کراچی : پولیس نے بلوچ کالونی میں چھاپہ مارکر حاضر سروس پولیس اہلکار کو گرفتار کرکے کئی کلو گٹکا برآمد کرلیا، ملزم گھر کی چھت پر گٹکا تیار کرتا تھا۔
تفصیلات کے مطابق سندھ پولیس نے شہر قائد کے علاقے بلوچ کالونی خفیہ طور پر قائم گٹکے کے کارخانے پر چھاپہ مار کارروائی کرتے ہوئے گٹکا فروش پولیس اہلکار کو گرفتار کرکے قبضے سے 30 بور پستول بھی برآمد کرلی۔
پولیس کا کہنا ہے کہ ملزم گٹکا بنانے اور فروخت کرنے میں ملوث تھا جس کے قبضے سے 5 کلو گٹکا بھی برآمد ہوا ہے، ملزم اپنے گھر کی چھت پر گٹکے کا کارخانہ چلا رہا تھا۔
واضح رہے کہ نیوکراچی پولیس نے کارروائی کرتے ہوئے انتہائی مطلوب 5 رکنی ڈکیت گروپ گرفتار کرلیا، ملزمان بینک سے کیش لیکر نکلنے والے سے لوٹ مار کرتے تھے۔
ایس ایس پی سینٹرل نے بتایا کہ گرفتار ملزمان گھروں میں ڈکیتی کی متعدد وارداتوں میں بھی ملوث ہیں، ملزمان میں نور محمد، عثمان، صدام، میوا خان اور شبیراحمد شامل ہیں۔
پولیس کا کہنا ہے کہ گرفتارملزمان رات کے وقت گھروں میں وارداتیں بھی کرتے تھے، ملزمان نے دوران تفتیش 50 سے زائد وارداتوں کا اعتراف کیا ہے۔
پولیس نے ملزمان کے قبضے سے اسلحہ، چھینے گئے 9 عدد موبائل فون بھی برآمد، ملزمان سے چھینی گئی 2 موٹر سائیکلیں بھی برآمد۔
