہیلری کلنٹن سے متعلق خبروں اور معلومات سے آگاہی حاصل کی۔

میلا نیا ٹرمپ

نو منتخب امریکی صدر ڈونلڈ ٹرمپ کی اہلیہ میلانیا ٹرمپ کو بھی پاکستانی صارفین نے گوگل پر سرچ کیا، میلانیا امریکی صدر کی اہلیہ بننے سے قبل معروف ماڈل کی حثیت سے بھی کافی شہرت رکھتی تھیں اور اب اپنے سماجی کاموں کی وجہ سے لوگوں کی توجہ کا مرکز بنی ہوئی ہیں ۔

ڈی جے براوو

اپنے گانے چمپیئن سے بام شہرت کو چھونے والے ڈیوائن براوو کو بھی پاکستانی عوام نے گوگل پر سرچ کیا کئی صارفین نے ان کے نغمے ڈاون لوڈ کیئے اور ان کی موسیقی سے محظوظ ہوئے جب کہ لوگوں کی کثیر تعداد نے ان کی ذاتی زندگی کے بارے میں معلومات حاصل کیں۔

پرتُیوشا بنرجی

بھارتی ٹیلی ویژن کے معروف پروگرام بگ باس سے شہرت حاصل کرنے والی پرتُیوشا بنرجی نے اپریل 2016 میں مبینہ طور پر اپنے گھر میں خود کشی کر لی تھی، اس خبر کے عام ہوتے ہیں گوگل پر پاکستانیوں کی بڑی تعداد نے انہیں سرچ کیا اور ان سے متعلق خبروں کو پڑھا۔

دسمبر 14, 2016
جعلی خبروں سے بچنے کے لیے گوگل کا اہم فیصلہ

کیلیفورنیا: انٹرنیٹ کے سب سے بڑے سرچ انجن گوگل نے اپنے پہلے صفحہ پر سے ’ان دا نیوز‘ یعنی خبروں کا صفحہ بدلنے کا فیصلہ کیا ہے۔

ذرائع کا کہنا ہے کہ یہ فیصلہ فیس بک کے خلاف اٹھنے والے اس تنازعہ کے بعد کیا جارہا ہے جس میں الزام لگایا گیا کہ فیس بک پر دکھائی جانے والی خبریں امریکی صدارتی انتخاب کے نتائج پر اثر انداز ہوئیں۔

اس کے بعد گوگل نے بھی حفظ ماتقدم کے طور پر اس قسم کے کسی تنازعہ سے بچنے کے لیے اس اقدام کا افیصلہ کیا ہے۔ اس اقدام کے تحت گوگل پر خبروں کی تلاش کے لیے ترتیب دیے گئے صفحہ ’ان دا نیوز‘ کا نام بدل کر ٹاپ اسٹوریز کر دیا جائے گا۔

ذرائع کا کہنا ہے کہ اگر یہ اقدام نافذ العمل کردیا جاتا ہے تو اس کے بعد گوگل اس سے بری الذمہ ہوجائے گا کہ اس پر تلاش کی جانے والی خبریں درست ہیں یا غلط۔

مزید پڑھیں: گوگل اہم بھارتی مسئلے کو حل کرنے کے لیے سرگرم

گو کہ ابھی گوگل کے خبروں کے صفحہ پر دکھائی جانے والی خبروں کو مانیٹر کرنے کے لیے باقاعدہ ٹیم موجود ہے لیکن بہر حال انسانی غلطی کا امکان ہر وقت موجود رہتا ہے، اور اسی کی ذمہ داری سے بچنے کے لیے گوگل یہ قدم اٹھا رہا ہے۔

گوگل انتظامیہ نے تاحال اس خبر کی تصدیق یا باقاعدہ اعلان نہیں کیا۔

مزید پڑھیں: گوگل کے ملازم دفتر میں کیا کھاتے ہیں؟

واضح رہے کہ امریکی صدارتی انتخاب کے بعد سماجی رابطوں کی ویب سائٹ فیس بک پر الزام عائد کیا گیا تھا کہ اس پر ٹرمپ سے متعلق جعلی خبریں پھیلائی گئیں۔ یہی نہیں صدارتی مہم کے دوران بھی کہا جاتا رہا کہ فیس بک انتظامیہ ہیلری کلنٹن کی حمایت میں جانبدار خبروں کو پھیلا رہی ہے۔

نومبر 21, 2016
گوگل کے ملازم دفتر میں کیا کھاتے ہیں؟

دنیا کا سب سے بڑا سرچ انجن گوگل سب سے زیادہ کمانے والی کمپنی بن چکا ہے۔ گوگل جہاں اپنے مالکان کے لیے بے حد نفع بخش ہے وہیں یہ اپنے ملازمین کو بھی بے شمار سہولیات فراہم کرتا ہے۔

گوگل اپنے دفاتر میں کام کرنے والے 57 ہزار 1 سو ملازمین کو دیگر کئی سہولیات کے ساتھ مفت اور لذیذ اشیائے طعام بھی فراہم کرتا ہے۔ یہ کھانے کوئی عام کھانے نہیں بلکہ ان کی تراکیب دنیا کے ماہر شیفس کی تراکیب ہیں۔

گوگل کی جانب سے جاری کیے جانے والے اعداد و شمار کے مطابق ان کھانوں پر ہر سال 80 ملین ڈالر خرچ کیے جاتے ہیں۔ گوگل کے کچن میں 675 ملازمین موجود ہیں جو روزانہ ایک لاکھ سے زائد کھانے ملازمین کو فراہم کرتے ہیں۔

دنیا بھر میں موجود گوگل کے دفاتر میں 185 شاندار کیفے ٹیریا موجود ہیں جبکہ صرف کیلیفورنیا میں واقع گوگل کے ہیڈ کوارٹر میں 30 کیفے موجود ہیں۔

ہم نے گوگل کے ملازمین کی سوشل میڈیا پر پوسٹ کی جانے والی کچھ ایسی ہی تصاویر جمع کی ہیں جن سے اندازہ ہوتا ہے کہ وہ روز اپنے آفس میں کن کھانوں سے لطف اندوز ہوتے ہیں۔

لندن میں رہائش پذیر گوگل کے ایک ملازم کے مطابق تمام ملازمین کے لیے روز آفس پہنچ کر اپنا ناشتہ خود بنانے کی سہولت موجود ہے۔

سان فرانسسکو کے ایک ماہر شیف نے گوگل ملازمین کے لیے یہ کپ کیکس بنائے۔

گوشت سے پرہیز کرنے والے سبزی خور افراد بھی ان ذائقوں سے محروم نہیں۔

لاس اینجلس میں سلاد کے شوقین ایک ملازم کا کھانا۔

لندن میں گوگل کے ایک دفتر میں چکن تندوری اور جھینگوں کے سوشی رولز بنائے گئے۔

آئس کریم کے شوقین افراد دفتر میں بھی اپنا شوق پورا کرتے ہیں۔

لاس اینجلس میں گوگل کے دفتر میں کھانے کی میز۔

زیورخ کے ایک گوگل آفس میں ایک ملازم کو کھانے کے لیے یہ ٹرے موصول ہوئی۔

لاس اینجلس میں ایک ملازم کا تیار کردہ ناشتہ۔

اگست 30, 2016
گوگل کا پاکستانی جامعات کا دورہ کرنے کا اعلان

اسلام آباد: انٹرنیٹ کی دنیا کے سرکردہ سرچ انجن گوگل کمپنی نے پاکستان آنے اور پاکستانی یونیورسٹیوں کا دورہ کرنے کا اعلان کیا ہے۔

گوگل کی جانب سے جاری کیے جانے والے شیڈول کے مطابق گوگل کے نمائندگان پر مشتمل ٹیم 30 اگست سے 9 ستمبر تک پاکستانی جامعات کا دورہ کرے گی۔

گوگل کی ٹیم کراچی، لاہور، اسلام آباد، گجرات اور خیبر پختونخوا کے شہر توپی کی بڑی جامعات کا دورہ کرے گی۔

گوگل میں خامی کی نشاندہی کرنے والا پاکستانی آئی ٹی ماہر *

شیڈول کے مطابق کراچی میں انسٹیٹیوٹ آف بزنس ایڈمنسٹریشن، این ای ڈی یونیورسٹی آف انجینئرنگ اینڈ ٹیکنالوجی، اسلام آباد میں نیشنل یونیورسٹی آف کمپیوٹر اینڈ ایمرجنگ سائنس، لاہور میں یونیورسٹی آف انجینئرنگ اینڈ ٹیکنالوجی، نیشنل یونیورسٹی آف کمپیوٹر اینڈ ایمرجنگ سائنس، یونیورسٹی آف پنجاب، لاہور یونیورسٹی آف مینجمنٹ سائنسز، گجرات میں یونیورسٹی آف گجرات، اور توپی کا غلام اسحٰق خان انسٹیٹیوٹ آف انجینئرنگ سائنسز اینڈ ٹیکنالوجی گوگل کی ٹیم کی میزبانی کریں گے۔

اس دورہ کا مقصد پاکستانی طلبا کو گوگل کی جدید مصنوعات سے آگاہی دینا، اور باصلاحیت طلبا کو نئے مواقع فراہم کرنا ہے۔

گوگل کے ساتھ منعقد کیے جانے والے مباحثوں میں شرکت کے لیے اس فارم کو پر کرنے کی ہدایت کی گئی ہے۔

اگست 24, 2016
گوگل کی جانب سے نیا آپریٹنگ سسٹم متعارف کرایا جارہا ہے

گوگل کی جانب سے مقابلے کا رحجان اور صارفین کو نت نئی سہولیات پہنچانے کے لیے جدید تقاضوں سے ہم آہنگ پروگرام بنانے میں مصروف ہے میک کے مقابلے میں ونڈوز اور پھر اینڈارئیڈ کے مقابل میں آئی او ایس تخلیق کرنے والے ادارے نے اور آپریٹنگ سسٹم فوشیاء متعارف کرانے کا فیصلہ کرلیا ہے تا ہم ابھی تک یہ پتہ نہیں چل سکا کہ گوگل کا یہ سسٹم مارکیٹ میں کس کے مقابل لایا جا رہا ہے۔

گوگل کے مطابق فوشیاء ایک آپریٹنگ سسٹم ہے جو جدید موبائل فونز،کمپیوٹرز اور لیپ ٹاپ کے لیے بنایا گیا ہے، گوگل پہلے ہی اینڈرائیڈ اور ونڈوز او ایس پہلے ہی موجود ہے،فوشیاء کے آنے کے بعد گوگل فیملی مکمل ہو جائے گی اور اسے دوسری کسی کمپنی کے سافٹ ویئر کی ضرورت نہیں رہے گی۔

سب ہی جانتے ہیں کہ ایک نئے سسٹم کو پہلے سے موجود بڑی مارکیٹ میں متعارف کرانا مشکل اور کٹھن مرحلہ ہوتا ہے لیکن گوگل پہلے ہی اینڈرا ئیڈ کے ساتھ آپریٹنگ سسٹم متعارف کرنے میں کامیاب رہی ہے لہذا امید کی جا سکتی ہے نیا سسٹم فوشیاء بھی مارکیٹ میں اپنی جگہ بنا لے گا۔

ماہرین کے خیال میں گوگل اس میدان میں دیگر کمپنیوں سے پیچھے نہیں رہنا چاہتا لیکن جیسا بتایا جاچکا ہے کہ یہ کمپیوٹر اور موبائل میں بھی استعمال ہوسکتا ہے تو یہ بھی خیال کیا جارہا ہے کہ گوگل کی جانب سےفوشیاء کو اینڈرائیڈ اور کروم آپریٹنگ سسٹم کے متبادل کے طور پر بھی پیش کیا جاسکتا ہے۔

گوگل کی جانب سے اوپن سورس آپریٹنگ سسٹم فویشا جدید ترین موبائل فونز ، لیپ ٹاپ اور کمپیوٹرز پر کام کرسکتا ہے جب کہ گوگل کی ڈارٹ پروگرامنگ لینگویج اس کا دل ہے اور اس حوالے سے کوڈ شیئرنگ ویب سائٹ میں ایک پیج بھی منظر عام پر آیا ہے۔

گو کہ گوگل کی جانب سے اس حوالے سے کوئی باضابطہ اعلان نہیں کیا گیا اور نہ ہی بتایا گیا ہے کہ آخر اس آپریٹنگ سسٹم کو کس مقصد کے لیے تیار کیا جارہا ہے تاہم ماہرین کے خیال میں یہ ایسی مصنوعات کے لیے تیار کیا جارہا ہے جس میں اینڈرائیڈ اور لینکس کا استعمال مثالی نہیں۔

ہو سکتا ہے کہ آپ اپنے آپریٹنگ سسٹم ونڈوز،اینڈرائیڈ،میک او ایس اور آئی او ایس سے خوش ہوں لیکن ہر چیز میں بہتری کی گنجائش موجود رہتی ہے اس لیے امید کی جا سکتی ہے کہ نئے اور جدید سسٹم سے مراد زیادہ محفوظ، مزید میموری،نئے تجربہ،لمبی بیٹری،اور بآسانی ضبط تحریر لانے والے فونٹ اور ایپس سمیت کئی نئی فیچرز شامل ہوں گے جس سے آپریٹنگ سسٹم دیدہ زیب ہی نہیں استعمال کے لیے آسان بھی ہو جائے گی۔

اگست 17, 2016
پاکستان میں رجسٹرڈ آئی ٹی کمپنیوں کی تعداد میں مسلسل اضافہ ہورہاہے، انوشہ رحمان

اسلام آباد: وزیر مملکت برائے آئی ٹی انوشہ رحمان کاکہناہے کہ 2020 تک پاکستان کی آئی ٹی ایکسپورٹس 6 ارب تک پہنچ جائیں گی جبکہ پاکستان میں رجسٹرڈ آئی ٹی کمپنیوں کی تعداد میں مسلسل اضافہ ہورہاہے ۔

اسلام آباد میں نیشنل انکوبیشن سینٹر کی افتتاحی تقریب سے خطاب میں انوشہ رحما ن کا کہنا تھا کہ وفاقی وزارتوں کی مرحلہ وار ای گورنمٹ نظام پر منتقلی کاکام جاری ہے وزارت آئی ٹی کو 100 فیصد ای گورنمنٹ نظام پر منتقل کیا جاچکا ہے ۔

انھوں نے کہاکہ نیشنل انکوبیشن سینٹر کے قیام سے نوجوان نسل کو اپنی صلاحیت نکھارنے کا موقع ملے گا، سیکرٹیر جنرل آئی ٹی یو ہولن ژاﺅ کا کہناتھاکہ انکوبیشن سنٹرزکامیاب اقتصادی ترقی کا اہم زریعہ ہیںآئی ٹی یو بھی آئی سی ٹی ایس ایم ایز کو خصوصی اہمیت دیتا ہے ۔

تقریب سے خطاب میں موبی لنک کے سی ای او عامر ابراہیم کا کہنا تھا کہ نیشنل انکوبیشن سینٹر کے قیام کا مقصد ڈیجیٹل پاکستان کے ویژن کو آگے بڑھانا ہے جبکہ اس انکوبیشن سنٹر کے قیام سے نوجوان انٹریپرینیورز کو مدد ملے گی اور انھیں ماہرین اور مشیروں تک رسائی حاصل ہو سکے گی۔

انھوں نے بتایاکہ موبی لنک اس نیشنل انکوبیٹر سنٹر کو اپنے سروس ڈیلیوری پارٹنر ٹیم اپ کے زریعے آپریٹ کرے گا اور انٹریپرنییورز کو ماہرین تک رسائی دے گا۔

جولائی 21, 2016
گوگل کا عبدالستار ایدھی کو خراج عقیدت

کراچی : معروف سماجی رہنماء عبدالستار ایدھی کی خدمات کو خراج عقیدت پیش کرنے کے لیے انٹرنیٹ کی معروف ویب سائٹ ’’گوگل ڈاٹ کام‘‘ کی جانب سے مین صفحے پر عبدالستار ایدھی کا نام آویزاں کردیا گیا۔

تفصیلات کے مطابق معروف سماجی رہنماء کی انسانی خدمات کو خراج عقیدت پیش کرنے کے لیے گوگل نے اپنے ہوم پیج پر ’’عبدالستار ایدھی‘‘ کا نام اُن کی پیدائش اور انتقال تک کے سفر کی تاریخ کو آویزاں کیا ہے۔

عبدالستار ایدھی کے نام پر کلک کرنے سے اُن سے متعلق خبروں کے صفحات کی تفصیل سامنے آرہی ہے، جس میں ان کی اور ایدھی فاؤنڈیشن کی جانب سے انسانیت کی لیے کی گئی خدمات اور اقدامات کو بیان کیا گیا ہے۔

مزید پڑھیں : عبدالستار ایدھی کی آنکھیں دو نابینا مریضوں کو لگا دی گئیں

ایک طرف عبدالستار ایدھی کی نجی زندگی سے متعلق پوری تفصیل دی گئی ہے جس میں اُن کی تاریخ پیدائش، آبائی علاقہ، ان کی اہلیہ ، بچوں اور بہن بھائیوں کے نام تحریر کیے گیے ہیں جبکہ ایدھی فاؤنڈیشن کے نام سے بھی ایک لنک دیا گیا ہے جس پر کلک کرنے سے اس ادارے کے قیام، اعراض و مقاصد اور تمام خدمات کی تفصیلات تحریر کی گئی ہیں۔

قبل ازیں گوگل کی جانب سے سانحہ آرمی پبلک اسکول کے شہداء کو خراج تحسین پیش کرنے اور اُن کے اہل خانہ سے اظہار یکجہتی کے لیے اپنے ہوم پیج پر موم بتی کے نشان کو آویزاں کیا تھا۔

اسی طرح موسیقی کی دنیا میں عالمی شہرت پانے والے معروف پاکستانی گلوکار نصرت فتح علی خان کی گزشتہ سال برسی کے موقع پر اُن کو خراج تحسین پیش کیا گیا تھا۔

جولائی 10, 2016
گوگل کی جانب سے ’’مائی اکاؤنٹ‘‘ سروس شروع

کیلی فورنیا : گوگل کی جانب سے اینڈرائیڈ ، آئی او ایس کے گمشدہ موبائل فونز کو تلاش کرنے کے لیے ’’مائی اکاؤنٹ‘‘ سروس شروع کردی گئی ہے۔

تفصیلات کے مطابق گوگل کی جانب سے اس سروس کے لیے ’’مائی اکاؤنٹ‘‘ نامی ویب سائٹ ایک سال قبل بنائی گئی تھی تاہم گزشتہ روز بلاگ کے ذریعے اس سروس باقاعدہ شروع کرنے کا اعلان کیا گیا ہے۔

گوگل بلاگ میں کہا گیا ہے کہ ’’اس سروس کے ذریعے صارفین اپنے گمشدہ یا چوری ہونے جانے والے موبائلز کو بہت آسانی سے تلاش کرسکتے ہیں‘‘۔

قبل ازیں ادارے کی جانب سے یہ سروس صرف اینڈرائیڈ صارفین کے لیے ایک ٹول کے طور پر فراہم کی گئی تھی، مگر اب فیچر کو اپ ڈیٹ کر کے آئی او ایس صارفین کو بھی اس سروس میں شامل کرلیا گیا ہے۔

بلاگ میں کہا گیا ہے کہ اب صارفین کہیں دور بیٹھ اپنے موبائل سے گوگل کے اکاؤنٹ کو سائن آؤٹ کر سکیں گے اور اپنے موبائل کے مقام کو گوگل میپ سروس کے ذریعے تلاش کرسکتے ہیں۔

اس میں مزید کہا ہے کہ مستقبل میں صارفین کی مشکلات کو دور کرنے کے لیے اس عمل کو آسان بنایا جائے گا اور انگریزی کے علاوہ اس سروس کو دیگر زبانوں میں بھی متعارف کروایا جائے گا، مستقبل میں صارفین اپنی آواز کے ذریعے اپنا مائی اکاؤنٹ کھول سکیں گے۔

اس سروس کے ذریعے صارفین اپنا فون لاک کرنے کے ساتھ ، کال ، اکاؤنٹ محفوظ بنانے اور اسکرین پر کال بیک نمبر چھوڑ سکتے ہیں۔

سروس استعمال کرنے کا طریقہ

اس سروس کا طریقہ استعمال نہایت آسان ہے، سب سے پہلے گوگل پر جائیں اور اُس اکاؤنٹ سے لاگ ان ہوں جو ای میل آپ کے موبائل میں ڈالا گیا ہے،صفحہ کھلنے پر سرچ باکس میں "Where’s my phone?”ٹائپ کر کے انٹر کا بٹن دبائیں۔

اگلے لمحے میں آپ کے سامنے ایک نقشہ آجائے گا جہاں آپ کے فون کی لوکیشن ظاہر ہورہی ہوگی۔

اگر آپ کا فون دفتر یا گھر میں موجود ہے اور مل نہیں رہا ہے تو آپ رنگ کے بٹن پر کلک کریں جس کے بعد آپ کا موبائل بجنے لگے گا۔

یاد رہے اس سروس کو استعمال کرنے کے لیے موبائل فون میں انٹرنیٹ کی سہولت ہونا بہت ضروری ہے۔

جون 2, 2016
انٹرنیٹ سرچ انجن گوگل بھی ورلڈ ٹی20کے بخار میں مبتلا

کراچی: پاکستان بنگلہ دیش کے خلاف اپنا پہلا گروپ میچ کل کھیلے گا لیکن میچ کے لیے گوگل نے اپنا ڈوڈل ابھی سے بدل دیا۔

کرکٹ فیور صرف شائقین کو ہی نہیں چڑھا ، گوگل بھی ورلڈ ٹی ٹوئنٹی کے بخار میں مبتلا ہو گیا ۔

گوگل لوگو جسے ڈوڈل کہا جاتا ہے، ہراہم موقع کی مناسبت سے بدلتا ہے، اس بار گوگل پر میگا ایونٹ کا رنگ چھا گیا۔

پاکستان بنگلہ دیش کے خلاف اپنا پہلا گروپ میچ کل کھیلے گا لیکن میچ کے لیے گوگل نے اپنا ڈوڈل ابھی سے بدل دیا ہے ۔

واضح رہے کہ اس قبل بھی گوگل نے استاد نصرت فتح علی خان کی سالگرہ کے موقع پراپنا ڈوڈل استاد نصرت فتح علی خان کے نام سے منسوب کیا تھا۔

مارچ 15, 2016
دوستوں کے ساتھ سیر و تفریح کیلئے گوگل کی نئی ایپ لانچ

گوگل نے قریبی دوستوں کے ساتھ آؤٹنگ کے لئے ہوز ڈاؤن ایپ لانچ کردی ہےجو سیر و تفریح کیلے دوستوں کو ایک جگہ جمع کردے گی۔

دوستوں کا ملنا گپ شپ کرنا اب ہوگا مزید آسان۔۔ گوگل نے قریبی دوستوں کی تلاش کے لیے ’’ہوُزڈاؤن‘‘ ایپ متعارف کرادی۔

اس ایپ کے ذریعے آپ پتہ لگا سکتے ہیں کہ دوست سیر و تفریح کےلیے فارغ ہیں یا نہیں، ہوز ڈاؤن ایپ کی خاص بات یہ ہے کہ آپ اپنی لوکیشن بھی بتاسکتے ہیں اور ساتھ ہی دوستوں کے راستوں پر بھی نظر رکھ سکتے ہیں۔

اس میں گروپ چیٹ کی سہولت بھی موجود ہے جس میں آپ کے کئی دوست بیک وقت شامل ہوکر اپنی رائے دے سکتے ہیں۔

نومبر 9, 2015