Tag: گوہر اعجاز

اسلام آباد : پاکستان اور دیگر ممالک کے بجلی ٹیرف کے موازنے کی تفصیلات سامنے آگئیں ، جس کے تحت علاقائی ممالک کے مقابلے پاکستان میں مہنگی بجلی فراہم کی جا رہی ہے۔

تفصیلات کے مطابق سابق نگراں وزیر گوہر اعجاز  نے پاکستان کے مقابلے دیگر ممالک کے بجلی ٹیرف کی تفصیلات جاری کردیں۔

گوہر اعجاز نے بتایا کہ علاقائی ممالک کے مقابلے پاکستان میں مہنگی بجلی فراہم کی جا رہی ہے، پاکستان میں صنعتوں کیلئے بجلی کا نرخ 44 روپے 56 پیسے فی یونٹ ہے۔

انھوں نے کہا کہ اس کے مقابلے مصر میں بجلی کانرخ 10 روپے 58 پیسے ، ترکی میں 16 روپے 43 پیسے فی یونٹ، بنگلادیش میں بجلی کی قیمت 20 روپے 89 پیسے فی یونٹ ہے۔

سابق وزیر نے مزید بتایا کہ بھارت میں صنعتوں کو بجلی 23 روپے 39 پیسے فی یونٹ میں دی جا رہی ہے جبکہ ویتنام اور سری لنکا میں بجلی کی قیمت 23 روپے 67 پیسے فی یونٹ ہے۔

سابق وفاقی نگراں وزیر نے کہا کہ حکومت بجلی صارفین کیلئے بجلی کا نرخ 26 روپے فی یونٹ مقرر کرے، انرجی سیکٹر میں اصلاحات ناگزیر ہیں۔

ان کا کہنا تھا کہ آئی پی پیز کے ساتھ معاہدوں پر نظر ثانی اور ادائیگی صرف بجلی پیدا کرنے پر کی جائے، بجلی پیدا نہ کرنے والے آئی پی پیز کو ادائیگیاں روکی جائیں، خسارے کا شکار بجلی کی تقسیم کار کمپنیوں کی نجکاری کی جائے۔

اسلام آباد : سابق نگراں وزیر گوہر اعجاز کا کہنا ہے کہ آج جمعہ کوبجلی بلوں سے پریشان 25 کروڑ پاکستانیوں کیلئے دعا کی جائے۔

تفصیلات کے مطابق سابق نگراں وزیر گوہر اعجاز نے اپنے بیان میں کہا کہ ہر شہری 40 آئی پی پیزفیملیز کے معاہدوں کے باعث شدید پریشان ہے، آئی پی پیز معاہدوں سےگھریلو،کمرشل، صنعتی،زرعی صارفین کاجینا محال ہوچکا ہے۔

سابق نگراں وزیر کا کہنا تھا کہ آج جمعہ کوبجلی بلوں سےپریشان25کروڑپاکستانیوں کیلئےدعاکی جائے،ہم اداروں ، حکومت اور سپریم کورٹ کی جانب دیکھ رہے ہیں۔

انھوں نے کہا کہ صارفین کو آئی پی پیز کی کیپسٹی پےمنٹس سےبچایاجائے کیونکہ پاور سیکٹرمیں بدانتظامی ،نااہلی سےبجلی کی قیمتیں نا قابل برداشت ہوچکی ہیں۔

لاہور : پیٹرن انچیف اپٹما وسابق نگراں وزیر ڈاکٹر گوہر اعجاز نے سوال کیا کہ 24روپے یونٹ والی بجلی صنعت ،عوام کو 60 روپے کیوں بیچی جارہی؟

تفصیلات کے مطابق پیٹرن انچیف اپٹما و سابق نگراں وزیر ڈاکٹر گوہر اعجاز نے گفتگو کرتے ہوئے کہا کہ آج آئی پی پیز پر کانفرنس میں پاکستان کے مستقبل کا فیصلہ کریں گے، سابق وزیر اعظم انوار الحق کاکڑ بھی ہمارےساتھ موجودہونگے،سابق وزیر اعظم آئی پی پیز معاہدوں پر اہم بات کریں گے۔

سابق نگراں وزیر کا کہنا تھا کہ مہنگے ترین آئی پی پیز معاہدے قوم سے ظلم ہے، لاہور ہم اس آڑ میں بدانتظامی نااہلی کرپشن کو سامنے لا رہے ہیں،24روپے یونٹ والی بجلی صنعت ،عوام کو 60 روپے کیوں بیچی جارہی۔

انھوں نے کہا کہ لاہور نیپرا کا کردار انتہائی منفی اور عوام دشمن ہے ، آئی پی پیز معاہدوں پر فوری نظر ثانی نہ کی تو کاروبار بند ہو گا۔

سابق وزیر کا مزید کہنا تھا کہ سرکاری پاور ہاؤسز کو کپیسٹی چارجزبند کئے جائیں اور شرح سود کو فوری سنگل ڈیجیٹ میں لایا جائے۔

اسلام آباد : سابق وزیر تجارت گوہر اعجاز نے حکومت کوآئی پی پیز کی قیمتیں کم کرنے کا فارمولا بتادیا اور کہا حکومت آئی پی پیز سے معاہدوں کا فرانزک آڈٹ کرائے، پیسے ہم دیں گے۔

تفصیلات کے مطابق سابق وزیر تجارت گوہر اعجاز نے اے وائی نیوز کے پروگرام ‘سوال یہ ہے، میں گفتگو کرتے ہوئے کہا کہ یکم جولائی کو صنعتکار میرے پاس آئے اور کہا 240 ارب کی کراس سبسڈی تھی، صنعتکاروں نے بتایا حکومت نے کراس سبسڈی ختم کرنے کیلئے رضا مندی ظاہر کی

گوہر اعجاز نے بتایا کہ میں نے حکومت کیلئےکام کیا،اس سال ساڑھے 3 بلین ڈالر کی ایکسپورٹ بڑھی، بار بارکہتا رہا بجلی کی قیمت ٹھیک ہونے تومینوفیکچرنگ نہیں چل سکتی۔

ان کا کہنا تھا کہ بجلی کا ریٹ پورے خطے میں 9سینٹ سے16سینٹ تک ہے، کونسا ملک ہے کہاں صنعت دوسرے کنزیومر کو سبسڈائز کرتی ہے، کسی سیکٹرکوسبسڈی دینی ہےتوحکومت کو اپنےبجٹ سے دینی چاہیے۔

سابق وزیر نے کہا کہ میں نے دیکھا کہ 7روپے 13 پیسے دوبارہ ٹیرف ہے، رپورٹ بھی پڑھی، میں رپورٹ پڑھتا گیا اور روتا گیا کہ یہ کیا ہورہا ہے، 1.95ٹریلین روپےکی پیمنٹ ہوچکی ہے اور 160 ارب روپے کے بل نیپرا کے پاس پڑے ہیں۔

انھوں نے مزید بتایا کہ نیپرا نے2.11ٹریلین کا حساب بنا کر دیا ہے، جس کےپیسے دیں گے، اویس لغاری کہتے ہیں کہ 18روپے کچھ پیسے کیپسٹی پیمنٹ ہے، ہمارے پاس آئی پی پیز کےعلاوہ ہائڈل،پرانے جینکوز بھی ہیں۔

سابق وزیر تجارت کا کہنا تھا کہ آئی پی پیز کے یونٹ کی قیمت 24روپے ہوگئی ہے، ڈیٹا ہے کہ 100 ارب یونٹ سال کے بنارہےہیں، آئی پی پیز کے 23 ہزار 400 میگا واٹ ہیں ،پرانی چیزوں کا بھی قوم پر بوجھ ہے، میں نے صرف 3 پلانٹوں کا ڈیٹا شیئر کیا ہے ، 3پلانٹوں کو 15فیصد چلنے پر 37 ہزار کروڑ روپے دے دیےگئے.

انھوں نے حکومتی بیانات کا ذکر کرتے ہوئے کہا کہ کہتے ہیں پلانٹ چلیں نہ چلیں پیسے دینےہیں تو معاہدے کس نےکیے، ان 3میں سے 2پلانٹ حکومت کے اورایک نجی کمپنی کاہے،حکومت اپنے پلانٹوں سےمتعلق کہہ رہی ہے کہ ان کا اعتماد بحال رکھنا ہے، اپنےپلانٹوں سےبجلی بنانے پرپیمنٹ کی بات نہیں کرسکتے، پیمنٹ کی بات کی تو حکومت سے حکومت ناراض ہوجائے گی۔

سابق وزیر نے سوال کیا کہ کیا حکومت کے لگائے گئے سی ای اوز حکومت سے ہی ناراض ہوجائیں گے، کہا جاتا ہےمعاہدےریوائز نہیں ہوسکتے،52فیصدحصہ تو حکومت کااپنا ہی ہے، 37ہزارکروڑ میں سے22ہزارکروڑ حکومت کےپلانٹوں کو دیے گئے۔

ان کا مزید کہنا تھا کہ آئی پی پیز میں 52 فیصد حکومت،28 فیصد نجی سیکٹر کے ہیں، حکومت اپنی 52 فیصد سے ہی کام شروع کرے صرف بجلی بنانے پرپیسے دے، 24روپے کا جو یونٹ ہے وہ 8روپے کا ہونا چاہیے تھا۔

سابق وزیر تجارت حکومت کی جانب سےہرمعاہدہ دگنی قیمت پر لگا دیاگیا ہے، حکومت سنجیدہ ہے تو معاہدوں کا فرانزک آڈٹ کرائے، پیسے ہم دیں گے۔

اسلام آباد : وزیر صنعت و تجارت گوہر اعجاز کا کہنا ہے کہ پاکستان کا مستقبل صرف برآمدات ہیں ، ہمیں پیٹ کاٹ کر برآمدات بڑھانی ہوں گی۔

تفصیلات کے مطابق وزیر صنعت و تجارت گوہر اعجاز نے سینیٹ کی قائمہ کمیٹی تجارت کو بریفنگ دیتے ہوئے کہا کہ پاکستان کا مستقبل صرف برآمدات ہیں اور اس کیلئے اصلاحات ضروری ہیں، پاکستان میں برآمد کنندگان کا ہاتھ پکڑ کر برآمدات بڑھانی ہوں گی۔

گوہر اعجاز کا کہنا تھا کہ برآمد کنندگان کے مسائل زیادہ ہیں اور اسے نہیں پتہ کہ بجلی کا بل کتنا آئے گا، کراچی میں بجلی کا بل مختلف ہے لاہور میں مختلف اور پشاور میں مختلف ہے، جب تک صنعت کار کے پیچھے حکومت کھڑی نہیں ہوگی تو معیشت کی ترقی ممکن نہیں۔

وزیر صنعت و تجارت نے کہا کہ صنعتوں میں بجلی کی چوری نہیں ہوتی اور ان کو عزت اور اعتماد دینا ہوگا، صنعت کار روزگار دیتے ہیں حکومت کے پاس روزگار تو نہیں ہے، ہمیں پیٹ کاٹ کر برآمدات بڑھانی ہوں گی۔

جس پر سینیٹر فدا محمد کا کہنا تھا کہ ملک کی تباہی کے ذمہ دار آئی پی پیز ہیں، آئی پی پیز کے ساتھ کئے معاہدے مسائل کی جڑ ہیں، 103 آئی پی پیز اس وقت ملک میں بجلی کے بلوں میں اضافے کی ذمہ دار ہیں، ساہیوال کوئلہ پلانٹ منصوبہ 20 فیصد کام کررہا ہے ادائیگی 100 فیصد ڈالرز میں ہورہی ہے۔